تصرفات زوجي السيئة ما تزال مستمرة منذ بداية زواجنا

السلام عليكم رجاءا ساعدوني انا بنت متزوجه من ست سنين زوجي معاملتو لالي سيئه كتير بداية حياتنا كان يضربني وصبرت وبعد هيك صار يتمادى فحكيت لاهلي وقفوه عند حدو بس ما وقفت على هيك دائما ينظرلي نظرات احتقار واهانه حتى يهيني بالحكي وبالمعامله رغم اني بنت حلوه وجامعيه زي زيو وبنت عيله وطول عمري محافظه على نفسي وشاطره ببيتي ومابخلي شي ما بعملو اياه بكل الطرق بحاول ارضيه بس للاسف هو ما بحاول يطلع على ايجابياتي طول الوقت يحكيلي مابحبك وما بطيقك اكتر من مره زعلت عند اهلي بس بكل مره كانو يتدخلو اهلو واهلي وارجعلو اكتر من سنه صلو بيهجرني بالاشهر وقعد فتره ينام هو بغرفه وانا بغرفه غير النكد والعصبيه ما في من غير اي سبب ورغم هيك كنت البس وارتب نفسي وارحلو ويصدني بعد هيك اكتشفت انو بتفرج على افلام اباحيه وبيمارس العاده السريه وما بدو يلمسني ورغم هيك برحلو وبحاول معاه بيصدني اكتر من مره حتى لما يصير اشي بينا بكون من غير نفس من قبلو مع اني بحاول بكل الطرق لاجذبو لالي بس ما في فايده اعطوني حلول اهملو ولا ايش اعمل تعبت نفسيا انا ببلد غريبه فيها بعيده عن اهلي وما الي حد غيرو حتى ربنا رازقه ومعو فلوس بس بخيل علي جدا لا مصروف ولا شي حتى الملابس بالموت ليجبلي