اعترفت له بكل علاقاتي فتركني

انا فتاة اتخطبت لإنسان مغترب وخلال فترة تعارفنا على بعض انا حكيتلو كل شي عن علاقتي السابقة لأني كنت مخطوبة من قبل و ما صار نصيب وخلال هي الفترة كنت صريحة معو لدرجة انو لو غازلني حدا بالشغل او الشارع يجي بحكيلو المهم استمرت معاه في هي العلاقة حوالي السنة و ما ظليت مترددة بالزواج لانو صار بيناتنا مشاكل و صار بتعصب علي و يمسني بكرامتي و يقدفني بكلام جارح كتير و من أسباب المشاكل انو اهلو طلبو انو يتركني لانو المدة طالت و لأنهم على قولهم سمعو كلام مو منيح عني والمشكل الأكبر انو صار لا يثق بي ابدا لانو انا أمي مريضة و خطيبي السابق كان يتصل مرات يسألني عنها و لانو خطيبي السابق لسة ما اتزوج اتهمني خطيبي اني لسة على علاقة معو ووصل شكو انو صار يحاسبني على الطلعة و الفوتة على الفيس بوك ادا اتصل و ما رديت عليه يقلي لأنك عم تحكي مع آخر و يقلي كلام حتى يوصل يبكيني و في آخر المطاف قلي خلص كل واحد يروح لحالو لانو أهلي رافضينك انا ترجيتو يظل لأني اتعلقت فيه كتير بس رفض المهم ضل عم يراسلني مرات و بعد مرور أشهر رجع قلي انو بدو يتزوجني و لما قلتلو اني صرت خاف منو و من عصبيته علي و كلا مو الكتير قاسي زاد قلي كلام أمر و أقسى و قلي انا بدي اتزوج يا تقبلي يا بشوف وحدة ثانية ما فيني استناك تاخدي وقت اكتر بتقرري انا كتير محتارة اكمل معو ولا اتركو مع العلم انا مو عارفة نظرة اهلو تجاهي ارجو أن تفيدوني و شكرا