وعدنا بعض أن لا نكذب وللأسف

مرحبا .. انا بنت الي ٦ شهور متزوجة بعد خطبة دامت سنة و نص .. اتفقنا انا وزوجي بفترة الخطبة انو ما انكذب ع بعض ابدا لو شو ما كانت الاسباب و انو ازا سألته اي موضوع ما بدو يجاوب عليه ما يكذب و يحكيلي ما بدي اجاوبك و فعلا هاد الي صار .. لغاية يوم اجا و حكالي انو بعمره ما عرف بنت قبلي و مع اني ما سألته لحاله اجا و حكا و انا طبعا ما قدرت اصدق بس قلت شو جابره يكذب .. المهم بعد زواجنا صار بينا حكي و قلي انو كان يعرف بنت لمدة قصيرة و ما صار اشي جدي بينهم .. ومع انه كذب علي بالبداية بس قلت مش قصة عادي .. لغاية هديك اليوم و بالصدفة اكتشفت انو البنت الي كان يحبها اسمها غير عن الاسم الي قلي ياه و انو لحد هاي اللحظة لسا بدور عليها بالفيسبوك و الانستغرام و انو رقمه عندها و رقمها عنده وانها عنده ع السناب .. طبعا انا صدقا حاسة شي انكسر جواتي .. لي كزب و هل هو بحبها بعده او لا .. هل هو مجرد فضول منه اتجاهها او لا .. انا مش من النوعية الي بفتش ورا حدا خاصة شريكي بس هلا كل شي جواتي عم بثير الفضول اتجاه هالقصة .. ليش هيك عمل ليش كذب بالوقت يلي انا ما سألته .. لو ما حكا اسم او ما حكا القصة كلها كان ما فرق معي الموضوع بس اكتشفت انو كل اشي انحكالي طلع كزب .. حكالي اسمها طلع الاسم كزب .. حكالي ما بعرف عنها اشي و مش متابعته ولا متابعها ع اي تطبيق طلع كزب.. مش قادرة اطلع بوجهه .. حاسة اني ما بدي ياه خلص وخايفة اكون بظلمه ويكون ما بحبها ولا شي بس بعده متابعها مجرد فضول .. و مع كل هاد كرامتي ما عم تسمحلي اضل متغاضية عن هالموضوع عم بفكر انفصل عنه !