حبي له كأخ أو أب وليس كزوج لي، ساعدوني

انا ملخبطة فى كلامى ومش عارفة اعبر اوىىواتمنى تفهمونى انا30حاليا لما اتجوزت جواز تقليدى كنت صغيرة فى السن واول عريس جالى اتجوزته من غير ما انجذب له كراجل كنت صغيرة ومصدقت وحبيت فكرة انه طاير بيا وفرحان واتسرعت واتجوزت على اساس هحبه اكيد طالما بيحبنى وفعلا فى فترة الخطوبة شفت فيه صفات حلوة كتير طيبة وحنية وكرم وحب كبير ليا ومازال كدة لحد دلوقت بس مشكلتى انا انى مش منجذبة له كحبيب اشتاقله لما يغيب احب قربه وكلامه حتى فى علاقتى الجنسية معاه مش جذاب بالنسبة لى يعنى حبى له كأخ او اب بقيت احس بالحرمان من الشعور بالحب الزوجى والغرام ومشاعر الانجذاب والاعجاب وحب الانثى للرجل حتى بمل من حواراته وكلامه وافكاره وروحه مش مرحة وصلت لمرخلة انى منكن انجذب لغيره من الرجال واتمناهم بس الحمد لله بمنع نفسي من التمادى ومن عمل اى شىء غلط بس من جوايا بتعذب مش عارفة اتقبله طبعا بيبان عليا كتير عدم التفاعل معاه وبيبان كتير انى بهرب من القعدة معاه لدرجة ساعات لما ينام كتير ببقى مبسوطة انى قاعدة لوحدى بلاقى تسليتى وسعادتى مع ناس تانيين وانا داخلة على 9سنين زواج وكل مدى الموضوع بيزيد رأيكم اعمل ايه هل اطلب الطلاق بس ساعتها هقول ايه السبب لان مفيش سبب ظاهر