قبلت بالعيش في خيمة من أجل الحفاظ على زواجنا لكنه فضّل زوجته الأولى وطردني

add_commentأضف إجابتك

thumb_downلم يعجبني0

انا حبيت شخص متزوج اول ما حكيت معه ماكان عنده مشكلة انو نبقى على تواصل مع بعض بس كان غريب الاطوار برغم اكبر مني20 سنة الا انه بخاف خوف مو طبيعي يعني هو لما حكيت معه كان عمره 44 سنة ومتعلم درس بالجامعة وعنده ثلاث أولاده بس لما يحكي مع على الموبايل من شدة خوفه حد يعرف اني عم بحكي معه كان مثل المجنون يضل يحرص فيا خلال المكالمة لا تحكي اسمي انتبهي لحد يسمع المكالمة احلفي انك ما تحكي لحد عني وتنبيهات وتحريصات لدرجة كان غريب بنفس الوقت رغم خوفه شخص نسونجي وانفتاحي يعني مستعد يشوف اي بنت بالشقة يعمل الحرام بس طبعا يل يحرص ويوصي انا سألته انه ما دامه يخاف هالقد ليش يحكي معي حكالي انه عايش بروتين زواج وهالشي بضايقه المهم انا لاني بحبه اخذته على قد عقله كل يوم اطمنه واحكيله انه ما حد يعرف واحيانا يصير جدال بينا ويصير يبكي مثل طفل صغير خايف اروح احكي لحد عنه او زوجته تعرف وكمان اعامله مثل طفل صغير واطمنه لانو احيانا يصير يدعي على نفسه بالموت ويتمنى انه يموت او يطفش ولا حد يعرف وبنفس الوقت اكتشفته عمل علاقتين مع اثنين بنات الاولى وحدة شافها بالحديثة وباسها والثانية كانت متزوجة وصورها العارية على موبايله وطان يترجاني ما احكي لحد وانه هو تاب وما رح يرجع لهالشي مرت ست سنين وهالوضع ما عدت اتحمله خلال السنين الستة هو كان بده بالحرام معي وانا كنت حابة اتزوجه بالحلال على سنة الله ورسوله وكذا مرة خلص بحس انه ما يحبني واقرر ننهي اللي بينا واسكر خطي لما ارجع افتحه الاقي مسجااااات منه يعتذر مني ويعبر عن حبه الي وانه مشتاق الي ولصوتي وما يناديني غير بطة عمره ما نادى علي باسمي ويوم اتجادلت معه على زواج وكان جبان وخايف وسهلت عليه الامور قلتله اهلك ما رح يعرفوا بس اهلي وكان رافض وقررت هو من طريق وانا من طريق والاقيه باعثلي مسجات حبيبتي افتحي خطك حبيبتي بيجوز الله يسهلها بيجوز زوجته الاولى تموت ويترجى احكي معه وقررت احكي معه واحكيله يا اما يوافق نتزوج يا اما خلص لاني سهلت عليه ما في بنت بالعالم تسهل على رجل مثل هيك وفعلا كتبت كتابي عليه والله اتحملت اللي ما في بنت تتحمله قبلت يوم زواجي منه ما ينام عندي ويروح عالبيت عشان زوجته ما تعرف وغطيت عليه قدام اهلي قبلت اني ما اشوفوه الا بوقت المتاح اله وقبلت انه ما يفتح بيت الي الا لما الامور تتيسر وفعلا ما استاجر بيت الي ضليت بالسكن جامعة ادرس بالجامعة وانام بالسكن وما اشوفوه الا الوقت المناسب اله وما ضغطت عليه وكنت حريصة عليه وانه ما حد يعرف اللي بينا من اهله وبيوم حملت وخلصت جامعة وولدت وصرت عند اهلي ساكنة هالوضع ما في اهل يتحملوه فصار ضغط نفسي علي من اهلي فطلبت منه يحكي لزوجته الاولى وانا مستعدة اعيش بخيمة ومرة بالشهر اشوفه فطلبت منه يحكي مع زوجته الاولى بلكي الله يسر الامور وقبلتني وخلتني انا وبنتي نعيش مع زوجي بالاول حكت الي زوجته الاولى انها ما رح تظلمني وانا حزنت عليها وحبيت اخفف عنها بكلام حلو بالمسجات بس شو المشكلة انه زوجي الله لا يسامحه كل يوم يرن علي ويبكي ويحكيلي انه بيته خرب وانه اولاده يحزنو وانه زوجته الاولى تكون بنت خاله وكان خاله منيح معه وا بده اخوانه يعرفه حتى ما نسوان اخوانه يتشمتو بزوجته الاولى كل يوم يرن علي وتعب نفسيتي اكثر من الاول فحزنت عليه وحبيت اساعده واساعد زوجته ليتخطوا المشاكل عشان الاولاد فضحيت بنفسي لاني غبية رحت بعثت مسجات لزوجته الاولى احكيلها اني انا ركضت وراه وانو زوجي ما اله ذنب وما في بعده وانه سيد الرجال ورحت لعندها عالبيت اترجى فيها تسامحه وحطيت الحق علي ويا ليلتي السودة راحت زوجته الاولى الله لا يوفقها قلبت الطاولة علي بدل ما تاخذ كلامي اني مو حابة تنفصل عن زوجي راحت تعبي راس زوجي علي وتضغط عليه يطلقني وصاروا يهدجوني بالمسجات ينشروها للناس وزوجي الله لا يوفقه كان يترجى فيا اساعده وكان يحكيلي انه رح يطفش عشان هيك حبيت اساعده وهو النذل بدل ما يقدر اللي عملته اله وسترت عليه النذل استغل هالشي ليحسن علاقته بزوجته الاولى وصار يطذب عليها ويحط فيا ويسب علي قدامها وانا قررت ابعد عن هالجو وفجأة الاقي زوجي يحاول يتواصل معي ويعتذر مني ويطلب مني انه يشوفني بس انا رفضت لاني ما بعرف شو ممكن يعملوا فيا وصارت زوجته الاولى تضغط عليه انه يطلقني او يطلقها وزوجي ما كان بس يهني قدام زوجته الاولى لا كمان صغرني عند اهلي شفت الوضع هيك قررت احكي مع حد فهمان من عيلتهم وكان عمه شرحتله وحكالي ما يصير يظلمك وغيره ولما راح يحكي مع زوجي الله لا يسامحه زوجي حكاله انه رح ينفصل عني وحكى حكي بشع صورتي قدامه ولما رفع قضية شقاق ونزاع وصار يهيني وانا متحملة وضعه ما شفت حالي الا رحت على ابوه والله فكرت انه يعرف المهم هناك صار مثل المجنون وصار يسب علي مسبات سيئة ويهدد انه يقتلني قدام زوجته الاولى وشهر بسمعتي قدام اهله وانا بصراحة تحملته لاني كنت بحبه وعشان بنتي بس هسه انا محتارة شو اعمل علما عندي مسجاته الي الكذاب وهو يترجى فيا افتح الخط واني ما اتركه وعندي مسجات وهو يعترف بخيانته مع بنت المتزوجة بس للان عملت باصلي وما حكيت عنه بس هو يحكي عني طالع نازل وانا تعبت بس سؤال واحد معقول كل هاذ عمله عشان بس زوجته الاولى عشان بس ما يزعلها او يخسرها معقول كل تحريصاته قبل لما كان يجنني مان عشانها والله مريض نفسي بطلت اعرف شي
add_commentأضف إجابتك

thumb_down لم يعجبني 0

إجابات السؤال

صورة علم United States
أضف إجابتك على السؤال هنا
  • أخصائية علم النفس والتثقيف الصحي ميساء النحلاوي
    أخصائية علم النفس والتثقيف الصحي ميساء النحلاوي verified_userشكرا لك سيدتي على ثقتك بموقع حلوها . كنت أنتظر وانا اقرأ رسالتك أن تقولي أنك انفصلت عنه ولكني تفاجأت بأنك تزوجته ، لقد أخطأت في حق نفسك وربطت مصيرك برجل لا يبحث الا عن التسليه ولا يريد أن يتحمل مسؤوليتك وقد كان ذلك واضحا منذ البداية. لقد أعطانا الله العقل لنميز بين الصح والخطأ ، فالحب الذي يبنى على الغش والخداع وخراب بيت آخر ، ليس حبا بل أنانيه واستهتار . تراكمت أخطائك وحملت منه حتى قبل أن يؤمن لك سكنا فما ذنب هذه الطفلة لتدفع ثمن تهور والدتها . اطلبي الطلاق وضعي حدا لهذه المأساة لانه لن يتغير ، هو يخاف على زوجته الأولى وعلى مصالحه ويكفيك ما عانيت من تشويه لسمعتك . تخلي عن هذا الحب غير المتكافئ وابحثي عن عمل بعد تخرجك واهتمي بابنتك لعلك تجدين يوما زوجا غير متزوج ، تبنين معه حياه طبيعية ، يكون لك فيها حقوق كاملة.
  • صورة علم Egypt
    صورة علم Egypt
    مجهول

    انتى اللى عملتى فى نفسك كده وانتى اللى حطيتيه فى دماغك وانتى اللى صممتى تتجوزيه بلاش دور الضحية دى

  • صورة علم
    صورة علم
    مجهول

    واضحة كعين المس هو اوقعك بشباكه لكي يرضي غرائزه وعندما فرغ شهوتة تركك ورجع لاستره وزوجته فهذه السيناريو المعتاد فما كنتي تتوقعي منه

  • صورة علم
    صورة علم
    مجهول

    من الطبيعي ان يفعل هكذا لان تاثر الزوجة الاولى على الزواج  كبيرة جدا لذلك عوضك على الله واحتسبي امرك للع تعالى فقط

  • صورة علم Saudi Arabia
    صورة علم Saudi Arabia
    مجهول
    تستاهلي ماجاك واضح أنه يحب زوجته وأنت بلهاء لذلك استمريتي معه أخذك كتسلاية ولعبة وخلص منك بيرجع لسكنه الأصلي
صورة علم United States
أضف إجابتك على السؤال هنا