العرس مختلط ولكن عائلتي

Question

مرحبا انا عندي مشكلة كبيرة انا شب عمري ٣٠ سنة من عائلة محافظة حبيت وحدة قبل سنتين والحمدلله خطبنا و جهزنا بيتنا وكل امورنا تمام المشكلة انو خطبتي بدها العرس يكون مختلط وباغخم فندق فيكي يا عمان المشكلة مو بالفندق المشكلة بالمختلط اهلي رافضين الفكرة نهائي و بيحكو نحن مو هيك تربايتنا ولاهيك عاداتنا يا بكون العرس بس نسوان يا بتترك العروس ويادار ما دخلك شر ولله انا بحبها وما عارف شو اعمل ؟؟

من مجهول · Accepted Answer

يعني بالله عليك هل هذا شيء محير الامور واضحه وضوح الشمس اما دينك واهلك الذبن يشجعوك على دينك واما نفسك ورغباتها يا اخي اين دينك؟؟؟اين شرفك؟؟؟ والله ما من رجل يرى زوجتك الا ويتهيا له انه هو معها اتق الله ولا تتنازل عن مبادئك لانها ستحتفل الان مختلط لكن غدا عواقبها وخيمه جدا تزوج لما بعد عشر سنين اوعشرين سنه هذه ام لبناتك اصحى ولا تكن ذكرا كن رجلا والرجال قليل احكيلها مباداك والاحسن هددها بفسخ الخطبه والله ما تجرات بهذا الطلب الا بعد ان رات ان فيك ضعفا

استشارية نفسية د.ناديا ابو هناد · Answer

ليس المهم في شكل حفلة الزواج المهم ان تتزوجا إذا كانت خطيبتك تحبك وترغب في الحياة معك بسعادة عليها ان تحترم رغبة أسرتك وتعملوا حفل للنساء وحتى تستطيع أن تعيش بسلام معهم في المستقبل وأن لا تخسر أنت خطيبتك ولا هي تخسرك وبعد حفلة النساء يمكن ان تكون هناك حفلة اصغر مختلطة عليك أن تقنع خطيبتك بحب وتفاهم

الخبيرة النفسية د.سراء فاضل الأنصاري · Answer

حفلة العرس هي تتويج لشيء اكبر وليست هي الزواج وليست هي الاساس وحرام ان تنتهي قصة جميلة بسبب عناد الاهلين قرروا انت وخطيبتك وافرضوا الامر على الاخرين ولكن بالاقناع

من مجهول · Answer

أكثر شيء بضحكني عندما اسمع كلمة اننا من عائله محافظه وكذلك الدوله الفلانيه دوله محافظه وفي الواقع لا تخاف سوى من المحافظين بعملوا السبعه وذمتها -- هذا يعني عدم توافق ثقافي بين العائلتين والمشاكل قادمه إذا تم العرس

من مجهول · Answer

أخي قرار خطيبتك بأن العرس يكون مختلط ، اسمح لي ، لكن هو محصلة تربية ودين ، وكونها طلبت هيك طلب وهو بصراحة مش قليل سواء انه بفندق وهاد تكليف عليك وبرأيي لزوم لما لا يلزم ومصاريف ما الها لزوم وثانيا انه مختلط ، عيد نظر بعلاقتك فيها وبعلاقتها هي بدينها ، وما تنسى انه خطيبتك اليوم ، زوجتك غدا وأم أطفالك بعد غد ما تحط ببالك مباشرة انك تتركها ، بس ارجع قيم الوضع والله ييسر أمركم ويوفقكم

من مجهول · Answer

سدقني يا غالي الي مش راده عليك هسا مش رح ترد عليك بعدين ورح تتغلب واتذكر انت بدك تبني عيله والعيله مش يعني بتحبني وبحبها وعلاقه وارتباط لا اسما من هيك بكثير المغزى من الحكي الي بدها مختلط معناها بعيده عن الدين كثييير يعني المحصله ولادك رح يكونو هيك الحل هو تكون صارم ببعض القرارات الي انت تشوف ردت فعلها وانها عنجد بتتقبل منك وبتحترم كلامك غير هيك بقلك الطيبين للطيبات مش بحكي للافرق حدا عن التاني بس كمان رسولنا خبرنا انه المراه تنكح لاربع لمالها ولحسبها ولجمالها ولدينها فاظفر بذات الدين تربث يداك يعني مافي دين انسى

من مجهول · Answer

بما انو انتا بتحبها وهيا بتحبك اقنعها انو ما تعمل الحفله مختلطه واحكيلها رأي اهلك بلموضوع

من مجهول · Answer

تفاهم مع خطيبتك، صراحة أزا ما قبلت تتنازل عن اشي بسيط زي هيك بكرة ع كل اشي بتعاند و بتعمل مشكلة ماشي بتحبها بس أزا هي بتحبك كمان رح تتفهم

من مجهول · Answer

انا متفاجئ من الناس اللي بتحكي انه هاد عرسكم وما حدا غيركم التنين اله دخل اولاً نحنا مجتمع مختلف عن المجتمعات الغربية، تانياً ابوك وامك بيقدروا يحكوا طبعاً وانت مفروض عليك ترضيهم وتسمع كلمتهم وما تعمل اشي بزعلهم، اذا البنت بتحبك وبدها اياك ما رح تتركك على شغلة متل هيك، واذا تركتك عشغلة متل هيك صدقني بتلاقي أحسن منها اللي تسعدك وتهتم انت ايش بناسبك

من مجهول · Answer

و ليش مختلطة؟ ليه ما يكون جوا الحفلة بس ابوها و اخوانها و اعمامها و يكون باول الحفل عشان يشوفونها و انت عادي عندك تستعرض عند رجال العايلة؟ اهم شيء معها محارمها و خلاص

من مجهول · Answer

اول شي احكي معها واقنعها انه مو معقول نبدأ حياتنا بإشي بغضب ربنا ونكون احنا والكفار واحد رقص واختلاط بفندق احكيلها لو صار تفجير لا سمح الله ولا انهد السقف بتحبي تكون هاي نهايتنا؟ ومن هذا الكلام وازا اصرت ممكن الحل اللي اقترحته احدى الاخوات تحت انه يكون اوله مش مختلط وبعدين يدخلوا الاقارب والله يحلها بيناتكم ان شاء الله

من مجهول · Answer

كييف بدك تعيش مع بنت بتفكر بهالطريقة وما بتستحي ترقص وتتمايل قدام غيرك طبعاً غير العيب ونظرة أهلك هاي البداية،الله يسترك من اللي جاي سامحني،اختيارك خطأ،واوعك توقف بوجه اهلك واتزعلهم لانهم الصح الله يهدي خطيبتك،و يرشدك للصواب

من مجهول · Answer

اولا ما تترك حبيبتك عشان آي حد لانه ما حد ولا اهلك حتى بقدرو يعوضوك مكانها وانت وهي المتضررين الوحيدين ورح تندم عمرك كله ع خطوة متل هيك تاني شي العرس عرسكم وفرحتكم انتو اذا انت مقتنع بفكرة المختلط اقنع اهلك واضغط عليهم بالعواطف مش بالزعل واذا انت ضد الفكرة اقنع خطيبتك بأنها فكرتك انت مش اهلك الي بدهم وبالحق مش بالإجبار والعصبية والاهم للمستقبل خلي حياتك وقراراتي مستقلة عن الي حوليك

من مجهول · Answer

رأيي تنساها وشوفلك وحده ثانيه لأنها هاي راح اتغلبك لقدام

من مجهول · Answer

ممكن انكم تعملو العرس بطريقة ترضي الطرفين يعني الرجال اللي يدخلو يكونو ابوها و ابوك وخوانها و خوانك و عمامك وعمامها و خوالك و خوالها بس باقي الرجال في صاله تانيه نصيحه لا لتدخل الاهل اليوم هاد بخصكم انتو التنين فقط

من مجهول · Answer

المفروض العروس تقتنع لانه مش هي اللي بتفرض مختلط وبعدين الوحدة بتاخد راحتها اكتر وانت حاول تحكي مع اهلها ازا همي مش ضاغطين عليها رح يقنعوها

من مجهول · Answer

اقنعها ما تعملو ولو بتحبك ما بتخرب هالعلاقة عشان عرس -_-

من مجهول · Answer

اذا وافقت عطلبها غلط انتو كيف ما ناقشتو هاد الموضوع بفترة الخطبه؟؟ احكي معها بوجود اهلها واذا ما وافقت بتكون تافهه ولا تصلح لانه انت رأيك الصح

من مجهول · Answer

شوف تحكي مع أهلك و تحكيلهم انو العرس المختلط اشي مش عيب يعني لأنو بلعكس بتكون عيلتك سوا أبوك و أمك و خوانك و خواتك و الفرحه و حده و اكييد انا متفهمه عيلتك بس هم فيهم يكونوا كثثير حلوين حتى بالحجاب و باواعي راقيه بالحجاب لأنو مثل ما فهمت متدينين و حاول تحكيلهم انو هيك قرار لازم انت و خطيبتك الي تقرروا و احكيلهم اذا عنجد بتتمنولي السعاده ليش اترك البنت ، بنات الناس مش لعبه

من مجهول · Answer

كيف واحد بيرضى عحاله الأجانب يشوفوا مرته في زينتها يوم عرسها؟؟ يا جماعة الخير هو انا الوحيد المش طبيعي هون ولا كيف؟

من مجهول · Answer

حاول سوي حفلة يومين بس بمكان اصغر

من مجهول · Answer

كن واقيعي وصريح واﻻمور ستحل ان شاء الله تعالى

من مجهول · Answer

قرار اهلك صائب اولا رضاء لله ثانيا رضاء والديك ومن ارضى الله بسخط الناس رضي الله عنه وارضى عنه الناس ومن اسخط الله برضاء الناس سخط الله عليه واسخط عليه الناس فأهلك معهم الحق والموضوع اختلاط والاختلاط محرم فإذا اذعنت لشرط محرم من البدايه اعتبر نفسك خاتم في اصبعها تمشيك على كيف ما شاءت

من مجهول · Answer

أخي العزيز خذ هذه النصيحةلوجه الله هاي خطيبتك ماتفيدك أذا من البدايه تبحث عن المختلط يعني أنها أنسانه غير ملتزمه وتوقع منها بعد الزواج كل شيء ومتمل مراح تحافظ على أسمك وسمعتك وشرفك أتركها وخليها تشبع من المختلط وسوف يعوضك الله خير منها ثم مافائدة الحب وهي من غير أخلاق ؟؟أتقي الله وأترك الحب جانبا فهناك ماهو أهم والله لو تزوجتها أنا متأكد ومن خلال حديثك سوف يأتي يو تعض أصابعك ندما والله يوفقك

من مجهول · Answer

اهلك معهم حق نحن مجتمع لنا عاداتنا وتقاليدنا وخطيبتك هذه باينه منفتحه هي واهلها جدا فاحرص على ان تكون الحفله مقتصره على النساء والرجل الحر الشريف الغيور على دينه وشرفه هو من لا يفسح المجال للرجال ان يرونها وهي عروس متالقه وفى كامل زينتها ورائحه العطر تفوح منها والرجال يرقصون مع النساء بدون حياء او خجل من اين لنا بتلك الاعمال التى يمارسها بعض الناس من اجل السمعه والمظاهر الكاذبه فى مغظم الاحيان وراي اهلك صائب ولا يحتاج لنقاش

من مجهول · Answer

لا تترك العروس اهلك اخرتهم بيرضوا

من مجهول · Answer

وخطيبتك لويش بدها العرس مختلط شو بدها تعرض حالها عالشباب مثلا ؟؟ هاي قبل الزواج وهيك فبعد الزواج حتصاحبلك شباب و ولا حتتخبر عليك وبتلاقي شب طالع معها وشب نازل معها كلمتك المفروض اللي تمشي

من مجهول · Answer

تحدث مع الطرف المتفهّم والذي يمكنه التحاور معك سواء خطيبتك أو أهلك بإمكانك تعمل حفلة بسيطة ترضي خطيبتك تكون عائلية مختلطة لا بأس ليس من الناحية الشرعية ولكن كلام شباب واعمل حفلة أخرى بالفندق تكون منفصلة بين الرجال والنساء على أن يحضر العريس وأولاد عمه مثلًا إلى قاعة النساء بعد إخبارهم كي يتستّروا لتعمّ الأفراح أكثر وتنتهي هذه المشكلة الله يجعل التمام على خير ويهنيكم

من مجهول · Answer

زواجك هو الحدث الاكبر لانه هو الحياه القادمه حاول تحل المشكله بسياسه و لاباقه اكثر من هيك

من مجهول · Answer

حفله العرس بدعه

من مجهول · Answer

الغي العرس و رتب بعد كتب الكتاب سهره ليك و ليها و اهلك و اهلها و بس

من مجهول · Answer

انت بتحبها و بتريد ترضيها بس السؤال هون هي شو راح تقدم تنازلات

من مجهول · Answer

اخي العزيز يمكن ان تقسم الفرح نصفين الجزء الاول من الفرح سيدات فقط وبالعريس وقبل اخر الفرح ممكن ان يخطلت والله يتمم ع خير

من مجهول · Answer

اتوقع انك بعمر بتقدر تعرف الغلط من الصح وانو هيك سخافات مش هلأ وقتها كان من زمان تفاهمتوا ازا عارف انو هيك اهلك مش تترك خطيبتك عشان رأي انت بنفسك مش مقتنع في

من مجهول · Answer

صديقتي حصل معها زي موضوعكم اهل زوجها كان ما بدهم مختلط و هي و عائلتها بدهم مختلط فأهلو رضيو انو يعملو مختلط بس بشرط انو الخطبه تكزن مش مختلط و الحمدالله اتفقو و تجوزو و صار عندهم اولاد والله يمرقلكم عرسكم بدون مشاكل

من مجهول · Answer

العرس دائما للولد هي الاهالي دائما بحكو فهمها لخطيبتك انو اهلك لا يبغون مختلط و ان رح يصير في انفصال اذا صار مختلط و خطيبتك اذا بتحبك يجب ان تتنازا و انت عوضها بعد الزواج بسبب هذه التضحيه

من مجهول · Answer

هاد اكبر همكم العرس اذا مختلط ولا لا في امور اهم من هاد الشيء اعملو يلي بدكم اياه و وفرو مصاريكم لحياتكم بعد الزواج هاد كله اشياء تبعيه وبالاخر شو ما عملتوا ح ينحكى عنكم لان الانسان بحب ينقد بجميع الحالات

من مجهول · Answer

و الله انا صار معي نفس الشي طول ايام الخطبة و لكن كان الموضوع في العكس و انا محجبة و رفضت انه اعمله مختلط لانه من حقي البس الي بدي ياه و وصلت بينا للانفصال و نرد نرجع و نتفاهم و بالآخر وصلنا لحل يرضي الطرفين انه اول ساعتين من العرس يكون مو مختلط و بعديها يدخل الي بده يدخل من الاقارب و اتفقنا أظن انه حرام تنفصل او تنهي علاقتك مع وحدة من اجل امور شكلية

من مجهول · Answer

بصراحه ان مع خطيبتك العرس يلي مش مكس مو حلو شو فايدة العرس اذا كانت البنت ابوها و اخوانها و اهلها مو معها و حلاوة العرس بناسها و جمعتها حاولوا تتفاهمو و اعمل حل وسط بين بعضكم

من مجهول · Answer

عزيزي هذا عرسك و عرسها لا تسمحوا لاحد بأن يتدخل بينكم لانه شيء خاص بكم تفاهموا فيما بينكم والله الموفق

من مجهول · Answer

هذه الامور كان يجب ان تتفاهموا عليها قبل الارتباط لانكم من عائلتين مختلفتين ويجب ان ترضي الطرفين مش من الممكن ان تخسرو بعض بسبب امور كهذه حاولو ان تتفاهمو بين بعضكم و لا تدخاو الاهالي فيها

من مجهول · Answer

صديقي حصل معو نفس الاشي كان الاختلاف على العرس المختلط لأنو أهلو متدينين بس اتفاهم مع اهلوا انو هادا عرسهم هما الاتنين ويومهم اللي بستنوا طول العمر وبداية حياتهم ومش هيك اشي بحدد مصير علاقة وصار اللي بده اياه والكل كان مبسوط وهلأ ماشاءالله عندهم بنت بالتوفيق

العرس مختلط ولكن عائلتي

شارك في الاجابة على السؤال

شارك في الاجابة على السؤال

فيديوهات ذات صلة

مقالات ذات صلة

ما تفسير رؤية الهروب من الزفاف للعزباء وللمتزوجة؟

7 طرق للتعامل مع فرط الحركة عند الأطفال

لغات الحب الخمس عند الأطفال

طرق فعالة لتنفيذ أهدافك وتجنب الفشل

مخاطر قضاء الأطفال أوقاتهم أمام الشاشات الإلكترونية

كيف أعرف أن طفلي يتعرض للتنمر؟

اختبارات ذات صلة

اختبار متلازمة المحتال (Impostor syndrome)

أسئلة ذات صلة

مقالات ذات صلة

احدث مقالات الحب والعلاقات العاطفية

احدث اسئلة الحب والعلاقات العاطفية

اسئلة من بلدك

احجز استشارة اونلاين

شارك في اخر الاختبارات

اختبار حب التملك: هل أنت مهووس بالتملُّك والسيطرة!

اختبار الشخصية الميكافيلية (Machiavellian Personality)