صورة علم Egypt
من مجهول
منذ 6 شهور 14 إجابات
0 0 0 0

زوجتي أحرجتني برومانسيتها الزائدة

مراتى عايزة طول اليوم رومانسيه وجو من داه زى المسلسلات التركية كنا فى اول الجواز رومانسية باستمرار ولما الاولاد جم طبيعى حياتنا مش هتبقى زى زمان بس مراتى رافضة كدا وكان الاطفال وهما صغيرين قاعدين معانا وانا وهى بنتكلم عادى الاقيها بتبوسنى واكيد انا كمان هتجاوب معاها بس بعدها بلحظات بدرك ان الاطفال بيتفرجوا دلوقتى ابنى وبنتى الكبار عندهم ١٣ سنه وابنى الصغير عنده ٧ سنين الوضع محرج جدا بسببها حتى لما بتيجى ليا الشغل بلاقيها لازم وهى ماشية بتبوسنى ونحضنى واكتر مم مرة السكرتيرة تشوفنا واوقات موظفين من الشركه قعدة معاها افهما ان هى حبيبتى ومراتى واحنا عايشين فى مجمتمع شرقى واننا مش فى مسلسل من خمس ايام كان عيد ميلاد ابنى الصغير وكنا عاملين حفله فى البيت وقبل العيد الميلاد انا كنت فى مكتبى انا مكتبى بيطل على الجنينه والابواب كلها كانت مفتوحه لقيت مراتى داخله تقولى اطلع عشان تجهز بقولها حاضر يا حبيبتى خمس دقايق بدأت تقرب وقعدت على المكتب وطبيعى اكون قربت منها انا كمان وبوستها وشفتنا بنت اختى هى فى ٣ ثانوى كان موقف لا احسد عليه البنت فضلت طول اليوم مبتكلمنيش خالص وكل ما تشوفنى وشها يحمر كنت امبارح عند اختى وشافتنى بنت اختى لقيتها دخلت اوضتها من شدة الاحراج حتى مسلمتش عليا انا تعبت من مراتى الموضوع ملوش علاقة بالعلاقة الزوجية عشان هى بتم تقريبا كل يوم رغبة مننا الاتنين بس تصرفاتها دى من شدة تعلقها بدرامة المسلسلات ونسيت اننا فى مصر انا لما كلمتها يوم عيد بنتى زعلت منى وان ازاى اشوف حبها ليا بالطريقة دى وهى من شدة حبها بتحب تعبر بالطريقة بقالنا ٤ ايام مبتكلمنيش خاالص انا نفسى تعقل من تصرفات المراهقين دى انا مش قصدى اقلل منها بس الاولاد كبروا ووضع زى داه لا يستحب امام اطفالنا