زوجي وأهله كذبوا علي بموضوع الإنجاب وأخفوا عني مرضه

مرحبا انا من الاردن عمري ٢١ سنة الي سنة متزوجة مشكلتي مع زوجي وأهله بالبداية طلبني واتفقنا انه نسكن ببيت مستقل عن أهله، بعد سنة خطوبة اتزوجنا وسكنت ببيت مستقل قعدت ببيتي ٦ شهور بس وياريتني ما تزوجت بهالفترة اكتشفت انه عنده دوالي الخصية من قبل ما نخطب ولازم يعمل عملية لإنه نسبة الخلفة بدون عملية تقريبا معدومة، حكيت معه وانه لازم يعملها بس صار يأجل ويحكيلي الأخصائيين كزابين انا رحت ع مستشفى حكومي وحكولي ما بأثر أخدته ع دكتور أخصائي ع حسابي ،وبمليون رجا رضي يروح معي الدكتور تفاجئ لما فحصه حكاله انت مش اجيتني قبل سنة وحكيتلك لازمك عملية ضروري!؟ انا انصعقت وحكيت مع أهله انه ليش ما حكتولي من الاول؟! انكروا وحكولي رحنا ع دكاترة كتير وما فيه اشي ضليت وراه واخدت تحاليله لدكتورة نساء وتوليد حكتلي عنده تشوهات بالحيوانات المنوية نسبة كبيرة بسبب الدوالي وما رح يصير حمل لازمه عملية انا ما سكتت رحت ع اهله وحكتلهم وواجهتهم وحكتلهم بدي اخلف انا عملت تحاليل وما عندي اشي خليه يعمل العميلة بهالفترة كمان امه كانت مدخليتو بجمعية كل يومين بدفع ٢٠ دينار صارت كل يوم ترن ابعت الجمعية وبصرف عالبيت يا دوب اتراكم علينا اجار البيت بعت اسوارتي وحلقي الذهب واشتريت غسالة ودفعت أجار البيت شهر ويوم العرس اتفاجأت انهم مو شاريين غسالة كان على اساس قبل العرس بيوم يشريتهم ياخدهم عالبيت طلعو كزابين اشتروا غاز مستعمل مكسر كان باب الفرن يوقع على رجلي دايما كانت رجلي زرقا منه والتلاجة مستعملة وصغيرة يادوب وربي لو فهموني من الاول انه هيك رح يصير كنت اجلت العرس بس ما كنت بعرف اشي كانو ماخديني قبل العرس بشهر واخترت كلشي من ادوات كهربايئية لغرفة النوم بس لما رحت ارتب اغراضي قبل العرس تفاجأت بالغرفة مستعملة قديمة والفرشة مستعملة ومن تحت عليها عفن !والغرفة زي غرفة ستي ويوم العرس لما روحنا من العرس تفاجأت بالباقي وما في غسالة امه بتحكيلي اغسلي ع ايدك وكل هاد سكتت عنه لاني بحب زوجي واهلي ما رح يعدوها على خير وبابا عصبي كتير بعد كم يوم اشتريت الغسالة ما تحملت وخبيت الباقي لما انكسر الايجار دفعتهم وصار بابا يمرق علي يجيبلي فطور او مونة للبيت وزوجي ما بحس انه عنده عزة نفس كان عادي عنده أهم شي ارجيلته، بابا جابلي سجادة للصالون اللون الي بحبه وامي جابتلي طقم حمام بعيد عنكم واخواني ما قصروا كمان جابولي طاولة سفرة البيت كان شبه فاضي لما روحت من العرس اهلي انجنو وسكتو مشاني لاني بحبه هاد غير معاملة اهله الي عنده ٤ خوات يا لطيف الله يهديهم وهوة الوحيد بينهم وامه مسيطرة بس بأسلوب غير مباشر ضليت اجا يوم وقعد عن الشغل بعت عقدي ٦٧٢ دينار واعطيته يتضمن محل شهر واحد بس كان ملحوق ب١٠٠ دينار وخسر المحل واتراكم اجار البيت شو الي خبصو ما بعرف كل هاد ب٦ شهور كل شهر كنت اتأمل يصير معجزة وأحمل بس كان يخيب ظني وكنت اعمل مناحة آخر الشهر السادس صاحب البيت طردنا واضطرينا نسكن عند اهله فترة حكولي بس شهرين بالكتير وحطيت أثاث البيت بمستودع عمل العملية بأول يوم اجينا فيه عند اهله وقعدت شهرين جلطوني جننوني بطلت اشوف زوجي كل ما يجي يقعد معي بالغرفة ينادو عليه بالعمدا طبعا نايمين ع فرشات مفرد جنب بعض ما رضي حماي نحط غرفتي النوم قال بلاش الناس يحكو جاب ابنه سكنه عنده! بيوم تهاوشت مع زوجي وطردني حملت حالي وطلعت عند اهلي ساكنين بنفس العمارة بالطابق الرابع ومن يومها لا سألو عني ولا رنو علي ولا حاولو يصلحو بابا انجن بحكي هدول مش عاملين حساب لحدا بنتي عندي معززة مكرمة ما الها طلعة الا على بيت الها لحالها بعد شهر اجا زوجي وصالحني بس اهله ما سألو بحكو زي ما طلعت لحالها ترجع لحالها! الي ٣ شهور عند أهلي تعبت وزهقت من النفسية صار عندي لخبطة هرمونات والبريود صارت تيجيني كل شهرين مرة وطول الشهرين اموت وجع بكل جسمي وصابتني شرية مزمنة (ارتكاريا) الها ٧ شهور معي وكل مالها بتزيد مش نافع معي ولا دوا ولا حمية ولا اشي شعري صار يتساقط والله ما بعرف ليش هيك حظي كل صاحباتي والي حواليي اتزوجو وخلفو وببيوتهم الله يهنيهم بس انا اتدمرت بستنى يلاقي شغل مشان يستأجر بيت وياخدني بس ما في شغل بالبلد تعبت نفسيتي صابني اكتئاب بهالسنة الي تزوجت فيها كبرت ٢٠ سنة لقدام! كلهم حاولو يقنعوني اتطلق بس انا متمسكة فيه بحبه رغم اني بعصب منه واحيانا بكرهه وبحكي ما بدي اكمل خلص بس بعد شوي برجع احكي لا بتحمل مشانه هوة كتير يحبني بس حب تملك واناني بعرف اني حكيت كتير بس مضغوطة ما عندي حدا احكيله ولا خوات احكولي شو اعمل !؟