صورة علم Jordan
من مجهول
منذ 11 شهر 78 إجابات
3 0 0 3
  • 10 سنوات وما زال حبي لها كما هو

    السلام عليكم .. انا شاب ابلغ من العمر حاليا39 سنة مشكلتي اني احببت بنت من العائلة وخبرت اهلي وفعلا رحنا وطلبناها وابوها ما رضي بس انا كنت احس البنت مياله الي كمان كانت ترفض العرسان واخبرت صديقة الها بالعائلة انها بترفض عشاني وانا بس وصلني الخبر تشجعت ورنيت عليها وحكيتلها اني انا بس حابب اتطمن عليكي واني رح ارجع واخطبك وتواصلنا وتعلقنا ببعض وصرنا نحكي يوميا لدرجة انو الخط بطل يتسكر بيناتنا بتعرف كل تفاصيل حياتي وانا نفس الشي لدرجة اني اصبحت ارى ان لا احد يفهمني بالعالم الا هي وهي كذلك كنا كل يوم نتعلق ببعض اكثر من اللي قبله لحد اليوم الأسود علي وعليها وابوها عرف بمكالماتنا وطبعا شافت اسوء الأيام هي من ضرب واهانه وانا كل يوم اموت الف مرة عليها رحنا انا واهلي وطلبناها و ابوها ما وافق للمرة الثانيه وثالث مرة حكيت ل اهلي انا ما بدي غيرها واخذنا جاهة كبيرة وابوها للأسف رفض الجاهة كسرني ابوها وبعدها بشهر وبعد ما كنا مقطوعين عن بعض لانها انحبست بالبيت وانسحب تلفونها رنت علي صاحبتها وحكتلي عرسها الجمعه هون انا ما ضل عندي عقل وحكيت ل ابوي اني رح اخرب الدنيا وما بخلي غيري ياخدها وابوي حلف يغضب علي اذا بعمل اشي وانو همه ردو جاهتنا وهاي كبيرة بحقنا انا روحي طلعت حجزت وطلعت تاني يوم ع مصر وضليت فيها رافض استقبل اي مكالمة من اي حدا من قرايبي حتى اهلي وضليت عهالحال سنتين الله بيعلم كيف قضيتهم حتى عن حبيبتي ما كنت بدي اعرف اشي هالحكي من سنة 2001 وضليت عشر سنين ما رجعت ع بلدي وكنت بس احكي مع اهلي وما اسأل عن اي حدا كانت مكالماتي مختصرة عن الحال والصحه والمصاريف فقط لحد سنة 2015 رجعت بعد خبر وفاة والدي رجعت ع اساس بس 3 ايام العزاء وارجع مرقت ايام العزا وضل اخر يوم اجت حبيبتي فيه بحكم القرابة اجت تعزي خواتي ويا ريتها ما اجت لما شفتها حسيت ما اشي تغير جواتي تجاهها طبعا هي ما شافتني لأنها كانت داخلة عبيتنا وانا بالسيارة معها بنتين قمرات مثلها ماسكتهم وماشية حرقت قلبي حكيت ل اختي بترجاكي طلعيلي بس بناتها اشم ريحة امهم فيهم وانا صوتي مخنوق جابتلي اياهم اختي وقالتلها بدها تفوتهم عند الصغار حضنتهم وبوستهم وشميتهم وقعدت كل وحدة ع رجل وهمه مستغربين مني كانت اعمارهم 4 سنوات التوأم واجت اختي ورجعتهم ل امهم.. بالليل جالسين انا واختي وبلشت تحكيلي عنها وكيف جوزها معجب عليها وبيضربها وبيذلها ف انا لا شعوريا قلتلها بكسر ايدو وبحمله اياها وصليلها هالحكي انا بعدت عشان ما ائذيها من حبي الها يجي واحد حقير يتطاول عليها لا والله واختي مستغربة انو كل هالسنين ما تغير اشي بعدني بحبها وبنحكي مين حضر الجنازة ومين لأ قلتلها منيح ان ابوها ما اجى فقالتلي ابوها مات بعد ما انت سافرت ب سنة وهي اجت تحكيلي بترجاكي احكيلو ياخدني احكيلو بتطلق بس المهم يكون معي اللي كان معارض راح وانا والله يا اخوي قلتلها لأ خلص هو عمل حياه جديدة لحاله وارتبط بغيركحتى ما تخرب عليها حياتها وتقطع عنها الامل ..لما حكت لأختي بوقتها ما كانت حامل واختي صدتها .. وانا خلصت اجازتي وعقلي مشوش مش عارف ارجع ع شغلي واتركها كمان مرة وبنفس الوقت مش قادر احكي معها وتتسمى خاينة حتى بينها وبين حالها وخايف عليها اختي بتقولي بيضربها كثير اللي اسمه جوزها .. وصلت اختي عند اهلها مرة بطلب مني طبعا وشفتها وشافتني نزلت هي وقعدت عالرصيف وحضنت بناتها وصارت تبكي وانا من بعيد ابكي وحدة من بناتها شارتلي ب ايدها وانا بادلتها الاشارة انها تيجي واجت وحملتها وهي مصدومة من بنتها ف اختي خبرتها انو شافهم ايام العزا .. هي ما قالت اشي وهي مفكرة اني مرتبط حسيت دموعها سكين نزلت عصدري انا لسة بدي اياها لو معها 10 ولاد شو اعمل هي مش مرتاحه ب حياتها وانا كذلك ما فكرت اتزوج لأني عارف انها بقلبي وما عندي استعداد اظلم حدا معي شو اعمل اقولها تطلق واخذها وبناتها معي يشهد ربي علي رح اكون احن من ابوهم عليهم مع العلم انو بيضرب امهم قدامهم وبيضربهم كمان... ما توقعت ترجع مشاعري هيك بعد كل هالسنين انصحوني بدون تجريح لأن الله اعلم بالحال ،....


أسئلة ذات علاقة