وقعت في غرام رجل متزوج لا أقوى على نسيانه

add_commentأضف إجابتك

thumb_downلم يعجبني0

مرحبا انا متعبة جدا مما انا فيه ولا استطيع حتى ان اصف حالتي انا احس بالنقص من زمن وفراغ ولم اجد انسانا يملأ هذا الفراغ او يزيل الحزن عني ، تزوجت وانفصلت عن زوجي منذ سنة وهو سبب الطلاق لانه حملني اعباء مالية رهيبة لم استطع حملها واصبح عصبي جدا علي ورفعت عليه قضايا محكمة واوامر حبس لعدم سداد ديونه وخبى عني كل وضعه المالي وما حدا من اخوته سال ولا اهله واخدتله مال من اهلي وما رجعه ولا رضي يشتغل وضلت ديونه هي هي بطلب من اهلي ضليت عندهم كم من يوم لحتى نضغط عليه ينزل يشتغل لكنه طلقني وحاول يرجعني فاهلي حطو شروط ما قبلها وانفصلت رسمي والله عالم شو خسرت ، رجعت لنفس الوحدة والتعب واشتغلت واهلي وقفوا جنبي ، وبعد عدتي واول ما رجعت للشغل تعرفت على شب من بلدي كان محترم كتير وطيب وتعرف علي بحكم شغلي كطبيبة وكان يطلب نصائح ويجيب امه واجا علي مرة مدايقة وببكي اصر علي وحكينا شوي عن الوضع الي مريت فيه وهداني شوي شوي صار يتقرب مني وحكالي بحبك وما بهمني الا تعيشي معي واعوضك عن كلشي شفتيه ، رغم انه اصغر مني وهيك ، بس للاسف جسيت نبض اهلي وانجنوا لاجل مشكلة بين العيلتين والله العظيم انها قصتي واقعية ومش كذب وطلبت نبعد وننهي وما ابعد بسهولة ، بعدها بفترة وبالصدفة عرفت انو خطب وتزوج ، الله شاهد انبسطلو كثير ، من كل قلبي ودعيتلو بالخير وبعد 3 شهور من زواجه تفاجأت انو بيبعتلي رديت عليه وباركتلو واطمنت عليه وحكيتلو انبسطت بسماع صوتك وبالتوفيق وهيك ،صار كل يوم يبعتلي صباح الخير ومرة سالني بعدك انتي انتي طيوبة وهيك وفش حدا بحياتك صرت احاول اقطع بس من وحدتي وفراغي ومن اهتمامو فيي رديت انشديتلو ، والله شاهد اني بخاف عحياتو التانية اكثر من حالي وبحبو حب مش طبيعي ومش ناسية وقفتو جنبي ودايما بحكيلو اطلع حواليك عشغلك واهل بيتك وامك وابوك واخوتك الصغار طول مانتو بخير انا بخير ، لكن شوي شوي صرت احس حالي متعلقة فيه زي زمان وزيادة ومبملش منه وضعيفة وببكي غصب عني لسماع صوته ، لانو بثق فيي وبعرف انو كل شي ممكن يحكيلي عنو تحت اجريه وما ببوحه لحدا حكالي عن مشكلة بعلاقته مع مرته ودليتوا كطبيبةعالدوا وقلتلو مكانك امان وصار يحكي بعدين عن همومه ، صرت احس انو حياتي الها معنى لانو في انسان بعزني وبثق فيي وبهتم فيي كمان ،و صرت احس انو نفسي اضل حواليه لو امه اخته لو اي شي بس اسمع صوته واحكي معاه ومن هون المشكلة انو صار يتقرب مني ويحكيلي انو بفكر يكون معي وكان لازم اخدني غصب عن الكل حاولت اسكر معه حكالي ما بدي شي بس مجرد حكي وبعدين اطورت ، شافني بلا حجاب وغزل وكتير ولمسني ,,, كل يوم بنشدلو اكثر وبحاول بحكي معاه منطق بحكيلي مش قادر ، انا اسة حالي ضايعة يا جماعة ، هالشب انا بحبه وتمنيته الي كثير بس هو مش الي وبموت لو خربت عليه حياته ، انا بعرف شعور الوحدة اذا بتخرب حياتها وبيتها ، انا بحبه وما بهون علي حياته ، بس للاسف انا صرت ضعيفة مش بس قدامه وقدام اي شب تاني ، وخايفة كثير ، ما بروح من بالي ومش قادرة اقطع معه ، بخاف عليه اكتر من حالي ومش سائلة عن حالي بس انا ضعيفة يا جماعة خايفة يصير بيني وبينه اشي كبير ، انا بموت لو تعلم عليه بسببي او لو اهلي عرفوا بهيك اشي ، انا دكتورة وعمري 29 سنة يعني مش صغيرة ولا جاهلة بس وحدتي هي الي عملت معي هيك ،،،انا مش سيئة ولا بضيع وقت ، ساعدوني واحكولي كيف رح اقدر اوقف مشاعري من ناحيته وامنعه عني وما احمل خطيته ولا اجرحه ، هالشب ما في متله بس اجا بالوقت مش المناسب وانا ما بدي ااذيه ولا ااذي اهل بيته ، ساعدوني ودعواتكم بالستر والثبات الي ولجميع بنات المسلمين
add_commentأضف إجابتك

thumb_down لم يعجبني 0

إجابات السؤال

صورة علم United States
أضف إجابتك على السؤال هنا
  • خبيرة تطوير الذات د. سناء عبده
    خبيرة تطوير الذات د. سناء عبده verified_userاهلا بك يا ابنتي وساخبرك بأمر قد تنصدمين ان هذا الشب هو وسواس شيطان عقلك وسيطر على نفسك الأمارة بالسوء هو ليس رجل صالح مع احترامي له، هو خائن ويبحث عن الرذائل وويريدك ويلمسك وانت خلعت حجابك امامه وسمحت له بلمسك وذليت نفسك وهو يعتبرك سهلة وصدقيني سيوقعك بالحرام ثم يرميك وتلملمين خيبتك لا سمح الله ان لم تستيقظي من غفلتك، انتبهي لما تفعلينه بنفسك وهو يفقدك كل الفرص التي قد تاتيك ويعمي عينيك لأنه للاسف لا اخلاق له ، وبما انه يحبك لماذا سارع وركض في الزواج من امرأة اخرى ويعيش حياته وانت تتذللين له وتساعدينه على الخيانة، والاهم انت تدمرين نفسك، استغري ربك واستعيذي بالله من الشيطان الرجيم واعرفي ان ما تفعلينه حرام وحرام وحرام بحق نفسك وحق اهلك وحق زوجته وبيته، وهو لا يستحق ما ترمين بنفسك لأجله، انقذي نفسك قبل ان تخسري شرفك وانت طبيبة ويجب ان تكوني ثقة، ابتعدي عن الحرام وصوني سمعتك وشرفك واكثري من الدعاء ان يرزقك الله من يفرح قلبك بالحلال واعملي له حظر وامتنعي عن اي تواصل معه ابتعدي عن الحرام واطلبي من الله ان يغنيك بفضله وحلاله وربي يوفقك.
  • صورة علم
    صورة علم
    مجهول

    لا تكوني السبب في خراب بيت و كسر انثى هل تعلمين أن أعظم و أقسى و أسوء احساس تحسه المرأة هو خيانة زوجها لها فلا تكوني السبب و حطي نفسك مكانها و لا تفكري به الرجال انانيون لا يحبون إلا راحتهم و كما فعل مع زوجته سيفعل بك فلا تصدقيه و الله سيعوضك أحسن منه خافي ربي

  • صورة علم
    صورة علم
    مجهول

    لن تكسبي من هذه العلاقة سوى وجع القلب ونصيحتي هو اضغطي على نفسك وابتعدي عنه ولا تتسببي فى خراب بيته وما ترتبطي الا بشخص مثلك يكون عازب وبلا اسرة

  • صورة علم
    صورة علم
    مجهول

    سيدتي الغالية ان هذه علاقة صعبة .. الواقعية والمنطق شئ جميل انتي معجبة بالرجل لانك تعاني فراغ عاطفي، ابحثي عن الحب مع شاب اعزب وليس رجل متزوج تدمري حياتك

  • صورة علم
    صورة علم
    مجهول

    يا بنتي الغالية نصيحتي لك هو انك ما تبنين سعادتك على حساب تدمير بيته اقطعي علاقتك فيه وانتظرى نصيبك مع شخص اخر يكون غير مرتبط وربنا يوفقك في حياتك ويختالك الافضل

صورة علم United States
أضف إجابتك على السؤال هنا