هل أكمل مراسم خطبتي أم أرجع لحبيبي؟

مرحبا مجتمع حلوها عندي مشكله شوي طويله مشكلتي بلشت من سنتين و نص تعرفت ع شخص جدا منيح و غيرلي حياتي و كانت علاقتنا جميله جدا لدرجه الغير يحسدنا عليها بعد هيك باخر سنه من العلاقه صارت مشاكل كتيره بينا ع كل شي جدال و مشاكل الها اول ما الها آخر بطلت اوثق فيه و احسه مو واثق فيني صار يخبي علي شغلات مثلا يحكيلي كنت تعبان لهيك ما حكينا و هو بالأصل بكون سهران مع صحابه صار يعصب عليي ع أتفه سبب ممكن انا تخصصي بمجال طبي و مجبره اتعامل مع شباب و بنات و بتدريبي بالمستشفى كان يمنعني من اني اروح ع بعض أقسام بحجه كل يلي فيها شباب مع اني ما عمري زودت حكي ممع واحدنهم و بعلم الله قديه كنت حاطه حبه بين عيوني و عاميني عنهم كلهم بس خلص وصلت لحدود ما أقدر اتحمل تعبت نفسيتي لدرجه الضحك بطلت اعرفه ايامي يوم ابكي و يوم لا انا صحتي شوي تعبانه و مع نفسيتي زادت كتير بطلت عارفه اتعامل معه و مع عصبيته و شكه و قررت اعطيه مهله يصلح من حاله و فعلا صلح تصرفاته بس مو متل ما بدي و لأني ما هان عليي عشرتنا أعطيته مهله تانيه و اعتبرتها الاخيره و كان هو فيها شخص بجنن رجع الشخص يلي حبيته لحد يوم من الأيام تقدملي قريبي يلي ما عمري تعاملت معه و صدقا نويت و وعدته اني رح ارفضه و فعلا رفضت بعدين الحو عليي استخير و استخرت طلعلي خير و استخرت لحبيبي طلعلي شغلات مو منيحه و وقت قابلت الشب جدا ارتحتله و بنفس اليوم صار جدال مع حبيبي خلاني ابات الليل ابكي صحيت و قررت اتركه و اقبل الشب و فعلا عملت هيك بس بعد فتره صار يرن و يبكي و يترجاني ارجع و يحلف ايمان انه ندمان و انه ما رح يكرر غلطه و ما بده غير فرصه يبرهنلي انه تغير و بده يبعت اهله يطلبوني مشان يبين انه صادق معي هالمره و عرفت انه صار يراجع عيادات القلب لانه كان يتعب آخر فتره و حياته صارت ججيم وعدته اني افكر ارجعله او لا بس مو عارفه اقرر مع العلم اني قرأت فاتحتي ع الشب و الحمد لله علاقتي بالشب منيحه كتير و هلئ ما بعرف اكمل مع الشب ولا اعطيه فرصه.... ساعدوني