صورة علم Saudi Arabia
من مجهول
منذ 3 سنوات 8 إجابات
1 0 0 1

أخبرت أمه ولكنها فضلت الصمت

السلام عليكم ورحمة الله وبركااته.. مشكلتي مع زوجي منذ ايام الملكه انا متزوجه من اربع سنوات ..من ايام الملكه وانا كنت الاحظ انه مهمل في الرسايل المكالمات حتى وان اتصل مايكمل دقيقتين..بعد زواجي منه اكتشفت انه غير مبالي تماما بالحياه الزوجيه كنت عروس والله انه كان يقضي مع الشباب كل وقته وانا لي مجرد سويعات..لما زاد اهماله وعدم حرصه على الحياه الزوجيه طلبت الطلاق ثم تصالحنا تحسن اسبوع فقط ثم رجججع مثل قبل..خلال هالأربع سنوات والله ماحسيت بالأمان معه احس في اي لحظه بيطلقني يهددني بالطلاق حتى لو تهاوشنا على شيء تافهه على طول يلا خذي اغراضك وعلى بيت اهلك وبالفعل رحت لبيت اهلي مرتين ونرجع نتصالح..والان وضعه لايختلف عن السابق كل وقته مع الشباب واذا جاء على الجوال ..والله اني افتقد الحياه الزوجيه ماقد حسيت بها من زواجي حتى السوالف مايسولف معي الا ماندر.. الان انا في حاله لايعلمها الا الله اصبح عندي خوف من الطلاق حتى اني ابكي لمجرد تفكيري بالامر لأني متعلقه به وبشششده واحبه حباً جماً..هو طيب بس يعيبه انه مايقدر الحياه الزوجيه ايضا هو يتعرض لأمر لم استطيع تفسيره تجيه فجأه ضيقه وعلى طول يجيني ويقول بطلقك ابي اطفال مع ان مشكلة عدم انجابي للأطفال منه..واذا راحت هالضيقه رجع لوضعه الطبيعي..طبعا هالضيقه اذا جاته يتخذ قرارات تدمر حياته بسببها ترك وظيفته وبسببها قبل شهر قال بطلقك ..حتى اصبحت اذا شفته متضايق ابكي او ودي اهرب ولا اسمعه يقولي طالق ..احسه يعاني من مرض نفسي وبديت انا احس بأني بمرض نفسيا لدرجة والله نزلت سبعه كيلو بشهر من الهم والضيقه وكلها خوفاً من انه يطلقني .. انا اشعر بالوحده تماما معه ..لانه ياخارج مع اصحابه وان جاء على جواله لما ينام..لا اعلم مالحل ولكني والله اخشى الطلاق كثيرا لاني لا احب الشعور بالندم ابدا ولحبي الشديد له..حاولت اغير منه ولكن لم استطع اخبرت امه ولكنها فضلت الصمت..