لماذا جعلني أتعلق به ثم تركني؟

انا طالبه بكليه هندسه عين شمس ... من اشطر الطالبات في الثانويه العامه لدرجه كانت تخلي كل المدرسين يحكوا عليا في مراكز كتير ...كان دايما يجيلي رسايل وطالبات مراسله وطبعا مش برد خالص ..المهم مره واحده اتصدمت باشعار جايلي من الفيس بان حد طلب الادد الي انا بعته مع اني مبعتش حاجه خالص ..واكتشف ان نفس الشخص كان باعت رسايل كتير وانا مش برد عليه .. وبعت رساله انه مبسوط جدا اني بعتله ...بعت قولت اني مبعتش حاجه وانه اكيد بالغلط اعتذر بس بقي يبعت كل شويه وانا برد برخامه جدا وطلبت منه كذا مره انه ميبعتش ..فضل علي نفس الوضع شهور .لحد ما حسيت اني اتعودت علي وجوده قالي انه بيحبي وكدا وانه كان عارفني من السنتر وانه شاف قد ايه انا ذكيه ومحترمه وانه عارف ان ناس كتير حاولت معايا واني مش برد خالص ..اعترف انه بيحبي و بعد فتره انا كمان قولتها للاسف ...كنت بصد اي كلام حلو منه بس للاسف كنت بتاثر غصب عني مع اني مش ببين ... كان بيحصل كلام كتير بعد ما قولتله اني بحبه انه مش هيقدر يتقدم حاليا واني استناه لحد ما يخلص دراسته وكدا بس انا قولت ان دا مش في ايدي وان استني واحد اهلي ميعرفش عنه حاجه ازاي ...بعد فتره اتغير جدا ..هو كان معظم الوقت هو الي بيبدا كلام ...بس في الاخر بقي بيبتعت وكانه متضرر واني حمل عليه ...بعدها قال اننا اصحاب ومفيش بنا حاجه واننا نتعامل كاخوات ...اتصدمت بس مبينتش برضو وقولت يمكن غصب عنه ووافقت بعد تفكير قولت لنفسي ايه لعب العيال دا مفيش حاجه اسمها كدا فمبقتش اكلمه خالص ولما بيبعت يسلم برد علي الادد من الزعل وكنت مستنياه يتراجع كالعاده ويعتذر بس محصلش وقررت اتكلم انا باي حجه فبعتله قولتله امسح الشات ولما سال ليه قولتله كدا ... علشان دا الصح ..زراح مسحه وقالي لو عايزاني امسح رقمك عادي ولو عايزه تحذفيني من الاصدقاء زي ما تحبي ...متسرعتش بفكرت كتير وحذفته تاني يوم لان فعلا كان اسلوبه بايع ... بعدها بشهر رن عليا مره واحده ماسنجر قولت لو رن تاني هرد مرنش وقعد ينشر بوستات علي الفيس انه عايزني انا الي ارجع ...مبعتش حاجه واكتشف ان كان واحد صاحبه مكلمه عليا وقايله انه بيحبني فهو جه من وراه كلمني ...واكتشفت برضو انه بعد ما سابني كلم بنات كتير ... المهم ان الموضوع خلص من بدري وبفضل الوم نفسي اني مردتش واني مبينتش اني عايزاه لما نشر حاجات كتير مش عارفه ايه الصح ومش عارفه لومي لنفسي دا صح ولا غلط بس انا تعبت جدا ...هل هو كدا عمل الي عليه برنه ماسنجر وكام بوست ؟؟ولما مردش يكلم بنات تانيه ؟؟؟مع انه لما بعد كان حجته ان العلاقه حرام