عوضني عن عائلتي والآن أخاف أن يتخلى عني

Question

لو سمحتم ساعدوني انا بحاجة الكم انا بنت عندي ١٩ سنة و من ٤ سنين صار معي مشاكل كتيرة بالبيت و تطلقوا امي و ابي و عشت فترة صعبة كتير نظرة المجتمع تغيرت الي كليا و في هذه الفترة تعرفت على شاب بالجامعة و بحكم انا ما اعرف حدا صرنا نحكي طول الوقت و بيعرف كل شي صاير معي و وقف جني و حبيتو كتير و صرنا مع بعض حكى مع امي و كان كويس معي كتير و عوضلي العيلة يلي انحرمت منها من سنة و نص تغير معي صار كتير عم يهملني و ما عاد مهتم متل الاول ابويا رافض قصتي معاه بس انا ما تخليت عنه و تحديت كل اهلي و دايما بطمن حالي انهم لما يشوفونا مبسوطين ماراح يرفضوا و تحملت كتير عشانو بس المشكلة انو اتغير كتير معي و كل لما اصارحو اني تعبت و بدي انفصل عنو يصير يبكي و يحاول يتمسك بيا و ما يتركني انا رفضت كتير شباب و ظليت معو مع انو لساتو طالب و ما عم قصر معو و لا عم اطلب منو اشياء مو قادر عليها متل خطبة و زواج بس هو ماعم يحسسني انو بيستحق كل الي عملتو عشانو انا والله بحبو بس خايفة ، خايفة بعد كل هذا يظل ع نفس الوضع و بصراحة مو هو نفس الشخص يلي حبيتو و تمنيت يشاركني حياتي صاير واحد تاني غريب عني و ما عم يعمل شي كرمال يخليني اتمسك بيه اكتر غير انو يعرفني انو بيحبني و ما راح ينساني او يتخلى عني عن جد تعبت

أخصائية علم النفس والتثقيف الصحي ميساء النحلاوي · Accepted Answer

ربما من الأفضل ان تضعي حدا لعلاقتك معه فأنت  ما زلت في اول عمرك وبعلاقتك الغير واضحه معه تضيعين فرص التعرف على شاب يهتم بك ويحبك ويقدم لك كل ما تحلمين به لديك متسع من الوقت ، اتركيه يدرس ويحقق احلامه ولا تكلميه وعندما يجهز يتقدم لك ، العلاقه الطويلة من غير ارتباط ومن غير أمل قريب ستسبب لك خيبات أمل كثيره وأنت حتى غير سعيده بها خذي موقفا حاسما واتركيه وان كان لكما نصيب سيعود وكله ثقه بنفسه ومستعد لتحمل المسؤوليه أكدي له ان ذلك أفضل لكما وبأنك لا تريدين ان تشكلي عائقا له

من مجهول · Answer

اخبرته اكتر من مرة اني ما عم اقدر اتحمل و كان بيصلح من نفسو ايام قليلة و بيرجع لنفس الوضع و كان دايما يخبرني انه طبعه هيك بس انا ما عرفتو هيك هو متغير كتير كنت لما اصارحه انه لازم نسيب بعض يقنعني انه مو من حقي عشان انا عارفه البير و غطاه و بعرف انه لسه مشتغل و ع فكره هو متخرج استاذ جامعي بس بيدرس عشان عنده احلام تانيه نفسه يحققها و يقنعني انه لو كان بيشتغل و قادر يجيب اهله و ما عمل هيك وقتها من حقي اتركه و معي حق و ما راح يزعل مني بس هلا ما صار هيك و كمان لما اشتكي انه ما عم يهتم فيني بيقلي اصبري لحتى نتجوز و راح تشوفي احلى ايام عمرك معي بس هلا انا ما عم اقدر اعملك شي غير اني بحبك و بدياكي كتير مرات كنت افضل ما احكي معه لمدة اسبوعين او شهر و بيقلب الدنيا و يصير يكلم صديقاتي و يحاول يحكي معي و يقولولي انه كتير بيحبني و عم يبكي و مو قادر يعيش من غيري و برجعله يظل فتره منيح معي و يرجع يهملني مرة تانية ما عم اعرف فكر و انا تحديت اهلي و ما بدي اخسر و بدي اكدلهم انه راح يتجوزني و ما راح يتركني

من مجهول · Answer

و لا عم اطلب منو اشياء مو قادر عليها متل خطبة و زواج وشو نهاية هذا الحب يا اختى؟؟ فكرى جيدا بمستقبلك

من مجهول · Answer

انا كنت خاطب فتاة أهملتني ولا تسأل، وان سالت عنها ترد بكلمات قليلة، واكتشفت انها لم تقول لصديقاتها انها مخطوبة ولما سالتها ردها كان جاف، فكنت أمر بنفس ظروفك، قبل كتب الكتاب والزواج جلست معها وسألتها بكل وضوح هل انتي تريديني ام مجرد حياء وخجل ام ما ذا بالضبط، فاجابت انه مجرد خجل، ولما كتبت كتابي استمرت بنفس السوء وصارت اسوأ، فذهبت للمحكمة وطلقتها، وكان افضل قرار في حياتي، عليكي ان تتاكدي من حبيبك جيدا

من مجهول · Answer

كوني صريحة معه عن مشاعرك وانك لا تشعرين بالارتياح، وانك بحاجة لوعود وخطوات عملية لتغيير اسلوب حياته معك، وان رفض فاتركيه وانتي على البر

من مجهول · Answer

يجب ان تضعى حد للعلاقة معه فاما ان يتقدم للزواج او اقطعى علاقتك به حرام ترفضى شباب جاهزين للزواج منك من اجل طالب غير مؤهل للزواج

من مجهول · Answer

تصارحي وتكلمي معه عن مشاعرك ولا تدفنيها، قد لا يشعر بما تشعرين به، ضعيه في صورة الحال، وعبري عن مشاعرك وحاجتك له، وممكن ينتبه لهذه النقطة

من مجهول · Answer

الاهتمام من الاخر لا يُطلب يا اختي، اهتمي بنفسك وتوكلي على الله، ولعل حبيبك من الناس الذين لا يستطيعون التعبير عن مشاعرهم واهتمامهم بالشكل الملحوظ

عوضني عن عائلتي والآن أخاف أن يتخلى عني

شارك في الاجابة على السؤال

شارك في الاجابة على السؤال

فيديوهات ذات صلة

مقالات ذات صلة

كيف أتعامل مع ابنتي المراهقة وأحميها من الجوال والإنترنت والشباب؟

الخوف من التغيير في الحياة وإدمان منطقة الراحة

أكل الطفل في الشهر السادس وحركات الطفل عمر 6 شهور

رجيم اللقيمات بالتفصيل وجدول رجيم اللقيمات

ما تفسير حلم الخوف من البحر والبحر المخيف في المنام؟

التعامل مع الطفل المبذر وعلاج الإسراف عند الأطفال

اختبارات ذات صلة

اختبار متلازمة المحتال (Impostor syndrome)

أسئلة ذات صلة

مقالات ذات صلة

احدث مقالات الحب والعلاقات العاطفية

احدث اسئلة الحب والعلاقات العاطفية

اسئلة من بلدك

احجز استشارة اونلاين

شارك في اخر الاختبارات

اختبار حب التملك: هل أنت مهووس بالتملُّك والسيطرة!

اختبار الشخصية الميكافيلية (Machiavellian Personality)