زوجي تزوجني على أني خادمة له بدون أي صلاحيات أخرى

السلام عليكم انا دربي متزوجه ما كملت سنه زواج. انا عمري 29 وزوجي 40 وقد سبق له الزواج مرتين مره زواج متكامل وجالس ممكن نفس المده الى معايا مره خطوبه وفِسخ زوجي من الازواج الى تفكيرو جدا قديم يبغا المرأه تنظيف غسيل طبخ مطيعه. بمعنى أصح خدامه تحت رجل زوجها مالها ولا رأي ولا اي شي في الحياه هوا الى يقودها ع الصح والغلط. انا لحظه عليه من الخطوبه بس للأسف ممكن أكون انا سبب نفسي الى وصلتوا ذحين بس اقول تصيب الى خلني اكمل انا ذحين حامل هوا ماعندو أبدا اُسلوب. يحب يجرح بالكلام اي مشكله تصير معايا واشتكي اهلي يقولي اهلك يحرشونك وأمك ويتكلم عليهم كلام قله ادب غير كذا دايم يذم في خلقتي يقولي لا خلقه ولا اخلاق ولا مال و احمدي ربك انو اتزوجتي وانتي فينك من الحريم غير كذا ما يبغا لا يخرجني ولا يبغاني اخرج مع اهلي وحاط عليه قوانين حتى الين نخرج سوا ونجلس الين 12برا يتكلم ويقول انا ما أحب واحنا اتاخرنا برا يبغا زي حقين زمان غير كدا راتبو 10الاف ويعطيني مصروف 200 ويقولي انتي عندك الضمان مع العلم الضمان انا خرجت منو وصار لأختي في اشياء نفسي اشتريها ما اقدر. كل شي عندو وشايفو فضاؤه ومالو داعي لدرجه ابى اشتري ملابس حمل يقولي الدولاب مليان انتي دوبك عروسه وانا في التاسع دحين المشكله انا ذحين في بيت اهلي ويبغاني انا الى ارجعلو وروح بيتو هوا ما يبغا يجيني بسبب انو اتمشيت مع اهلي وجالسنا الويكند حق الأسبوع. دق الساعه 11في الليل واحنا دوبنا وصلنا من ينبع الى مكه صار يتلفظ كلام ع اختي الكبيرة اختي ردت عليه قال انا شاورت عقلي وما ابغى اختك رحت بيتي. ولقيتو مغير المفتاح حق البيت وهاذي تاني مره يسويها فيا الين نتخاصم. وذحين يبغاني انا الى اروح عندو مو هوا الى يجي ونتفاهم وانا رفضت حاولت اتكلم معا بس للأسف من دون فايده شايف انو هوا صح