بسبب والدي وظروف حياتنا لم أكمل تعليمي

السلام عليكم : مشكلتي بارك الله فيك اني شاب عمري 21 مخلص ثانوي مولود في السعوديه يماني الجنسيه ماعمري خشيت او شفت اليمن كل عمري في السعوديه المهم درست وعمري 10 سنين على خطابات من اماره المنطقه لاني مقدم على اثبات ابوي زمان قبل لانولد كان مقيم وحصلت مشاكل وكفيله اخذ الاقامه ورحله اليمن المهم ابوي رجع السعوديه مجهول وهو ولد خالة امي زوجوه امي وامي كانت ماتبغاه بس عشانه ولد خالتها امها غصبتها تتزوجه وتزوج امي وخلف منها انا وثلاثه اخواني بنتين تزوجو وانا واخوي عموما تنازل عننا لامي وماصرف علينا ولا ريال كانت امي تشتغل في البيوت تكنس وتحرس في دار البيان دار تحفيظ القران وتصرف علينا المهم درسنا وكان كل سنتين تطلع خطابات للمدرسه عشان نكمل انا واخوي خلصنا ثانوي السنه اللي فاتت وماقدرنا نكمل جامعه عشان ماعندنا تحصيلي وقدرات وماقدرنا نختبر عشان ماعندنا اثبات والحين حالتي النفسيه صارت سيئه عشان اصحابي وزملائي كلهم دخلو الجامعه ويسألوني انت شاطر ليش ماتكمل جامعه مايدرون اني ماعندي اثبات والمشكله ان معدلي 92 اعلى منهم كلهم بس ماكنت محظوظ عشان اكمل ادري ان ماعندكم حل لي بس كذا شفت واحد في تويتر حاط رابط موقعكم وقلت اطلع قليل من اللي في قلبي وبس والله ✋.