أهل زوجي يقنعون زوجي بالزواج بأخرى على أن أخضع لعملية طفل أنبوب، فما الحل؟

السلام عليكم ورحمة الله انا امراة متزوجة من ابن عمتي عندي 28 سنة وهو في نفس عمري اتجوزنا من 4 سنين ولما كنا بنجهز العفش مامتي ساعدته في العفش بمبلغ كبير واتعبرته دين عليه لما يتيسر حاله يبقي يسده ووالدتي اتوفت من سنتين بس مش دي المشكلة المشكلة ان ربنا لسه مرزقناش بالاطفال وروحنا كشفنا لقيت انا عندي انسداد في قناة فالوب ودخلت عملت عملية واستئصالة انبوبة والدكتور قالي ان شاء الله تقدري تخلفي طبيعي وعلي كلام الدكتور استيت سنتين وماحصلش حمل فقولنا نروح نعمل حقن مجهري دكتور الحقن المجهري قال لنا ان نسبة النجاح ضعيفة 20 في المية وان عملية الحقن المجهري تنجح مرة واحدة في خمس محاولات وده لان مخزون المبيض عندي ضعيف جدابس المشكلة من يوم جوزي ماسمع الكلام ده وهو بيقول لي ولكل الناس اني هعملها مرة حقن مجهري وان مانفعتش هتجوز ولما رفضت وقولت لو عايز تتجوز انا هطلق بقي يتهمني اني انانية وطماعه مع العلم انه هو في نفس سني 28 سنة واهله كمان بيقولوله بلاش تعمل العملية وفر فلوسك اتجوز بيها احسن انا مش هقدر اتقبل فكرة اني اعيش معاه وهو عنده زوجة تانية صعب عليا جدا اني اشوف حد بيعيش حياتي انا مؤمنه بقضاء الله ولو مش مكتوب ابقي ام انا راضية بس كمان مش هكون ام واعيش في نار طول الوقت مش عارفة اعمل اية نفسي حد يريحني انا مش قادرة افكر خصوصا وانا داخلة اعمل الحقن المجهري بعد رمضان حاسة بتوتر شديد وقلق وخايفة من اللي هيحصل بعد كدا اسفة اني طولت في الكلام بس نفسي حد يريحني