تحطمت بسبب انتقاد زوجي لطبخي

السلام عليكم لي سنه متزوجه والحمدلله اعرف اطبخ ، احب اطبخ واحب اتعلم طبخات جديده ، لكن للاسف تحطمت وبكيت بسبب انتقاد زوجي لطبخي ، دخلت النت وتعلمت طبخه جديده بس عشاني احب زوجي وانا واثقه بأني اتقنت الطبخه لكن زوجي تقزز من طبخي بكلمه قالها بس شم الريحه ما اكلها مو بس كذا ينتقد شعري وجسمي ، جسمي تغير بسبب الولاده وانا اسوي رياضه بس عشان جسمي يطلع حلو ، وينتقد شعري وينتقد اي شي اسويه ، مو بس كذا انا توي طالعه من الاربعين وقال زوجي بعد الاربعين باخذك واطلع نتمشى ، لكن ولا صار شي من كلامه ، قضى يومه عند اصدقائه ، من بعد صلاه العشاء الى الفجر، حاولت معاه بشت الطرق انه يخصص لي يوم بالاسبوع يجلس معي ومع بنته اللي عمرها شهر واسبوع ماستفدت شي ،وان رجع للبيت يجلس على جواله حتى وقت النوم بسريره على جواله ومايعطيني اي اهميه ، حاولت معاه وتكلمت وقلت ترى الزواج مسؤوليه انا ما امنعك من اصحابك لكن بحدود المعقول مو كل يوم تطلع الحين صار عندك بنت لازم تحس بحنان الابو مابيها بيوم درو الحنان عند غيرك ، حتى انا ماني قادره اشوف نفسي من كثر شغل البيت من طبخ وغسيل وكوي وتنظيف ، مايعطيني فرصه اتزين لنفسي ولا في فرصه اطلع لصديقاتي ،،، دلوني على حل لاني ارفض تماما انه يعاملني كخادمه ، لاني احس انه تزوجني للخدمه ،، قسم بالله اني ابكي يوم اشوف تعامل ازواج خواتي مع خواتي يوم الوحده تولد يطلعها ويجيب لها هديه بمناسبه ولادتها واللي يطلعها مطعم او كافي ،، هو يفضل الخروج مع اصدقائه ، اخر مره طلعت معاه كافي ايام الملكه بعدها تغير ولا يطلعني