أم زوجي جعلته يكرهني بعد ثلاث أشهر زواج!

قضايا اسرية
animate

انا اخدة جوزي عن حب وبعد الزواج امو كرهتو فيني بعد 3 شهور تغير كتير معي يعني من كتر ماتحكي علي وتستفزني قدامو خلتو ماعاد طايقني وطلع مالو شخصية قداما يعني بتبهدلني وبتمسح بكرامتي الارض وهو اعد ولا كأني انا مرتو واذا جاوبتا بيقوم بيضربني وبيهيني قدام كل اهلو بعد 3 سنين من المشاكل صار عندي بنت تركني وسافر سنة ونص كان يتواصل معي عالخفيف لحد ما صار الدمار بسوريا صار يحن على بنتو وقرر يطالعنا وعملت الوراق بدي اطلع طلعت امو قبلي فكرتا بدا تنزل اعدت معي خمس سنين وانا بالغربة موتوني ماخليت طريقة اني اتعامل معن ومافي نتيجة غير اني كل يوم الجأ لا الله وادعي عليهن والدموع بعيوني بعد خمس سنين فلس جوزي ونزلا لسوريا لامو وصراي 3 شهور احسن الوضع وهلأ بدو ينزل هو وبدو ينزلني علوضع القديم ولسه الاوضاع ماهديت بسوريا نصحوني شو اعمل انزل واطلب الطلاق ولا ما انزل معو اهرب انا وولادي واشتغل واصرف عليهن انا حياتي معو جحيم هو بعتبرني ام للولاد وبس مافي بيناتنا اي شعور تاني واخر همو انا بيحب امو وخواتو وولادي بس انا مفكرني شغالة عندو وبيتعامل معي بلسان سليط ومابيخاف الله فيني وانا ساكتة كرمال ولادي فيدوني بحل الله يسعدكن عمري رايح معو عالفاضي

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • المدربة ميساء حموري انصحك بعدم الرجوع لبلدك معه والبقاء وايجاد عمل في الغربه وتربيه اولادك . انت غير متفقه معه وهو لا يحترمك ولا يعاملك جيدا فلماذا تعودي لهذه الدوامه من المعامله السيئه وتسلط امه وتحكمها بحياتكم .حاولي ايجاد عمل واصري على ان تبقي في الغربه ولم افهم ما قصدك بان تهربي مع اولادك فهل سيفرض عليك الرحيل ؟؟؟ احمي نفسك منذ الان واخفي اوراقك الثبوتيه انت والاولاد حتى لا يجبرك على السفر وانصحك بالتحدث مع محامي منذ الان وبسرعه واطلبي المساعده واسالي ماذا تستطيعي ان تفعلي اذا لم تغادري لبلدك .
  • صورة علم
    صورة علم
    من مجهول
    انصحك بالصبر من اجل الاطفال ولا تستعجلى بطلب الطلاق لانه تدمير وتشتيت لهم
  • animate

  • صورة علم
    صورة علم
    من مجهول
    حاولى تكونى ذكية وعاقلة وتحتوي زوجك بالشكل المطلوب يعنى من الاخر خذيه على قدر عقله وما تجاريه بالمشاكل
  • صورة علم
    صورة علم
    من مجهول
    ما تصمتى على تعديه وطول لسانه كونى قوية الشخصية واحرجيه بادبك واخلاقك حتى يعمل لك الف حساب
  • صورة علم
    صورة علم
    من مجهول
    اختي الكريمة وين دور أهلك في هذا الموضوع كله؟ ما حد يساعدك؟
  • صورة علم
    صورة علم
    من مجهول
    صراحة زوجك انسان مفتري وظالم جدا ولا اعرف كيف تحملت كل هذا الالم معاه .. حاولي تعيدي النظر في هذه المأساة
  • صورة علم
    صورة علم
    من مجهول
    مسألة الطلاق تعود لك وإلى أي مدى لديك القدرة العيش مع هذا الرجل
  • صورة علم Jordan
    صورة علم Jordan
    من مجهول
    الله يكون بعونك ، خليك مع زوجك وين ما قرر يروح وبنفس الوقت كوني مع ربنا بالصلاة والدعاء ، واذا في مجال انك تشتغلي وتساعديه في مصاريف الأولاد ما تقصري.. وخليه يشعر بحبك وهدوءك ونغاشتك .. وادعيله الله يرقق قلبه عليك وبصلاح الحال لأنه متل ما فهمت من كتابتك هو اكيد متوتر من الأوضاع اللي عم يمر فيها واللي بتمر فيها سوريا وهي انسب وقت انك توقفي جنبه وتدعميه بكل قوة ، كوني سنده وظهره واكيد حيغير نظرته الك لما يشوف مواقفك المنيحة معه وحتى مع اهله وحيعيد حساباته .. الله يوفقكم ويحميكم

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟