لا أريد أن أنجب منه فماذا أفعل؟

السلام عليكم ياجماعه انا والله مش عارفه اتكلم واقول ايه ولا ايه انا متزوجه من 7سنين من اول شهر تزوجت فيه حصل معايا مشاكل لحد النهارده وزوجي ضعيف الشخصيه بيسمع لاهله المهم هو زوجي مغترب بينزل اجازه كل سنه ونص بيقعد 3شهور واي خلاف بيني وبينه بيخاصمني بالشهور سواء موجود او مسافر وانا حاسه ان حياتي مش مستقره معاه كل مااطلب منه حاجه لازم بالمشاكل بيبعتلي مصاريف ماتقضينيش نص شهر وكل اتكاله علي اهلي ومافيش اي حاجه في الدنيا ماتخنقناش عليها انا عندي بنت منو هي اللي مخلياني اصبر عليه بس اكبر مشكله بتواجهني انو هو عايز اطفال تاني وانا مش عايزه منو اطفال خالص انا قادره اصبر واستحمل علشان بنتي بس مش عايزه منو اطفال ومش عارفه اعمل ايه وماحدش يقولي اتكلمي معاه لانو مش بيقتنع غير بكلامه وكلام اهله وانا بصراحه مش ضامنه اني استمر معاه علشان كده مش عايزه اظلم معايا اطفال