كيف أتغلب على غروري وأصارحها بمشاعري؟

الحب والعلاقات العاطفية
كيف أتغلب على غروري وأصارحها بمشاعري؟

مساء الخير انا شاب وسيم وجميل وثري بعلمي واخلاقي ومال والداي ووحيد لعائلتي ولجدي يعني اجد من الإهتمام والدلال الكثير واي شي بطلبه دغري بوصلني في جامعتي كثير بنات بنجذبوا لإلي لكن انا ببالي فتاة واحده من اول ما دخلت هي الجامعه واخذت معي هالماده يعني من ثلاث سنين تقريبا وهي اصغر مني بسنتين طبعا هي للآن ما بتعرف اني بحبها فعليا وانها الوحيده يلي بثق فيها لان اكثر من مره اختبرتها والحمدلله طلعت قد المتوقع وما بتعرف اني بعرف كل تحركاتها لانه برشي صديقتها وهي بتحكيلي كل شيء حتى إذا بعرف انه في حدا بده يتقدملها بروح عليه وبخبره انه انا بحبها ونفسي فيها وراح افتعل مشاكل كثير إذا برجعوا يطلبوها ويتمموا الموضوع مع اهلها ، وفرجيتها لخواتي وأبدوا تقبل للبنت بعد رفضهم بالاول لانها ما بتشبه بطريقة لبسها وتعاملها طريقة ماما وإخواتي بس انا بحب إحتشامها وعفويتها وهاد يلي بهمني ويجذبني فيها ... صحابي بحكولي انه غلط يلي بعمله انا وصاحبتها فيها بس انا بحب وهاد ببرللي أفعالي وعلى كلن انا كلها فصلين وبتخرج وبروح ارتبط فيها بس المشكله انه انا بدي احكيلها بس غروري بيمنعني من هاد الشيء مش عارف شو لازم اعمل

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • الدكتورة سناء مصطفى عبده يا سيدي ان كنت فعلا تريدها زوجة كما اخبرتنا، لا يجوز ان تخدعها وعندما تعلم لن تسامح صديقتها لهذا، وبما انك الان اكتشفت كل ما تريد عنها ومطمأن لها عليك ان تتصرف، الرجل الصدق لا يخشى من التعبير عن مشاعره، تحدث اليها وبكل هدوء وادب ومع الوقت تقرب منها، وانظر للموضوع بجدية وفيك كل الصفات التي ترغب بها اي فتاة، لذا توقف عما تفعل وكن رجلا واتخذ قرارك ويمكنك ان تخطبها فور تخرجك وريثما تتخرج هي تكون قد ارتبطت بعمل وبمساعدة اهلك ووضعك المادي المريح يمكنك ان تفتح بيت بسرعة اكثر من اقرانك، وتعيش حياتك بحب مع الفتاة التي اخترتها زوجة. الصدق والطريق المستقيم ودخول البيوت من ابوابها هي اسلم طريقة لارتباط الشاب صاحب الاخلاق بالفتاة. وفقك الله
  • صورة علم Jordan
    صورة علم Jordan
    من مجهول
    اصلا هي ما راح تقبل فيك لانك مغرور فالافضل تطلب من (الماما) تشوف لك واحده تتحملك حب ايه اللي انت جاي تقول عليه انت عارف قبل معنى الحب ايه ركز بجامعتك يا شاطر ولما تكبر ان شاء الله ويصير عندك وظيفه و راتب بتفكر بالزواج والحب
  • animate

  • صورة علم Morocco
    صورة علم Morocco
    من مجهول
    تعترف انك مغرور اذن عالج غرورك اولا فالبساطه تحتاج للبساطه والصدق
  • صورة علم Morocco
    صورة علم Morocco
    من مجهول
    البنت لي تحكي عليها مثلي تقريبا في كل شيء بس أقلك شيء أنا مارح احب أرتبط مع واحد مثلك أبدا لأن كل شيء فيك مختلف على لي متعودين عليه، ثانيا إحنا بسيطات في إختياراتنا ثالثا أكثر شيء نكره راجل مغرور والرجل الحقيقي هو لي واجه ويصارح حتى ولو رفضتك فرح تقدر فيك هالميزة بتاع الصراحة ورابعا اتفاقا مع صديقتها خطأ كبير يوم تعرف مارح تسامحكم لهيك لا تطول بالموضوع وكن رجلا
  • صورة علم Turkey
    صورة علم Turkey
    من مجهول
    قالوها سابقا لا كبرياء بالحب لكن حسب سردك للقصة اقلك في نوعيه بنات ما ترضى باشباه الرجال ؟؟!!!
  • صورة علم Turkey
    صورة علم Turkey
    من مجهول
    عمرها كثرة الفلوس و الدلع ما صنعت رجال ؟؟!!!!
  • صورة علم Turkey
    صورة علم Turkey
    من مجهول
    غرور شو يا عمو ,,,, اذا شايف حالك بمصاري الوالد و فهذي قله قيمة و ما بنجر وراك الا عبدة المصاري مثل البنت الي خانت صاحبتها من اجل المال ,,, يا ولدي اكبر و كبر عقلك هذي مش لعبه تشتريها بمصاري الوالد و بعدين شب عمرك بالعشرينات و لسه بتحكي ماما يا رجل لو قدامي لعدالتك مخك و فهمتك كيف الرجال بتتصرف ... يا حبيب ماما
  • صورة علم Turkey
    صورة علم Turkey
    من مجهول
    يا ماخذ القرد على ماله يروح المال و يظل القرد على حاله ,,,, و سلامة فهمك
  • صورة علم Jordan
    صورة علم Jordan
    من مجهول
    لو بتحبها مستحيييييل يكون عندك غرور اتجاها ولما غرورك يصيييير صفر قدام البنت الصح اكيييد رح تكووون حبيتهااا وحبتك والمشاعر متبادله بس لانه في غرور سيبك من الموضوع كله وهاد مو حب ولا عمره هيكمل هالحب الي كله غرور . الحب انه تتنازل للي بتحبها والي انت عمرك بحياتك ما تنازلت الحب تكون صادق اكتر من الناس التانين وتعمل المستحيل قدامها لحتى تثبتلها حبك الحب انه ما توخد رأي حدا ابدا فيها الحب تشوف اغلاط الدنيا فيهاا ومع هيك يكون قلبك مصر على حبهاا الحب بخلي عيونك تحكي قبل لسانك وازا كان غير هيك فانسى هاد مو حب . (( واحسن اشي في حبك انك اختبرتها ههه ))
  • صورة علم Turkey
    صورة علم Turkey
    من مجهول
    مدام بالقصة ماما ,,, اذا الله غضبان عليها بتوخدك انت شفت بنت و ما عبرتك و ما اهتمت فيك و كل ممنوع مرغوب بس و صدقني اذا حكيت معها بعد اسبوع رح تنزل قصتك ما لبت طموحاتي !!!!
  • صورة علم Jordan
    صورة علم Jordan
    من مجهول
    ركز بدراستك واتركك من الاحلام الورديه قترة التخرج والوظيفه احلى ايام عمرك لا تستبق خطوات ااحياه وبعدين تندم انك ضيعت احلى الايام .... لساتك صغير ولاحق على هالشغلات .... كل شي بوقته حلو
  • صورة علم Jordan
    صورة علم Jordan
    من مجهول
    اولا انت ما زلت لم تنتهي من المراهقه يعني مشاعرك الان غير مستقرة .... اخوي كان نفس حالتك وجنن العيلة الا بدو اياها وبعد سنه واحدة طلقها رغم انها كانت معه ٤ سنوات بتخصصه ونفس المواد وما اكتشف شخصيتها الا بالعشرة ...... حب الجامعات والله ما بدوم الحياه الزوجيه مختلفه تمااااما .... بنصحك تركز على دراستك وتتخرج وتتوظف لك كم سنه وبتكون انضج واوعى على تحمل مسؤلية البيت والعيلة و ساعتها بتاخد ست البنات .... زواج الجامعات غالبا ما بدوم انت شكلك متعود عليها فقط تعويد مو حب ولا شي ... لا تستبق الخطوات وتضيع احلى ايام عمرك بالارتباط مرحلة التخرج والوظيفه حلوة كثير عيشها بكل لحظه ولاحق عالزواج والمسؤليات ...
  • صورة علم
    صورة علم
    من مجهول
    ما تضيع حبك من أجل مشاعرك حتى لا تندم طوال عمرك
  • صورة علم
    صورة علم
    من مجهول
    اخطبها الان واجل الزواج لما بعد التخرج
  • صورة علم
    صورة علم
    من مجهول
    اما ان تخطبها او تتركها بحال سبيلها فما تفعله لا يرضي الله
  • صورة علم
    صورة علم
    من مجهول
    اتق الله يا اخي وتوقف عن افعالك الصبيانية فمن يحب لا يقف عقبة بطريق الحبيب
  • صورة علم
    صورة علم
    من مجهول
    اترك غرورك فالزواج قسمة ونصيب لمح لها
  • صورة علم
    صورة علم
    من مجهول
    طالما تحبها وتريدها زوجة لك فلماذا لا تتقدم لأهلها بطريقة مباشرة
  • صورة علم
    صورة علم
    من مجهول
    ما تعقد الموضوع صارحها بكل بساطة وانتظر ردة فعلها

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟