صورة علم
من مجهول
منذ 3 سنوات 12 إجابات
0 0 0 0

أرتاح في بيت أهلي أكثر من زوجي.. ماذا يعني ذلك؟

السلام عليكم .. صراحه ماني عارفه كيف أبدا.. انا بنت متزوجه وعندي بنتين.. ما ادري من يوم كنت عازبه ماكان عندي صديقات حتى لو تعرفت على وحده ما اعرف كيف احافظ على العلاقه .. كنت قبل الزواج يعني عادي عايشه أحلامي الورديه بين امي واخواني وكنت مدللة عند اهلي والى الان حتى عند زوجي يعني احس مو ناقصني شيء بس برضو تجيني ضيقه واعصب يمكن لان صار عندي بنتين وكثرت المسؤوليه ! يومين أكون مرتاحه وباقي الأسابيع زعلانه على أتفه سبب !! .. احيانا اتهاوش مع زوجي

وكنت أزعل من اهلي وكنت ارتاح عند اهلي صراحه يمكن لان مافي مسؤوليه يعني شخصيتي عند اهلي أفضل من هنا في بيتي عند اهلي احس اني اضحك وبشوشه وهاديه ووو وعند زوجي صامته ومااضحك كثير حتى لو فتح معي سالفه مااتقبلها عكس لما أكون مع خواني اضحك وأعلّق وانبسط.. زوجي بعد مو دايم يسولف معي بس برضو احيانا أحسه خانقني ودي ما يلصق فيني او كنت أقوله هالشي وإذا بعد عني أتضايق وازعل ! الحين لو يبعد عني ارتاح مو فارقه معي ! ماادري وشفيني ابي انبسط واطلع مع الناس واجتمع فيهم بس فيه شيء يمنعني يمكن استحي لاني في الجمعات

شوي مااعرف ادخل مع الناس وأحكي وأحس لما أتجرأ وأحكي سالفه الكل عيونهم علي لأنهم مو متعودين اقول سالفه ،،، مااقدر اسوي أشياء كثيره اعتقد الحياء هو السبب حتى مااقدر استمتع بأغنيه اسمعها في السياره بحظور زوجي بس لو كنت لحالي استمتع وأغني 👍 .. روتين حياتي مثل ماهو اصحى اشتغل اطبخ اقعد مع البنات ننام نقوم وهكذا وانا صار طلعنا بس مو دايم .. حتى الطلعات ابي اطلع والله ابي أغير جو بس لما يقولي زوجي ياالله ارفض وانا ابي ماادري وش خايفه منه ! .. ومشكلتي ماعندي صديقات ودي اطلع وأروح معاهم أغير جو بس ماعندي ولاادري وين ألقاهم لان طلعاتي مره قليله.. حتى هوايتي ابي أمارسها ومو قادره احس بسلبيه.. احس فيه ناس عندهم نفس روتيني بس عايشين وما اشتكوً ليه انا بس !! اللي احس نفسيتي خايسه .. والله فيه حكي كثير بس اكتفي بهذا وشكرا

أضف إجابتك

صورة علم United States
السؤال التالي