حماتي لا تحترم خصوصيتي وتبقى في بيتنا من الصباح حتى ساعة متأخرة

قضايا اسرية
حماتي لا تحترم خصوصيتي وتبقى في بيتنا من الصباح حتى ساعة متأخرة

السلام عليكم ورحمة الله وبركاته بدي احكي عن حماتي ثقيلة الدم ، مسببة الي خنقة مش طبيعية انا ساكنة طابق ثاني فوق دار حماي ، حماتي ثقيلة دم جدا جدا جدا جدا فوق ما بتتصوروا طول الوقت عندي بتيجي عندي من الصبح بتضلها قاعدة للساعة ٢ لحتى تنزل ، بعدين ما بصدق انها نزلت بترجع بتضلها قاعدة عندي لأذان العشاء وأكثر ، ياربي والله احترت ومش عارفة شو بدي اساوي ، بكل تأكيد دار ابنها واهلا وسهلا فيها بس الواحد يكون خفيف ظل والله اختنقت ، ما باخذ راحتي بأي شغلة نهائيا خوف من انها تطلع علي بأي لحظة ، ما في خصوصية حتى فترة الظهر يلي الواحد المفروض ينام ويرتاح فيها ما برتااااااااااااح ، وفترة العصر بكون بدي اقعد قعدة رايقة لحالي او مع زوجي بتيجي ، انا مو معترضة حياها الله بس ما في احساس انه القعدة الطويلة مش كويسة ، بتستحي على حالها ولا في اي احساس انه لازم يكون شوية خصوصية ، بكون العصر قاعدة انا وزوجي مع بعض بتيجي بتكبس علينا وبتضلها قاعدة لساعة متأخرة من الليل ، يعني لولا العيب والحياء كان بتيجي تنام عندنا ، وكل يوم على هالحالة يعني انا برتاح منها بس لما تروح مشوار او لما اكون انا برا الدار ،واي حدا بحكيله يلي عم يصير معي مين ما كان يكون بيحكيلي الله يعينك بدك تتحملي شو بدك تعملي ، وغير هيك انا حامل وتعبانة ومو قادرة ودوخة والتعب باين في وجهي ولازمني راحة ، وطول الوقت احكي قدامها تعبانة ومش قادرة ونعسانة وووووووووووو ابداً لا حياة لمن تنادي ولا كأني بحكي نهائيا ، المشكلة انه انا ما بقدر احكي بتضلها حماتي عيب ، وزوجي ما بيقدر يحكي اشي لأنها في النهاية امه وربي يشهد علي اني ما بكذب ولا بأي حرف وفي شغلات كثير ومواقف ما حكيتها ممكن تساعدوني وتنصحوني شو اعمل مع هيك وضع لأنه والله العظيم روحي طلعت

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • أخصائية علم النفس والتثقيف الصحي ميساء النحلاوي يجب عليك أن تتحلي بالصبر والهدوء والحكمة في التعامل مع حماتك ، فمن واجبك استقبالها بالابتسامة والمحافظة على علاقة طيبة معها . أنت الآن حامل وستحتاجين مساعدتها ووجودها بجانبك بعد الولادة  ، فاصبري وتقبلي وجودها من دون أن تشعريها بأنها ضيفة . تابعي حياتك بشكل طبيعي سواء كنت تنظفين المنزل أو تطبخين أو تهتمين بنفسك ، فهي تأتي صباحا ومساء ولا تترك لك وقتا لتقومي بهذه الواجبات لاحقا . استأذينها بأدب لتكملي عملك ، اقترحي عليها مشاهدة برنامجا معينا تحبه ، أو مساعدتك بأعمال غير متعبة ، وهي جالسة في مكانها . حماتك لا تقصد إزعاجك ، هي ربما وحيدة، وربما زوجك هو ولدها الوحيد أيضا ، فلا مسؤوليات لديها ولا هواية ، وكل  هدفها التسلية . اصبري فبعد ولادتك ، قد تتهرب من مساعدتك وإن داومت على زيارتك تساعدك في العناية بطفلك .  
  • صورة علم Jordan
    صورة علم Jordan
    من مجهول

    لمن بدق الباب لا تفتحي وتحججي انك بالحمام او كنتي نايمة وخصوصا انك حامل ....ما حقلك عتبريها امك لانو الام مابتعمل هيك بنتها

  • animate

  • صورة علم Turkey
    صورة علم Turkey
    من مجهول

    حلو ة كلمت غير مأذيه شو جان بسم الله الرحمن الرحيم بدل هاد الكلام عيب هي ام زوجك الها حق اكتر منك عبتتسلا عندك يا اصيلي شرشحتوها للمخلوقه

  • صورة علم Turkey
    صورة علم Turkey
    من مجهول

    كانك  انت بس بتحبي تحكي في سبيل الحكي او لاً لو حماتك عندها حدا تستأنس معه ماطلعت لعندك بتطلع على بيت ابنها مشان ما تقعد لحالها والبتحكي على ام زوجها يا ترا بتخجل تقول لحماتها عن اذنك مرت عمي بدي انا فوت نام وارتاح ولكن نحن  النساء بس بدنا طرف خيط نحكي فيه وننشر الغسيل 

  • صورة علم United Arab Emirates
    صورة علم United Arab Emirates
    من مجهول

    طنشيها و لا تعملي لها حساب افتحي لها الباب و نامي و سيليها مع ابنها فرصه اصلا انتي حامل نامي علي قد ما فيكي و اتدللي ما تعملي اكل و لا شرب اطلبي منها هي زي مامتك و اطلبي منها تساعدك بالبيت و هي حتتفش 

  • صورة علم Canada
    صورة علم Canada
    من مجهول

    انا كنت  مثلك  .. امه و اخوانه  و لو ان اخوانه متزوجين  . و كانت امه حشريه فوق الوصف  تسأل  شغلات اا تخصها و تدخل الغرف من غير خصوصيه وممكن تفتح خزانتي . بيوم  بعد ٧  سنوات زواج و سكوت متواصل كنت حامل و تعبانه  جدا و الدنيا صيف  و مش قادرة ابدا اجامل ولا حتى البس  لبس  بخنق  طلعت بملابس النوم و  قعدت قدامها  و تمددت   و نمت على الكنباي . قالتلي روحي  اتستري  قلت لها بيتي  و اللي موجود زوجي  و حلالي  . و تكرر  الموقف  لدرجه  اني  مرة قلت لها بدك البس  لبس  محتشم عشان يتزوج  علي ؟ ليش زوجتيه ؟ 

  • صورة علم Canada
    صورة علم Canada
    من مجهول

    اقعدي معها ساعة زمن وبعدها استأذنيها ترتاحي وتناميبكرى لما تخلفي بتشرد من صوت البيبي

  • صورة علم Jordan
    صورة علم Jordan
    من مجهول

    اختي عندك حل واحد مافي غيرو لترتاحي انزلي انتي لعندها وئعدي كل شوي وملليها ولزئي عندها داومي من الصبح عتبري حالك بوظيفة

  • صورة علم Sweden
    صورة علم Sweden
    من مجهول

    ممكن تقولي لها والله يخالة البيت بيتك بس انا هالأيام مع الحمل تعبانة وبحس بدوخة ونعسانة اسمحي لي اروح على غرفتي وانت البيت بيتك ، مرة على مرة بتصير ماتيجي او لما تنزل الظهر بتطول لترجع وبالليل نامي بكير واتركيها هي وابنها وهو كمان يقول لها بعد شوي يما بدي انام وراي شغل بكرة إذا بتحبي أفرش لك تنامي بالمجلس عنا ، هي بتقول لا بدي أروح انام ببيتي وكل يوم على هالحالة 

  • صورة علم Saudi Arabia
    صورة علم Saudi Arabia
    من مجهول

    يابنتي خدي الامر بسلاسة اكترهي حماتك وصعب تحطي لها حاجزكونك ساكنة بنفس عمارتهماحسن حل تريحي دماغك بما انهامداومة بزيارتها عامليهاعلى انهامش ضيفة والبيت بيتها ولما تكونيتعبانة قوليلها ببساطة وروحي ناميمرة على مرة تفهم من نفسها مواعيدنومك وراحتك وتختصرجياتها لأنه ح يضيق خلقها وحدها.هي بتعاملك كأنك بنتها وآخدة راحتهاوبتمضي الوقت عندها ..صدقيني حماتك فاضية وشاغلةوقتها عندكمبكرة تولدي وتلتهى بابنك وتعينك فيهوتلاقي وقت لزوجك وهي مشغولة بالصغير.الحماية اللي تخوف هياللي تحاول تخرب بين ابنها وكنتها.هي بس فرحانة فيكم وابتعدت #بعفويةعن الذوق ، هاد كل يلي صار

  • صورة علم Saudi Arabia
    صورة علم Saudi Arabia
    من مجهول

    لا تعامليها كضيفة بل كصاحبة بيت اذا تعبتي روحي نامي بدك تدخلي غرفتك ادخلي لاتقعدي في وجهها طول الوقت عيشي حياتك

  • صورة علم Egypt
    صورة علم Egypt
    من مجهول

    طيب حبيبتي ما بعرف طبيعة العلاقة بينكم بس برأيي لما تكوني تعبانة نامي حتى لو هيي موجودة،  يمكن ساعتها تمل وتنزل لبيتها ، ولا تتعطلي وحاولي تمارسي حياتك بشكل طبيعي وتشوفي شغل البيت وغيرو وهيي موجودة ولو تدخلت سايريها بالحكي بس بالنهاية اعملي اللي بيريحك ، ومتل ما اقترح البعض انو تقعدي كم يوم عند امك لتحس بغيابك او جيبي امك عالبيت ، وحاولي اوقات تنزلي انت لعند حماتك اذا بيضايقك وجودها بالبيت  ، وبدعي الله يعينك ويفرجها عليك حبيبتي ، حاسة فيك واديش بيكون وضع متعب الك 

  • صورة علم Tunisia
    صورة علم Tunisia
    من مجهول

    لماذا تحملونها ما لا يلزمها شرعا؟ من حق الزوجة ترتاح و تحترم خصوصيتها.اي نعم يحب عليها احترام حماتها ويجب ايضا على الحماة مراعاة الخصوصية.انصحك اذا كنت تستطيعي الذهاب يوميا عند اهلك لفترة حتى تتعود على غيابك و تلزم بيتها او جيبي امك عندك حتى يتحط زوجك في نفس الموقف وحتى امو لا تجد راحتها بوجود امك الى ان يتعدل الوضع.

  • صورة علم Saudi Arabia
    صورة علم Saudi Arabia
    من مجهول

    أول  شي  خافي  ربك  ولا تفضحي  الحرمة  عند  خلق الله إذا  مو  عشان  القرابة  خليها  عشان  زوجك  اللي فضحتي  أمه  عند  الناس  ولو  انك  دعيتي  الله يصرفها  عنك  بخير  يمكن  استجاب  لكوما فيه داعي إنك تغتابيها وتاكلي لحمها ثانياً  ما  فيها  شي  لو قلتي  لها  سامحيني  يا خالة  أو  يا  عمة  أحس  إني  تعبانة  وأحتاج  أرتاح  والبيت  بيتك

  • صورة علم
    صورة علم
    من مجهول

    تحدثي مع زوجك عن مشكلتك بشأن والدتك ،، ولكن حاولي أن تجعلي حديثك مهذبا وليس به إيذاء أو جرح لاي احد ،، فانت من حقك أن يكون لك حياتك الخاصة وان تعيشي بحرية ،، وأخبري زوجك أنه إن كان يخاف عليها من الوحدة فأنت ستداومي علي زيارتها كلما سنحت الفرصة وكان الوقت ملائم لذلك ،، وباذن الله يقبل وتحل المشكلة .

  • صورة علم United Arab Emirates
    صورة علم United Arab Emirates
    من مجهول

    لو حماتك مش بتحبك مستحيل تيجي عندك كل يوم، اتعاملي بطبيعتك وتأكدي هتساعدك كتير وتشيل عنك البيبي وممكن كمان تسبيه معاها وتنامي ساعه ان شاء الله تكون ام حنونه ليكي وللبيبي كمان وربنا يجعله في ميزان حسناتك ومفيش أجمل من جبر الخواطر الله المستعان ربنا يعينك 

  • صورة علم
    صورة علم
    من مجهول

    أن حماتك من الواضح أنها لا تخترق خصوصيتك .. وانتي لا أرى سوي انك أنانية بعض الشئ ،، لانك لم تجربي التفكير فيما يدفعها للقيام بذلك فقط فكرتي أنه عليها التوقف ولكن لماذا لماذا ستقحم نفسها في حياة الآخرين إذا لم يكن لديها سبب منطقي ؟ فحاولي التفكير بتلك الطريقة

  • صورة علم
    صورة علم
    من مجهول

    ابنتي الكريمة عليكي أن تكوني صبورة واعتبري أن جلوسك مع هذه المرأة هو ثواب تفعلينه و له أجر عند الله .. فعامليها معاملة جيدة ولا تقعي في ذلك الإثم مادام ما تتلقينه من معاملة جيدة فيجب أن تقابليه بالمثل هذا هو الأفضل لك ولحياتك .

  • صورة علم
    صورة علم
    من مجهول

    كان الله في عونك يا عزيزتي على التعامل مع هذا الوضع لكن في النهايه ان لم تكن حماتك تفعل شيى خاطى او تعاملك بشكل سيى فلا يمكنك ان تلومي عليها فمن الجيد انه يوجد احترام بينك وبينها وانتي يجب ان تفكري في انها وحيدة وتشعر بالةحدة لهذا تعتبرك مثل ابنتها 

  • صورة علم
    صورة علم
    من مجهول

    تحدثي مع زوجك عن الامر فانتي لديكي حياتك ويجب ان لا تسمحي لحماتك بالتمادي بتلك الطريقه فان كنتي تريدي ان تحلي المشكلة بالشكل الصحيح فيجب ان تتحدثي مع زوجك ليعلم ان الوضع لا يجب ان يستمر هكذا وان يكون هناك حدود لهذا ااوضع فانتي يجب ان تحصلي على حريتك 

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟