كيف أنسى أن حماتي أفسدت علي ليلة زواجي

انت مريضة نفسية لازم تتعالجي

حبيبتي اشياء كثير بالحياة بنتحسر عليها أكبر بكثير من الاشي اللي انتي بتحكي فيه ..انا ما يقال من قيمة الموضوع ولكن لو كل شغلة بدك تتحسري عليها لهالدرجة وع طول رح تظليل تعبانة طول عمرك بكفي أنها طيبة وخدومة مثل ما بتحكي غيرك صار معه هيك مع ناس ظلوا اقسى من الحجر

ربما هي كانت منزعجة من دخول امرأة شابة إلى حياة ابنها... هذه الغيرة موجودة وهي واقع.. واما رفضها دخول ابوك واخوك معك هذا يعود إلى عقليتها وفكره خاطئة احسبيها امرأة كبرت بالسن او انها لم تستطع مجاراة الاحداث الجديدة في حياتها وحياة ابنها... عوضك الله بأحسن من يوم عرس...مادام زوجك يعاملك بأحسان فسامحي امه اكراما له... وصدقي نحن تحت رحمة الله في هذه الدنيا.. فأحسني اليها بنسيان اخطائها ذاك اليوم لكي ينعم الله عليك بالصحة والسرور لك ولابنائك وزوجك.. 

واضح انك انت كمان انسانة مرتبة وحقيقية. ليك مش دفاعا عنها بس في ناس ما بيعرفوا يتعاملوا مع مشاعرهم واعتقد حماتك منهم. عملت متل كتير واعتبرت انها بتخسر ابن بدل ما تكسب بنت جديدة.طالما زوجك منيح معك وهي هلق منيحة معك مشيها.. زعلك ما برجع اللي راح. بس فيك تعملي اشياء تعوضك. اعيدي مونتاج فيديو العرس وشيلي لقطاتها وهي مكشرة. اقضي اغلب الأوقات الممكنة مع ابوك واخوك وعيلتك طالما بتقدري. اعملي كل سنة فوتوشوت مع عيلتك.العرس لحظات والأهم الحياة اللي بعده. تعلمي ما تكوني حماة متلها يوم عرس أولادك وتعلمي منها الحلو. حياتك باولها ما تقضيها زعل عاللي راح. شريط عرسي صارلي ١٠ سنين مش حاضرته وزواجي كان من ١٢ سنة. ركزي بيومياتك وعيشيها. 

احمدي ربك انا ماعملت عرس لانه عم العريس مات قبل العرس وأهله ماحضروا العرس انا لبست الفستان وعزمنا قرايبنا وجيراننا وتصورنا ورحت انا وهو على بيتنا ولا حدا غنى ولاحدا زلغط ولا همني ، العرس لاثنين وقلة العقل لألفين وماحدا تدخل بالمهر انا وهو اتفقنا على كل شي وأهله مادفعوا شي من جيبهم فما له لزوم يتدخلوا وأنا كمان بنت ناس وكنت متعلمة تعليم جامعي وزوجي كذلك وعشنا بثبات ونبات وخلفنا صبيان وبينات ٠ راعي ام زوجك واكسبيها كل الستات الكبار بحبوا الفلوس ومابدها العروس تضيع مال ابنها على الثياب والمكياج واشتري شو مابدك ولاتورجيها والبسي امامها فستان واحد خصصيه لاستقبالها وقوليلها ماعندي غيره مش ضروري البعزقة اضحكي عليها وفرحيها 

احيانا نفقد السيطرة في حياتنا على اشياء كثيرة و ليس بايدنا ان ندير كلشي زمان كانت العروس لا تتدخل باي شيء العرس يدار من طرف الوالدين وتلاقي الفرحة في كل مكان والضحكة لاتفارق الاوجه اما الان نبحث عن اي شيء لنعكر به مزاجنا ونفسد فرحتنا ولدتي وما زلتي حزينة على عرسك انسي الحزن ينساك تذكري انه هناك من لم تقم اصلا عرسا ولم تلبس فستانا ابيض تذكري انه فيه ناس لا تجد حتى ما تأكله او تستر به جسمها زودتيها ربي يهديك اهمتمي بحماتك ولما تصري حماة تذكري كلامي 

لو لك شيء أسوأ في يوم فرحك لكنت عرفت أن كل هذه الأمور شكليات ولا تستدعي أن يحزن عليها الإنسان طول عمره ياما اعراس انتهت باحزان وياما افراح كانت مثالية وبعدها لم تقدم الحياة بينهم طويلا  عيشي حياتك افرحي بابنك ومادام حماتك طيبة لا تهتمي لشيء

ليس مطلوب منك النسيان لأن نسيان شيء ما وخاصة الإساءة ليس بأيدينا لكن نصيحتي لا تعكري مزاجك بسبب شيء مضى وانتهى، المهم هو معاملة حماتك لك الآن ولا تقدسي يوم الزواج، لا أعرف لماذا تقدس النساء يوم الزواج؟ لا ما فرحت يوم زواجي وما لبست وما اشتريت وما عملت، خلاص العبرة ليست في ذلك اليوم بل فيما بعده هو يوم كسائر الأيام وانتهى، من حقك أن لا تتدخل حماتك فيما ينفق زوجك عليك ولكن كذلك لابد أن تعذريها فهي أم وقلب الأم يختلف تماما عن قلب الزَوجة، فالزوجة تحب أن يكرمها زوجها ولا تهتم لأمره إن صرف الكثير أم لا ولكن الأم تحمل هم ابنها وتريد راحته 

انا صاحبة السؤال. بعرف انو لازم انسى. الحكي سهل. وبعرف انو ماحدا كامل. بس انا فعلا ما فرحت ابدا باليوم يلي صبرت كتير لحتى صار انا بنت عانيت كتير وهربت من الحرب واسست نفسي من جديد وحافظت عحالي كل حياتي وبعرف قيمة نفسي ودارسة صيدلة ومن عائلة تخاف الله يعني ما ناقصني شيء عن باقي بنات العالم حتى ما اخذ مهر. واساسا المهر اللي طلبته هو راتب شهرين فقط من عمل زوجي. يعني شي يقدر عليه مو شي فوق طاقته. هي كانت كل الوقت بدها تقلل التكاليف رغم انه ابنها ما طلب منها حتى هو خجل وصار وجهه احمر بس صارت تطلب نقلل المهر. المهم هي حتى رفضت انو والدي واخي يدخلني الصالة وهاد يلي استغربته يعني استقبلتني بباب الصالة بشي يزعلني . وهاليوم صعب عالبنت  يعني كنت عمبتزوج على مدينة بعيدة عن اهلي ورهبة دخول الصالة امام الناس والكل ينتظر يشوفني. اصلا كنت شوي وببكي. احلى فرحة لما الاب يمسك ايد بنته ويدخلها الصالة. فهي فعلا قربت ع شي كتير غالي علي. وبعد هالموقف اكثر شي اثر فيني انها ما انتظرت هالساعتين يخلص العرس وبعدين تزعل لا هي طلعت كل شي بالعرس. يعني مو وقته. ليش تضل ذكرى انها بتنظرلي نظرات غريبة بمقاطع الفيديو يعني خربت الفيديو والله. الكل يضحك الا هي. وبعد هيك بتقول لابنه ربنا يعوض عليك. طب عادي كل الشباب بتتزوج وبتتعب وبتدفع. والبنت كمان بتترك اهلها وبتروح لزوجها تشتغل وتطبخ بعد دلال ببيت اهلها يعني مو الشب بس بيتعب. وانا اساسا بشتغل صيدلانية يعني مو بحاجة مصاري حدا. بس كمان لازم الشب يلي يتزوجني يكرمني. وسألنا الناس يلي بأوروبا عن المهر وطلبنا المتوسط منه. حتى زعلت بس طلبت غدا للمعازيم. بتقول مابدي احط اكل انا. طبعا زوجي عمل وليمة اكل. لانه معازيمي مسافرين اقل شي ساعتين بالسيارة ليعملوا واجبهم ويحضروا عرسي كتر الله خيرهم . اقل شي نطعميهم وهم على سفر. انا مابقول هي لوحدها اللي خربت فرحتي. بس هي اكبر سبب. لانها قربت على نفسيتي وجرحتني. والمصيبة انها مابتعرف

افهمك جيدا يا اختي. لقد قرأت رسالتك بتمعن. اريد ان اقول لك حقيقة يوما ما ستقولينها انت بنفسك عندما تصبحين بعمر الستين والسبعين. يا اختي اعرفي جيدا ان السعادة الزوجية لا تقاس بالاعراس الفاخرة ولا تقاس بأكبر حجرة الماس تزين خاتمك. الاعراس الكبيرة الضخمة لا تجلب الا الحسد بينما الاعراس البسيطة تكون أفضل بكثير وعلى الاقل لا يكون في الاعراس البسيطة الا الناس المحبين. يا اختي انت ما زلت شابة وتنظرين إلى الحياة نظرة فقط من وجهة نظرك ولكن هذه النظرة ستختلف مع الوقت وتاكدي انك عندما تكبرين وتصبحين عجوز وتصبح ابنتك عروسة ستنصحينها ان تعمل عرس بسيط. انا دايما افضل ان تكون العلاقة مع الحماية رسمية ولكن انصحك ان تنسى ما حدث في العرس لأن حماتك كانت تريد أن تسمعون هذه النصيحة منها ولكن على ما يبدو أنها لا تعرف كيف توصل رسالتها لكم. هي قد تكون فرحة في أعراس بنات العائلة الاخريات ولكن هي ليس لها السلطة ان تعطيهم نصيحتها لهم وكانت تتمنى ان تسمعون انتم منها!؛!!! يا اختي اتمنى ان تعيشي بسعادة انت وزوجك واولادك وعلى ما يبدو أن حماتك طيبة وهي بالفعل انسانة طيبة وتتمنى لكم الخير. لا تدعي الشيطان ينسيكي فضل الله ونعمته عليكي انه وهبك الزوج الصالح والولد الصالح. لا تدعي الشيطان فقط يوجه تفكيرك ضد حماتك فهي انسانة تتمنى لك الخير. والسلام عليكم ورحمة الله وبركاته 

بما أنها بتحبك و بتعاملك منيح خلاص انسي اللي فات ووافتحي صفحة جديدة معها و ظلك معاملتك معها بالواجبات و بيكفي و هيك ما بيصير مشاكل كتير .. المشاكل بتصير في كل الاعراس و ماتنسي حماتك اول مرة بتزوج ولد و يمكن زمان كانت ظروفها المادية صعبة مشان هيك بتحسب قيمة القرش واضح انها ربت ابنها منيح و النتيجة عندك زوجك بيكفي انها جابته و ربته احسن تربية و اعطاتك اياه 

أظن حبيبتي حماتك كانت النقطة التي أفاضت الكأس لأنك من الأول مش راضية لا على التسريحة رغم أن حماتك مش هي لي سرحت شعرك وكنتي مش راضية على المكياج ومش حماتك التي عملت المكياج لك وكنتي مش راضية على الزينة لي في الصالة ومش حماتك لي زينت الصالة والمصورة أعتذرت يعني مش حماتك لي غلطت في كل شيء سابق بس هي يمكن من عفويتها قالت تسلمين الحين بكير عن السلام يمكن ما تقصد شيء سيء الأهم والمهم أن تعاملها معك الأن جيد أما لي فات خلاص أنسيه ولا تخلي حياتك وشبابك يمر في الحسرة والتفكير الفارغ حاولي تنسي وخلاص ولما تكبر بنتك يا ستي تتزوج إن شاء الله وتعملي لها فرح بنت السلطان سبع أيام وتعوضي فرحتك في بنتك ولازم في كل شيء بالدنيا نشوف لي أقل منا مثلا كم وحدة عانس تحلم بس رجل بدووووون عرس ولا صور ولا صالة بس زوج وكم وحدة تحلم أولاد وأنت الحمد لله عندك بنت وكم وكم وكم ... ركزي فالخير لي ربنا أعطاك ولا تخلي وسوسة شيطان تخرب عليك . ولو حماتك بدها تقتصد في المهر والعرس أعرف وحدة لما خطبوها ماجابت حماتها ولا شيء إذا قلت لك ولا شيء يعني ولا شيء حتى ربع متر ثوب لا حتى لو حبة حلوة لا دخلت تخطب بيدين فارغتين ومع ذالك البنت ما قالت شيء صبرت وربنا يعوضها ويعوضك يا رب خير