السوشال ميديا ستخرب زواجي
انا سعودية عمري 29 متزوجة وعايشة بقطر من اربع سنوات و مشكلتي الكل يعاني منها !! الشبكات الاجتماعيه صارت تاخذني من زواجي وصرت مدمنة عليها بشكل مب طبيعي خاصه تويتر والوتساب ! الموضوع صار يأثر على علاقتي مع زوجي وصار زوجي يعصب ويزعل على طول مني بسببها :(المشكلة اني ما احس اني مبسوطه ومرتاحه الا لما استخدمهم واحس بملل وطفش مع زوجي :( بما اني بعيدة عن اهلي وبدولة ثانية فصارت السوشل ميديا هي الي تربطني باهلي واعرف الاخبار عن طريقها .. اذا قطعتها احس اني وحيدة ومنعزله عن الناس ومااعرف ايش صاير .. خصوصا ان زوجي موظف وانا قاعده بالبيت طول الوقت لحالي . زوجي دايم يخانق ومب عاجبه اني اقعد على جوالي كثير .. مع انه اذا جاء اقعد مقابلته لكن برضوا مستقعد لي على السوشل ميديا. حاولت ابتعد عنهم وحذفت التطبيقات عني لكن ماقدرت وكل شوي ارجع لها اكثر من مره . ادري الحل هو اني الغيها من حياتي لكن مااقدر ..حياتي بدونها تصير ممله وكئيبة ومنعزله .. ايش اقدر اسوي ؟
حددي أوقات معينة لتفحص الجوال وضعيه بعيدا عنك حتى لا يشغلك وتفقده فقط في تلك الأوقات وخبري زوجك بقرارك حتى تتمسكن به وبارادتك