كيف أثبت لزوجي أني تغيرت للأفضل؟

جوزي مش قادر ينسي الماضي تبعي وبيعاقبني عليه ،من قبل متخطب كان عندي 15،16 سنه كنت بحب واحد كنا متفقين علي انه يتقدم لما يكون عندب 18 سنه المهم كان ف الاول كويس معايا ومحترم وحصل مقابلات مش كتير مع خالتو او اصحابي وكان بيحكيلي ع مشاكله وكان بيصعب عليا عشان كدا كلمته فضلت معاه كده سنه ونص واكتشفته ع حقيقته وانه انسان مش كويس المهم اول معرفت كدا بعت عنه ونهيت العلاقه ،وحاول انه يبعتلي ناس تهددني عشان ارجعله وعاوز يجيب رقمي المهم انه مرجعتلوش ،مرت الايام بعد سنتين من الانفصال اتخطبت لواحد كان دايما يسالني عندي ماضي ولا لا وهو حكالي ماضيه وانا حكتله بحسن نيه وزعل مني المهم عده بعد الخطوبه باسبوعين بالظبط واحده كلمتني ع الفيس وكانت بتهددني اني ابعد عن الشاب القديم وانا هعمل فيكي وهدخل عند كل حد عندك واقول انك كنتي ماشيه مع كذا وانا اصلا مكنتش بكلمه وانا اللي نهتها العلاقه ،قولتله اعملي اللي تعميليه وكما تدين تدان ، المهم حكيت لخطيبي اللي حصل وقالي هتصرف وحكيت لصحبتي راحت كلمته للماضي وقالتله ازاي تعمل كدا وتبعت حد يهددها قعد يحلف انه معملش كدا وراح قالها اسمع الكلام ده مني انا مكنتش راضيه اكلمه بعدين كلمته قالي انا مستحيل اعمل فيكي كدا وبتاع المهم راح خطيبي سالني كلمتيه قلتله لا بقي مصمم رحت قولتله اه كلمته عشان سبب مش اكتر زعل جامد واح جاب رقم الواد وكلمه زعق معاه ، بعديها بفتره خطيبي كلم صحبتي قالها هاتي صورتي من الواد ومتقوليش صحبتي كلمت الولد قالها لازم اسمع الكلام ده مني انا لو خطيبها عاوز الصوره مش هدهالو لو هيا. طلب هرجعها وكان مصمم انه لازم يسمع الكلمه دي مني رحت كلمته طلبت الصوره عشان مش عاوزه مشاكل مع خطيبي والولد ، عرف برضو خطيبي اني كلمه واتخانق معاه وقابله المهم بقي خطيبي دايما يكلم الولد او الولد يتصل بخطيبي ، خطيبي كان شاكك فيا وحاول يقرب منه الولد لانه خايف اني ف يوم اكلمه المهم بقي اداله الثقه وبقي يسال الولد ده كنتو بتعملو اي وبتقولو اي ف الفون بس والله العظيم لما كان يكلمني مكنتش بعرف اتكلم وكان محترم ف كلامه راح الولد بقا يقوله كلام محصلش ويشككه فيا اكتر وبقي يصدقه ربنا عالم مكنش ف حاجه بتحصل السبب الوحيد انه كان حاول يبوسني بس ومن ساعتها وانا نهيت علاقتي بيه ، لكن الولد بقي يحكيله حاجات كتير الله العلم كان بيقوله ايه ، وانا مش خايفه من حاجه طلااماا عارفه نفسي المهم ، وراح قاله مش هتاخدها قالو لو ختها تف علي وشي وقلي انا اختها ، ولو مختهاش انا هتف علي وشك ، المهم انا قولت لخطيبي يعني انت هتاخدني عشان الرهان ده ، ف الاول الولد كان بيشكر فيا واني كويسه وكدا بعد كدا قلب معرفش ليه وبقي يقوله كلام محصلش وقاله عمرك مهتنسي انها كلمت حد قبلك ، وبعد فتره خطيبي دخل ع صفحتي وقرأ رسايل مع واحده صحبتي اني الماضي وحشني ونفسي اطمن عليه وحصل مشاكل تاني ومره علقت ع بوست مواصفات برج رحت انا كتبت مواصفات وقولت اني بحب البرج ده وخطيبي قراها برضو ومش ناسيها حد دلوقتي ، والمشاكل دي كلها بسبب واحده صحبتي هيا اللي عرفتني ع الولد وهيا كانت بكلم ولاد وكدا بس كانت من جواها كويسه بس ده عيبها بتكلم اولاد بس مش معني كدا ابقي زيها هو حاسس اني زيها طلاما اتنين مع بعض اكيد زي بعض بس ربنا يعلم اني مكنتش بعمل حاجه كنت بنروح المدرسه والدروس مع بعض وبيكون ف بنات تاني معانا بس هيا الاكتر بنروح مع بعض ، وهو ده بس الشخص الوحيد الي كلمته واول مشفت غلط بعت ،،، المهم بعت عن صحبتي دي وبقي ع طول شك وعدم ثقه فيا ، وخطيبي طلب الباسورد بتاعي ادتهوله عشان الشك يخلص بقي لازم اشاوره ف كل طلعه وساعات مبلحقش اكلمه وبقوله بعدين وكان يززعل ويقارن نفسه بالماضي اشمعني التاني كنتي تعملي اللي عاوزه وبتخافي منه عطول بقا في مقارنه ، ولو واحده كلمتني تنصحني ف حاجه او تقول رايها ف حاجه ميخلنيش اكلمها تاني مثلا واحد بتقولي لازم تكملي تعليمك وخليكي مصممه هو قرا الكلام ده دخل شتمها وخلاني مكلمهاش وواحده قالتلي لما يجيلك خطيبك تلبسي النقاب قدامه كنت لسه لبسته راح قرا الكلام ده ومخلنيش اكلمها قولتله كل واحد بيقول رايه مش كل حاجه الواحد هيسمعها هيعملها المهم بعت عن كل اصحابي حتي الكويسين قولت مش لازم اهم حاجه هو ،، وغير ده كله كان عاوز يعرف اهلي اني كنت بكلم شاب وكنت بطلع معاه وازاي كنتو مدينها حريتها هو حكي عن صحبتي اني ممشيش معاها عشان مش كويسه وكان عاوز يقلهم عني كمان قولتله مش عاوزه اهلي يزعلوا مني قبل مطلع من البيت وربنا امر بالستر تروح تفضحني المهم بعديها بفتره جاه الولد ده كان ف شغل ف البيت جاه عمله مكان شخص تاني بعد مخلص ومشي راح اتصل بخطيبي قله انا كنت عند فلانه انهرده وخطيبي خرب الدنيا ازاي ده يدخل بيتنا وعمل مشكله مع اخويا كانت مشاكل كتيره اللي ميعرفش عرف اني كنت بكلمه للشخص ده لانه كان موصي اخويا ميجبش الولد ده يعملنا واخويا ميعرفش هو جاه مكان واحد تاني المهم ابويا عرف وكله وهو خطيبي يفتكر انهم معرفوش قولتله بعد المشاكل دي مش هيشوكو ان ف حاجه المهم بعد فتره كانت ف محاضره تبع الدراسه ورحت كانت مدرسه تاني غير مدرستي والمحاضره اتلغت وقعدنا ف الجنينه شويه كلمني قولتله المحاضره اتلغت يفتكرني كنت بتحجج عشان اطلع مع ان المدرسه كلها راحت لما جيت البيت كلم امي عشان هيا عارفه ماضيا قالها ازاي تخلوها تروح مع صحبتها الشمال ومدينا حريتها وانتو متعرفوش بتعمل من وراكو ايه دي كانت بتكلم وتقابل وانتو مبتدوروش وراها كلام كتتتتير اوي انكم معرفتوش يربوني المهم امي اتحرق من كلامه وقالتله احنا ع البر وكل واحد يروح لحاله ولو هيا عايزاك انا مش عايزاك ،بعد مكانت واقفه معاه وضدي ،بقت ضده بكلامه وهو مش ناسيلها الككلام ده حد دلوقتي قولتله الواحد ساعت غضب بيطلع منه كلام غصب عنه وكمان انت مش تضرب تضرب ومش عاوز يحد يصد الضربه ، المهم المشاكل كتير من ساعت متخطبت وحد بعد الجواز وانا حاليا متجوزاه بقالي سنه وحامل وكام شهر هولد باذن الله ولحد الان بيفتحلي الماضي كل خناقه او حاجه بسيطه يفتحلي الماضي وانتي عملتي وسويتي ويسالني ع الماضي وع طول شك ، وع طول زعل ،انا تعبت اقسم بالله مش عارفه ارضيه ازاي بعمله كل حاجه وبعت عن كل صحابي بقيت مش عايزه غيره ،مبيصدقنيش ف اي كلمه بقولها ودايما حاسس اني لسه بفكر ف الماضي ،بس والله العظيم اتمسح من دماغي بحب جوزي وهو مش مصدق ، انا عارفه اني غلط كتير زمان بس محدش معصوم من الاخطاء وانا بعت عن اي حاجه وحشه وبصلح من غلطي ، والتائب عن الذنب كمن لا ذنب له ، واعترفت بغلطي وبقوله اديني فرصه اثبتلك اني اتغيرت بس هو مش عايز ينسي المضي بيقولي عمري مهنسي حد ماموت ،طب انا ف ايدي اي اعمله لو بايدي اني امحي الماضي كنت محيته ،ولو كان الانتحار حلال كنت انتحرت عشان اريح اللي حوليه بس مش ف ايدي حاجه غير اني ادعي ربنا واصلح من اخطائي ، وهو بيعاقبني ع الماضي وبيزلني وبقولي مش حديكي حقوقك ولا كاني متجوزه ولا متطلقه ، مش عارفه اعمل ايه ، بس انا راضيه بقضاء الله والحمدلله ع كل حال ، اتمني منكم الدعاء يحنن قلب زوجي عليا ويهدي عليا لاني بحبه وهو بيحاول يبعد عني عشان اتعزب وكفر عن زنوبي ،، واتمني منكم انكم تنصحوني اعمل ايه انا عارفه اني غلطانه بس ازاي اثبتله اني اتغيرت واخليه يحبني زي الاول اتمني انكم تساعدوني ؟!