ضايل على عرسي أسبوع

add_commentأضف إجابتك

thumb_downلم يعجبني0

ضايل على عرسي أسبوع
ضايل على عرسي أسبوع انا فتاة مخطوبة وعرسي بعد أسبوع، انا وخطيبي حبينا بعض بالجامعة وبيوم كانت الدنيا ليل وانا عم احكي مع خطيبي وعم نتهاوش على عددنا الناس الي جايين بالجاهة وهو كان معصب وعم يبهدلني ويسب على اهلي لانه ما بدهم يعملوا سيوان ، فجاة سمعت صراخ امي ركضت شوف وشو صاير ولا حكتلي انه جدتي بالمستشفى وصابر عندها جلطة اول شي اجا ببالي انه خرب العرس وصرت ابكي وزعلت واتصلت بخطيبي وحكيتله انه هيك صار اول شي حكا اسمعي العرس ما بيتأجل لو مات أبوك لما حكالي هيك متل كأنه مي سخنة ونزلت علي وصليت صافتك وأخذت السيارة وطلعت شوف جدتي واطمن عليها ولما دخلت المستشفى لقيت جدي منهار وعم يبكي متل ولد صغير ويسار يحضني ويبكي انصدمت من منظر جدي هاد الزلمة الي بخوف الكل لما يدخل علينا كلنا منسكت وكأنه داخل شي وزير ، بس هي اول مرة اشوف بهالمنظر وسألته كل هاد يا جدي بتحبها جاوبني جواب انا ما بس بحبها هي كل حياتي انا عشت معها اكتر ما عيش مع امي ومع ابوي هي كانت الي كل اشي كانت الظهر والقلب والعقل هي علمت الناس كيف يحترموني وخلتني احسب مليون حساب قبل ما احكي اي كلمة قلل من احترامها صرت ابكي لما حكالي هيك وضمني وحكالي يا بنتي هلا انت عرسك بعد اسبوع وأصحك تغلطي بجوزك اوتقللي من احترامه كوني اله حضن ليكون الك ظهر تستندي علي، ورجعت انا عالبيت وانا فكر انه جدي صرله ٥٠ سنة متزوج ما حكا مع ستي كلمة تقلل من احترامها وانا لسا ما تزوجت وعرسي بعد اسبوع وخطيبي بسب علي وعلى اهلي ، شو ضايل يحكي ويعمل ولهيك قررت احسن قرار بحياتي واتصلت بخطيبي وقلتله اسمع ماحدا مات كلهم مناح بس ما في عرس ، لانه ما في اشي نفرح على شانو كل اشي مات قبل ما يبدا وهلا صرلي سنة تاركة وكتيير مرتاحة وبشتغل وكل اموري بخير بعمرك ما تخلي حدا يقلل من قيمتك وم احترامك لنفسك ولأهلك باسم الحب، الحب هو احترام وحضن وظهر نستند علي
add_commentأضف إجابتك

thumb_down لم يعجبني 0

إجابات السؤال

صورة علم United States
أضف إجابتك على السؤال هنا
  • صورة علم Egypt
    صورة علم Egypt
    مجهول
    براااااافووووو ، بردتيلي قلبي كفو عليييك اخت رجاللو انك سابة ع اهلو كان ما رضي يتزوجك. ليش لكن لترضي بواحد لسانو متبري منو! كفو عليك برافو
  • صورة علم Algeria
    صورة علم Algeria
    مجهول

    اجمل ما سويتي الله يهنيك ويرزقك زوج صالح

  • صورة علم Algeria
    صورة علم Algeria
    مجهول

    انت اصلك من عائلة كريمة ومحترمة ربي يبعث لك الي يستاهلك

  • صورة علم Kuwait
    صورة علم Kuwait
    مجهول

    بتفهمي... وخير ما عملتي... اهم شي الاحترام بين الطرفين وإلا صارت عيشة بهايم

  • صورة علم United States
    صورة علم United States
    مجهول
    الله محيي اصلك نشمية وعندك كرامة كفووووووو الله يعوضك ويعوضني بالاحسن يارب
  • صورة علم Jordan
    صورة علم Jordan
    مجهول
    نيالك والله جريئه خطوه تحتاج كثير من القوهلكن فعلآ كرامتك بالدنيا احييييكي
  • صورة علم Saudi Arabia
    صورة علم Saudi Arabia
    مجهول
    احسن قرار اخذتي بحياتك ليتك تكوني من نصيبي
  • صورة علم United States
    صورة علم United States
    مجهول
    برافو عليكي
  • صورة علم Egypt
    صورة علم Egypt
    مجهول
    احسنتي اتخاذ القرار الصح
  • صورة علم Saudi Arabia
    صورة علم Saudi Arabia
    مجهول
    الحمد لله الذي تتم بحمده الصالحات والله احسن شي عملتيه، من اولها يسب اهلك!!! هذا ماهو رجل وربنا ليعوضك باللي ارجل منه الالف المرات
صورة علم United States
أضف إجابتك على السؤال هنا