رأيت فتاة قلبت موازيني فهل أصارحها بما أفكر به؟

كل عام وانتم بخييير ❤❤ يا شعب حلوها العظيم مشكلتي : السلام عليكم :) انا شب عمري 19 سنة قبل فترة كنت اتخرف مع اصحابي وجبنا سيرة الزواج طبعا بتعرفو احنا شباب وبداية حياتنا بلشت واكم سنة الواحد رح يتجوز ويختار شريكة حياته المهم حكيتلهم انا ما رح اتجوز لانو اغلب البنات بهاد الزمن كلهم مكياج ولو تقيم المكياج بتصير شبه صاحبي واغلب البنات هس بحبو وبحكو مع شباب وحب وهاد الكلام وبالصدفه مبارح شفت بنت غيرت كل كلامي كل كلامي تغير عن الزواج البنت ما بتحط مكياج متل القمر ما شاء الله والبنت عندها اخلاق مش من البنات الي بحكو مع شباب وصرت افكر بالموضوع انو الله يجعلها من نصيبي بالمستقبل ودورت اكتر عن البنت طلعت من الناحية العلمية متفوقة وبمعدل عالي جداا اكثر من الي بتتخيلوه جد عالي جدا جدا وهون انا بلشت افكر انو انا معدلي منخفض ومعي مهنة وبدرس بجامعة عادية تخصص تجاري وبشتغل الحمدلله وهي اكيد رح تكون تدرس طب او هندسة يعني مش من نفس المستوى التعليمي انا وياها انا البنت حطيتها براسي ( مش احكي معها ) لا انو بس اكون جاهز لزواج لو بعد 5 سنين رح اروح اطلبها من اهلها وكل شي حسب الاصول وعلى سنة الله ورسوله بس خايف انها تكون مغرورة او انو يكون الزوج المثالي عندها انو ذات علم عالي مثلها مش عارف :( فكرت اروح اكلمها خاص واحكيلها بدي اسئلك مجرد سؤال صغير وجاوبيني واعمليلي بلوك بعدين ( انو لو تقدملك حدا اقل منك من الناحية العلمية بس بشتغل بممهنة مربحة ودارس جامعة بتقبليه ولا لا ) انو عشان ما اضل متوهم للمستقبل واخر شي انرفض مش عارف انا بدي مساعدتكم بعرف انو مستعجل والشي هاد مطول ليصير ( انو نتزوج لو الله جعلها من نصيبي ) بس صعب تلاقي بنت بالمواصفات الي بدك ياها او تلاقي بنت محافظة على حالها وعلى سمعتها بدي مساعدتكم لو سمحتوا