حب هذا الشخص لي سبب لي مشاكل مع العائلة

add_commentأضف إجابتك

thumb_downلم يعجبني0

سلام عليكم انا هقولكوا مشكلتى وياريت تحلوها انا بنت عندى ١٩ سنه من اسرة مستواها الاجتماعى عالى جدا وبابايا صاحب منصب سياسى كبير جدا فى الدوله . من حوالى 5سنين تقريبا واحد كلم بابا وعرفه انه بيحبنى و عايز يرتبط بيا وعرفه انه ان شاء الله اول ما نكبر هيجى يخطبنى ومش عايز اى حد يخطبنى لغايه ما يجى يتقدم بابا ضحك وخد الكلام على انه كلام اطفال وكلم الولد داه وقاله يهتم بدراسته وميشغلش تفكيره بالكلام داه وكل الى ربنا عايزة هيكون وكمان طلع الولد داه واحد زميلى فى الدراسه بس الى عرفناه بعد كدة انه كان بيحبنى قبل ما يعرف بابا بحوالى ٤ سنين وفضل طول الكام سنه الى فاتوا بعد ما عرف بابا بيجيلى عند دروسى كلها وبيقف ادام الفيلا بتاعتنا ويبعتلى كلام كتير انه بيحبنى وكدة وللعلم الولد داه محترم جدا وهو من اسره كويسة والولد بردة جميل جدا هو بشرته بيضاء وعيونه خضره وشعره اصفر ومع ان انا مش جميله انا عاديه بشرتى زى بشرة معظم المصريين قمحيه هو قال انه حبينى وان انا فى عينه احمل بنت وكفايه اخلاقى لغايه دلوقتى انا لسه مدخلتش المشكلة بقى ان انا عندى ابن عمى هو بردة قدى فى الدراسه انا وابن عمى قريبين من بعض جدا بحكم اننا قريبين من سن بعض انا وابن عمى بنحكى لبعض على كل حاجة بالمختصر انا وهو كنا اكتر من الاخوات بس انا مكنتش معرفه لاى حد الموضوع داه بس اسرتى الى كانت تعرف. الولد الى ببحبنى صاحب ابن عمى من سنه وهو وابن عمى بقوا صحاب لغايه ما ابن عمى عرف الموضوع داه عمل مشاكل كتير واتخانق مع الولد والى اكتشفته ان ابن عمى بيحبنى انا مكنتش مصدقة طبعا عشان هو كان بالنسبالى اكتر من اخ. انا عندى ابن خالتى متربيين سوا وهو واختى الكبيرة اخوات فى الرضاعه ابن خالتى داه بالنسبالى اخويا الكبير مفيش حاجة ميعرفهاش عننا بس انا مكنتش معرفه الموضوع داه لغايه مل فجاء عرف الموضوع بس الكلام الى جاله كلام غلط خالص هو سمع الكلام من ناس وكان كلام يدمر سمعه اى بنت ابن خالتى اول ما عرف الموضوع كنت ساعتها بره البيت عند صحباتى عشان هنفطر سوا هو كلمني وقالى تعالى عايزك حالا اتقابلنا بعدها بتلت ساعه اول ما شفنى ضربنى قلم كان شديد جدا اتصدمت للحظات مبقتش عارفه انطق ركبنى العربية وكل داه انا مش مستوعبه ايه الى بيحصل وقال كلام الى سمعه كلام محدش يستوعبه وخدنى وصلنى البيت وانا ساكته نهائى وهو بيتكلم ويزعق جامد وقبل ما ادخل البيت كان الشخص الى بيحبنى واقف بره وشافنى وانا داخله اول ما دخلت البيت اختى الكبيرة اتصدمت من شكلى ولما ابن خالتى اتكلم اختى بهدلته وفهمته الموضوع وعرفته انى معملتش حاجة غلط وعمرى ما كلما الولد داه. حصل مشاكل كبيرة بسبب الموضوع والكلام وصل لبابا وفى الاخر طلع ابن عمى هو الى عمل فيا كده عشان بيحبنى ويحسس بابا ان الشخص داه هيضرنى انتوا مصدقين هو عمل فيا ايه طبعا الموضوع داه بقى على كل لسان الموضوع مكنش سهل وبمنصب بابايا الموضوع اتشهر اكتر واتشهر اكتر واكتر لما اكتشفنا ان ابن عمى هو الى عمل كدة. عمى اول ما عرف ضربوا ضرب لدرجة انه اتحجز فى المستشفى الولد الى بيحبنى كان عندنا طول فتره المشكله عشان يعرفوا مين الى عمل كدة بعد ما دنه واقف معانا الفتره ديه ماما عرفت انه هو محترم وكويس وبدات تحبه واصبحت موافقه عليه وللعلم ماما مكنتش موافقه عليه عشان ماما كانت بتبص للمستوى الاجتماعى وعشان كمان اختى الكبيرة مخطوبه لسفير بس هو محترم جدا و بيحب اختى واتقدملها. انا جالى انهيار عصبى من الى حصل المشكله ديه حصلت فى شهر رمضان الى فات من وقتها وانا مبكلمش ابن عمى وبردة مبكلمش ابن خالتى ابن خالتى داه كان بالنسبالى سندى فى الدنيا عمره ما كان مجرد ابن خالتى انا عندى اخ صغير فى اعدادى فا بالنسبالى ابن خالتى داه كان هو اخويا الكبير. وكمان اقل من شهر فرح ابن خالتى انا مش عايزة اروح نفسيتى مدمرة والشخص الى بيحبنى لسه متمسك بيا وكلم بابا تانى هو واهله انه لسه مصمم انه يخطبنى وعمل حاجات تانيه كتير عشان تحسن نفسيتى ووالده بيقول لبابا انه لو موافق يخطبنى من دلوقتى بس بابا بيقول انى لسه صغيره ولسه على متخرج من الجامعة. وكمان الى بيحبنى داه دخل نفس كليه بابا عشان هو شايف بابا مثله الاعلى والولد الحمد لله متوفق جدا فى دراسته. ابن خالتى اعتذر وعمل كل حاجة عشان يصالحنى بس مش قادرة اكلمه مكنتش متخيله انه هيصدق عليا كلمه ومش عارفه اعمل ايه خالتى بقت تجيلى كل يوم هى وابن خالتى وبنت خالتى هو بيحاول يصالحنى وعزم الشخص الى بيحبنى وكلمه واتصالحوا وعرف انه الولد فعلا شارينى ادعولى ربنا يفرجها معايا انا بقالى تلات شهور بتعالج عن دكتور نفسى الى حصل مكنش بسيط عليا

add_commentأضف إجابتك

thumb_down لم يعجبني 0

إجابات السؤال

صورة علم United States
أضف إجابتك على السؤال هنا
  • خبيرة تطوير الذات د. سناء عبده
    خبيرة تطوير الذات د. سناء عبده verified_userيا ابنتي دوما ندعو لك بالخير وربنا يفرح قلبك ويبعد عنك الشر، ابن عمك يستحق المقاطعة لانه اضر بك جدًا ولكن ابن خالتك تصرف مثل اي اخ غيور ومن روعة ما سمع ومن خوفه ومن قلقه ومن رعبته ولأنه لم يعرف الا ما سمع تصرف بعنف صحيح انه اخطأ بمد يده عليك ولكن تخيلي روعة الصدمة بالنسبة له وها هو يحاول يصالحك ويطيب خاطرك، ونصيحتي لك ان لا تاخذي الموضوع بمبدأ التهويل السلبي وتضخيم القصة، ليعرف من يعرف فانت ادرى الناس بنفسك وضميرك واعي وانت ذكية وصاحبة اخلاق وذوق، لذا نصيحتي لك ان تهدأي وتتوقفي عن التفكير بالموضوع، وتستعدي لحضور فرح ابن خالتك واعتبري خوفه عليك خوف اخ على اخته فهو اخوك بالرضاعة في اي حال، ويبدو ان الولد صادق بطلبه لك ولكن لا تتمادي في علاقتك به لانك لا تعرفين نيته الحقيقية، وانتبهي لعواطفك وركزي على دراستك ولا تتزوجي قبل ان تنهي جامعتك، وان شاء الله ربنا يفرح قلبك وتصبح قصة ترويها لاحفادك، ووفقك الله
  • صورة علم Egypt
    صورة علم Egypt
    مجهول
    للتوضيح ابن عمى هو الى طلع عليا كلام وحش الكلام الى وصل لابن خالتى كان ابن عمى باعت ولاد يتكلموا عليا عشان يبين لبابا ان الشاب الى بيحبنى هيدمر سمعتى
  • صورة علم Egypt
    صورة علم Egypt
    مجهول
    توضيح والدى هو واختى الاثنين الذين مازلوا لم يخبرونى برفضهم او موافقتهم اختى اصبحت تحدثنى بعقلانيه وتقول لي هل تستطيعين العيش معه وتتحملى الظروف التى تواجهينها اما والدى فلم يخبرنى بقرارة الى تلك اللحظة والدى يقول لا تشغلى باللك بتلك الاحداث واهتمى بدراستك ولكن انا سمعته وهو يحادث اختى ويقول لها ذا مازال الولد متمسك بها حتى نهاية الدراسه ووجدت اختك موافقه عليه سافعل ما بوسعى واساعدها فى كل شئ ووالدتى بعد تلك المشكله اصبحت صامته تماما ولم تتحدث فى تلك الموضوع ثانية ولكن عندما حادثتها جدتى واخبرتها ان ترفض تعصبت امى وقالت انتوا من دمرتى بنتى اتركوا بنتى تختار ما تريد وسنفعل لها كل شئ من اجلها فالجميع اصبح يخافوا عليا بعد تدهور حالتى النفسيه
  • صورة علم
    صورة علم
    مجهول
    زواجك معاه فشل والدك حق ويريدون مصلحتك انسيه وفكرى بمستقبلك مع شخص بنفس مستواك الاجتماعي
  • صورة علم
    صورة علم
    مجهول
    اهم شئ لحل المشكلة هو معرفة سبب رفض اهلك.. ومن هذا المنطلق حاولي محاربة المشكلة بإقناعهم بأن سبب الرفض غير مقنع
  • صورة علم
    صورة علم
    مجهول
    الواقعية شيء جميل في حياتنا.. الزواج يحتاج لكثير من المقومات كي ينجح أولها توفر الظروف ورضا الاهل ..ألخ
  • صورة علم
    صورة علم
    مجهول
    انسيه من حياتك لانه غيرمناسب لك، فالحب لوحده لا يكفي لبناء علاقة صحيحة سليمة جادة تنتهي بنهاية سعيدة، هناك الكثير من الشروط التي يجب توفرها
  • صورة علم
    صورة علم
    مجهول
    ما زلتي صغيري ولحتى هو يكون نفسه تكون كل شي بعقلك تغير اصبري حتى تنهي جامعتك وبعدها يفرجها ربنا
  • صورة علم
    صورة علم
    مجهول
    لا تفكرى فيه كثير ان كان من نصيبك فلا يقدر احدا من ابعاده عليك ولا تخسرى ابوكي
  • صورة علم
    صورة علم
    مجهول
    اتركي الشاب نهاية وتاكدي ان ابوكي يحبك ويريد لك الخيروالسعادة وهوادرى بمصلحتك اكثر من اي احد ثاني
صورة علم United States
أضف إجابتك على السؤال هنا