تغيرت نظرتي لحبيبي بعدما سمعت صديقاتي يتكلمن عنه

add_commentأضف إجابتك

thumb_downلم يعجبني0

مشكلتى معظمك هيشوفوها تافهة او دلع بنات بس ارجوكم حطوا نفسكوا مكانى وانتوا هتعذرونى انا بنت فى اخر سنه ليا فى الجامعه متقدملى مستشار فى مجلس الدوله هو كان بيحبنى من زمان كنت اعرفه معرفه من بعيد هو وسيم جدا من غير مبالغه وهو شاب طموح هو من اسرة مستواها مكنش عالى اوى وربنا وفقوا فى حياتوا واتحول من طالب فاشل لطالب متفوق وداه بتوفيق ربنا طبعا وانا كنت السبب الرئيسي الى شجعوا للتحول هو كان بيحبنى وحطنى هدف فى حياتوا وانوا لازم يوصلى وانا مكنتش اعرف انه بيحينى انا من اسره ليها وضع ومنصب كبير فى الدوله عايشين فى فيلا بس انا حاليا عايشه فى شقه لوحدى الشقه ديه بابا مشتريها وانا عايشه فيها عشان جامعتى بعيدة عن البيت وبابا مطمن عليا عشان العمارة كلها معارف وكدة اهلوا متقدمين لبابا وبابا لما خاد راى قولتلوا انى مش بفكر فى الجواز او الارتباط دلوقتى وبعدين حاولوا تانى معايا واختوا جاتلى البيت عندى انا مكنتش اعرفها بس كلمتنى وقالتلى ان اخوها بيعشقنى من زمان وفكرى فى الموضوع ومتستعجليش وهو هيستناكى العمر كله وكلام كتير وقالتلى ان انا كنت سبب الى شجعوا على تغير حياتوا نهيت الكلام معاها انى هفكر وصليت استخاره وحسيت انى مرتاحه وقلت لبابا ان بعد ما اخلص امتحانات يبقوا يجوا وبابا عرفهم ان اخر السنه ديه يبقوا يجوا وللعلم انا كان بيتقدملى كتير وكنت برفض وفيه الى كنت اعرفهم معرفه شخصيه يعنى قريب وكدة ولما برفض مكنتش بقطع علاقتى بيهم بس هو فعلا بدات اتعلق بيه بقت رسايلوا بالنسبالى حاجة كبيره كان بيبعتلى رسايل على الفيس بس مكنتش برد بس كنت بفرح بيها بقيت اشوفه كتير كنت بعمل نفسى مش مهتميه بس كان قلبى بيفرح اوى انا مشاعرى مش مشاعر مراهقه انا عارفه انا بقول ايه انا فعلا بدات احبه كنت بفتح صفحته كل يوم على الفيس واتفرج على كل صورة وكل حاجة تصدقونى لو قلتلكوا ان هو اول حب فى حياتى انا عمرى ما اعجبت بولد او حبيت حد عدت مرحله المواهقه بتاعتى من غير اى حاجة على الرغم من ان فيه كتير اوى ولاد حاولوا يكلمونى بس انا كنت برفض رفض قاطع كان اهم حاجة فى حياتى ان اخلى راس اهلى مرفوعه انا عشت حياتى بالطول والعرض كنت واخده حرية من اهلى كبيرة فى حياتى بس عمرى ما عملت حاجة وحشه فى حقهم انا محجبه من اعدادى واخلاقى كويسه بشهادة كل الى يعرفنى وسمعتى طيبه جدا من ٣ ايام كان صحابى البنات متجمعين عندى فى الشقه بحكم اننا مشفناش بعض بقالنا مدة كبيرة احنا اصلا صحاب من اعدادى وفيه منهم الى صحاب من ابتدائى يعنى صحاب عمر واحنا قاعدين نهزر ونتكلم لقيت واحده من صحابى هى مقربة منى جدا لقيتها بتقول اسم الشخص الى هو متقدملى ان هو بعتلها طلب صداقه على الفيس طبعا بقى سيرته اتفتحت وفضلوا يتكلموا عليه وان هو ازاى من واحد فاشل بقى مستشار وفيه بنت كانت موجودة فضلت تتكلم عليه وحش وان هو كان بيفضل يتكلم عليها وهى معدية انا سمعت كلام كتير عنه وجعلى قلبى ولما روحوا فضلت اعيط الكلام بالنسبالى جارح لمشاعرى وان هو يبعت طلب صداقه لاقرب صديقه ليا وعارف ان انا هعرف ان هو بعتلها طب هو بعتلها ليه وكمان هو عمره ما كلم بنات وقت ما يجى يكلم يبعت لاقرب صديقه ليا نفسى مكسورة ومخنوقه جدا هو مبعتلهاش رسايل بس اكيد كان الموضوع هيقلب بكلام انا سمعت عنه كلام وحش كتير وجع قلبى بس بعد كل الكلام الى قالوه قالوا بس بقى محترم خالص المشكله يمكن تكون تافهة بس وجعالى قلبى طاقتى كلها راحه حاسه ان نفسى مبعرفش اخده عايزة اعيط بس مش عارفه اعيط من كتر الضعف الى جوايا يمكن اكون عشان غيرانه اساسا البنت الى اتكلمت عليه وحش راحت حكت لمعظم بنات الدفعه ان الى متقدملى بيحب البنت الى بعتلها طلب صداقه وان هو بيفضل يحاول يشوفها كتير مع ان هو بيشوفها عشان هى بتبقى ماشيه معايا والبنات عماله تنقل فى الموضوع لغاية ما الموضوع اتشهر فى ٣ ايام بس انا تعبانه اوى
add_commentأضف إجابتك

thumb_down لم يعجبني 0

إجابات السؤال

صورة علم United States
أضف إجابتك على السؤال هنا
  • خبيرة تطوير الذات د. سناء عبده
    خبيرة تطوير الذات د. سناء عبده verified_userيا ابنتي كلام البنات ما بينتهي، وهي تخض في الموضوع في الفاضي والمليان ربما من مشاعر الغيرة، وربما امور قديمة، وربما انه عادي يكون بيعرف بنات بحكم امور عديدة ولكن القلب الطبيعي والصحيح يعشق واحدة وهو تقدم لك انت وارسل اخته لك وطلبك انت واهله تقدموا من اهلك انت، لذا ربما كان في السابق فاشل كما قلت وكان له قصص ولكنه الان انسان ناجح ولن يجرؤ على المزاح مع عائلتك ومع ابيك بحكم ان الاثنين في مستوى عالي، ارى انك تسرعت واسقطت نفسك في بحر الكابة والبكاء بل داع ولا سبب، ويمكنك ان تتحدثي معه وتسأليه عن الموضوع وهذا من حقك ومن رده تعرفين ان كان حازما ام يتلاعب، ربما تكون صديقة هي الغيرانة او التي تريد اثارة شكوك، ليس سهل على فتاة ان ترى صديقتها لامقربة تتزوج هكذا زواج ناجح، انت تعرفين غيرة البنات، ولعل هذا يعطيك درس ان لا تتحدثي مع اي احد في مواضيعك الخاصة ولا تفتحي اذنيك لاي كلام لان في هذا الكلام استباحة لاعراض الناس والوقع في خطأ النميمة والاستغابة، نصيحتي لك اغسلي وجهك واستعيذي بالله من لاشيطان الرجيم وكوني عاقلة وفكري بالمنطق وستجدين ان الفرصة امامك لتتعارفي اليه بطريقة افضل وتفضلي خطوبة بدون عقد قران الى ان ترتاحي تماما ويقترب موعد الزواج. وفقك الله
animate
  • صورة علم Saudi Arabia
    صورة علم Saudi Arabia
    مجهول
    يا بنتى بلاش جنون هو بيحبك وانتى بتحبيه قربى منه وحسسيه انك مهتمة لانه كده هيتعب منك لان مفيش وش حلو معه انتى بتحبيه فى خيالك وبس حولى ده لحقيقة و هو قاصد الحلال وسيبك من هرى البنات ... زى ما انتى بتحبى الاهتمام الراجل برضه كده .
  • صورة علم Egypt
    صورة علم Egypt
    مجهول
    القعدة اللي قعدوها معاكي مقصودة علشان يخربيو عليكي
  • صورة علم Egypt
    صورة علم Egypt
    مجهول
    يا عبيطة البنات جم عندك. مخصوص علشان يفتحوا الموضوع،،وهما قصدين يسمعوكي علشان تسبيه،،دول بنات مينفعش تصدقييهم،،اقطعي علاقتك بيهم فورا ،،
  • صورة علم Qatar
    صورة علم Qatar
    مجهول
    قد ما تكون علاقتك بصديقاتك قويه و قديمه بس الناس بتتغير و البنات بغيروا من بعض و على ما اظن انه هدول البنات عارفين بموضوعكم و حابين يخربوه من الغيره منك و الحكي اللي حكوه يا اما كذب كله يا اما فيه من الصحه لكن مفهوم بطريقه خطأ اذا كان بعت لصديقتك طلب صداقه فهاد لانه بده يحكيلها شغله بتخصك انتي او يطلب منها تقنعك فيه او بالغلط الواضح من كلامك انهم معجبين فيه بس مش مبينين لبعض عالم البنات المراهق لسه ما خلص عندهم طنشي كلامك و ادا كان ولا بد انك تعرفي أحكيه معاه الاول شوفي شو رح يحكيلك بعدين ارجعي لصاحبتك التانيه و احكيلها كل القصه و شوفي شو رح تحكيلك
  • صورة علم Jordan
    صورة علم Jordan
    مجهول
    الرجل ممكن يلعب ويمزح مع الكل لكن في الزواج الرجل بختار المحترمه بنت المحترمين واحذري الصديقات ولا تتكلمي شيئا عن خصوصياتك أمامهن وكمائن المشوار معه
  • صورة علم Saudi Arabia
    صورة علم Saudi Arabia
    مجهول
    دول غيرانين منك
  • صورة علم Germany
    صورة علم Germany
    مجهول
    احكيلك عن تجربة كلام البنات غيرة و كذب ...لا تصدقي حكيهن عن حبيبك. الرجال بفعله و عمله يثبت حالوا اسمعي نصيحة اللي قالو ليك تمسكي فيه ولا تضييعيه عشان حكي بنات
  • صورة علم Egypt
    صورة علم Egypt
    مجهول
    يعني أنت جامعية ولست صغيرة . هل ممكن تصدقي في الزمن ده أن في شاب حتى لو كان إمام جامع مابيكلمش بنات ؟ بعدين المهم هو عاوز مين ؟ واتقدم لمين ؟ والمسائل التانية بتبقي بتحليها معاه لما يبقى خطيبك , ثم إن في حاجة مهمة قبل أنك توافقي أو لاء لازم والدك يسأل عنه في مكان عمله وبيته , المفروض تعرفوا كل حاجة عنه وراجل اللي يسأل مش ست , عشان أنت عارفة الستات وكلامهم السخيف .
  • صورة علم Germany
    صورة علم Germany
    مجهول
    هو بعث أخته ليك أنت مش لصاحبتك يعني مشاعره الصادقة ليك أنت أما كلام البنات حيكون مجرد تخمينات و سوء فهم أو كذب أو غيرة فقط لا غير لذا تجاهلي كلامهن و تمسكي بالشاب ولا تضييعيه من ايديك طالما لم تجدي فيه أي سبب يدعوك للتخلي عنه أما كونه بعث طلب صداقة لصحبتك أتوقع إن حسن نيته يتقرب منك فإذا كنت على تواصل معه بإمكانك أن تطلبي منه أن يبتعد عن صديقاتك.
صورة علم United States
أضف إجابتك على السؤال هنا