يتركني عند أهلي ولا يتحرك للإصلاح

أنا متزوجة من 8 شهور ومفيش اولاد للان حصلت خلافات بينى وبين زوجى كتير بسبب مرتبي وهو مديون من الجوازةوقاطع اهلى وبطل يدخل بيتنا تماما بحجة انهم بيقونى عليه وده مش حقيقي هو بيصرف على عيلته فمعرفش احط كل مرتبي معاه ونبقي شركة ف الفلوس بقي ينزل ياكل عند اهله ومايجيبش اكل ف البيت عاوزنى انا اللى اصرفواتخانقنا اكتر من مرة وجاب ناس وعمل قعدة رجالة من العيلتين وحكى فيها الاوضاع والناس لامته هو واتفقوا اديله نص المرتب بتاعى وهو يتولى النفقاتوعيشنا كده لفترة وعمل خزنة بقى يعين فيها الفلوس وما باخدش منه مليم باعطيله نص المرتب وهو يمشي البيت على مزاجهلكنه كان شايف انه مظلوم واننا معندناش اصل اننا موقفناش معاه وطول حياتى معاه بيتهمنى بكدهوحلف عليا اكتر من يمين طلاق فى الفترة دىطلاق ما اباتش ف البيت طلاق ما اروحش لاهلى بدون علمه طلاق مش هيشترى كذا ودايما بيقفش ويزعل وانا باصالحه وارضيهشتمنى و زقنى وضرب خفيف وكنت باخبي عشان الحياة تمشي وعشان ما ادخلش اهلى اللى مقاطعهم والامور تتطوروكمان حرام ازعل اهلى وانا لسه متزوجة وادخلهم فى مشاكلفقررت اتحمل واهو فى الاخر هنتصالح او هصالحه بمعنى اصحفجر تانى يوم رمضان انا جايبة حاجات ومالية الفريزر عشان رمضان وخزين الشهر امى جابتلى بطة نفطر بيها عشان جوزى مابيجيش البيت عندنافالفريزر بتاعى مليان حاجات ليا ووالدته حاطة عندى ورق كرنب مخزناه وسبانخ من زمان جدا طلعته وطلبت منه يعطيها لوالدته عشان المكانحاول يرتب هو الفريزر معرفش الحاجة بتخلى الباب مفتوح باقوله الفريزر هيبوظبدا يتعصب ويشتمنى انتى هتتنططى بحاجاتك وسب ليا ولعيلتى ولابويا وامى ورمى الحاجات اللى فى الفريزر ع الارض وزقنى وخنقنى وقالى هاموتك والدته طلعت ع الصوت اخدت الحاجة بتاعتها ونزلت مادخلتشانا انهارت تماما مش عارفه انام وضغطى وطى طلبت منه يودينى المستشفي قالى كلمى حد من اهلك يجى يوديكىاتصلت على بابا جه اخدنى وجوزى دخل نام وماطلعش خالصويومها دخلت المستشفي مرتين من التعب والضغط الواطىبعدها قعدت فى بيتنا عمى بعتله واحد قريبه قال لا مش جاى انا ماخرجتهاش من البيتزى ماخرجت ترجع وبعدين نتفاهم وانا متاكدة انه مش هيسال عنى ولا هيفكر يصالحنىقبل العيد قابل واحد قريبي وقاله ان طبايعى وحشة وانه عاوز ناس من اللى بتحل المشاكل ونتلم ونروح عنده البيت نتفاهم الناس دى اصلا رفضت تروحله البيت وقالوا لازم المبادرة تيجى من ناحيته هو واننا نصبروفعلا احنا صابرين وبيقول لاصحابه اننا وحشين وصعبين واخدوا بنتهم من غير اذن منه وعاوزنا نتصل بيه عشان يجى يصالح مع انه ماسح بكرامتى وكرامة عيلتى الاض شتايم وتهزيق الوقتى حاليا احنا داخلين على شهرين واهلى ساكتينبس هو مابيتحركش مفيش اى خطوة لقدام واهلى لو اتدخلوا سواء بالمحاكم او باى طريقة تانية هتبقي خراب وانا لسه باقية عليه ومش عاوزة اتسرع وهو مفيش اى حاجة ولا فكر يتصل بيا ايه العمل ؟؟