أحببت شاباً لكنه غدر بي وخانني.. فكيف أمسحه من حياتي

انا مشكلتي انو حبيت واحد وعلى اساس هو كمان حبني وبالبداية كان كتير منيح لمدة شي 5 شهور بس بعدين تغير ويعمل مشكلة ويتركني، انا كتير اتعذب وقرر انو انساه بس هو يرجع يعتذر ويقلي ندمت وانا لان بحبو اسامحو وارجعلو بس يرجع فترة وبعدين يبعد عني وبقا شي 6 شهور يعمل هيك انا كتير تعبت وداااايما اسالو انت بتحبني؟ كان يقول اكيد بحبك، وسالتو بصراحة بتحب حدا وهو كان يحلف لا ما بحب غيري وانا صدقت كلامو و وثقت فيه بس من يومين تقريبا كان بيحط صور وحالات حزينة عندو وانا سالتو شبك؟ ليش زعلان؟ هو قلي ""في وحدة كلبة خانتني"" انا انصدمت ما عرفت شو قلو وصرت ابكي فورا وسالتو يعني انت كنت تحب وحدة؟ جاوبني انا الصراحة اتعلقت فيا بس هي غدرتني وصار يشكيلي انو ما عم يقدر ينساها وكتير تعبان لان تركتو وقلي انو هو معها من 5 شهور .. يعني كان يكذب عليي وما مهتم بمشاعري ابدا انا والله حبيتو من قلبي وهو ما اهتم وكمان كنت وقت ابعتلو غنية كان يبعتا لحبيبتو وكان يطلب مني اكتبلو بحبك مشان يقول لحبيبتو انو في بنات بحبوني ودايما كان يحظرني كل يوم ويقلي البابا بياخد الجوال بالنهار بس انا هلا عرفت انو هو كان يحظرني لانو بكون معها انا كتيييير تعبت والله وانا بعد كل هاد الشي ما قدرت اكرهو انا لسا بحبو وكمان زعلانة عليه لان هو تعبان بس احيانا بقول بيستاهل لان هو عمل فيني هيك. بس انا هلا بعدت عنو وما بدي ارجع بس هالشي صح ولا لازم كون معو لان هي الفترة هو تعبان؟ ما بعرف شو اعمل وكمان كييييييف بدي انساااه؟؟؟؟ تخيلو حالكن مكاني هالشعور صعب كتير والله ...... اسفة لان طولت وشكرا على هالموقع الحلو والمفيد