السؤال

قبل 6 شهر (39 اجابه)
39 اجابه

بسبب خياناته مهددين بالطرد من المنزل

بسبب خياناته مهددين بالطرد من المنزل

انامتزوحة من ٨ سنين ومعايا ٣ اطفال ولدين وبنت من ساعة مااتجوزت وانا داءما فى معاناه عانيت قلة فلوس قلة اهتمام لدرجة ان جوزى كان بيقعد بعيد عنى بالشهور من غير مايلمسنى وكتير كنت اكلمه ان كدة حرام عليه ولازم يحس بيا لدرجة انى كنت بديله كلام جامد واقوله انت مريض واشتكيته لامه وقالتلها ابنك مريض لازم يتعالج مع انى والله ماقصرت كنت البس واتمكيج وانتظره وكان يجى يقولى انا تعبان من الشغل المهم استحملت وقلت خلاص هانسىانى متجوزة ومابخليش عيالى عاوزين حاجة ولاهو فى امر البيت وهو طبعا مش مهتم حتى بالتزمات البيت اتفجأت ان محضر جايلى انه ما بيدفعش ايجار الشقة من ٣ سنين تخيلو محامى وعليه قضية كرد وهاترمى انا وعيالى فى الشارع غير نور مابيدفعش من سنه ونصف وعليا لاهلى ديون خمسة الالاف من سنة ٢٠١١ مااتسدتش كان اللى حوليا يقولى مافيش راجل متجوز يقعد كدة بعيد عن مراته اكيد جوزك متجوز او ماشى غلط وفلوس شغله بتروح فين كنت اقول لا جوزى مش كدة واتصدمت صدمة عمرى وانا حامل فى البنت فى شهر ٦ اللى فات نزل يجيب حاجة واخد تليفونه واتصلت عليه لقيته انتظار اكتر من ساعة ولما طلع اتخنات معاه طبعا نكروكان ماسح الرقم ودى كانت اول مرة وابتدى لبسه يتغير هو محامى ولبسه كان بدل وقمصان باليل فى المكتب وبناطيل عادية ابتدى يلبس جينز وبعدين تانى مرة مسكته بردة بيكلم واحدة ومسح الرقم وقالى موكلة عندى رافعه قضية طلاقوعملت مشكله معاه وقلتله كدة فى بينكم حاجة وفجآنى انه يعرفها من سنه بس الموضوع ماتعداش للحرام وانها امراه مش كويسة واخدت تليفونها من على تليفونه وقالى اوعى تكلميها وماتنزليش نفسك لمستواها انت ظفرك برقبتها المهم حلفته على مصحف وقالى خلاص مش هاكلمها تانى دى كانت نزوة وكويس انك فوقتينى وربنا ادانى بنت عشان افوق لانى كنت ساعتها لسة والدة من شهرين وقعد يبوس راسى وايدى وانا مريضة بالضغط وضغطى على ساعتها وجبت دم من انفى وقعد يعيط ويعتذرلى وطبعا صدقته بس فى احساس جوايا بيقولى انه كداب وهايستمر فاخدت رقمها وكلمتها وبهدلتها وطبعا نكرت وجوزهااخد التليفون وقالى انه لقى مكالمات جنس بين مراته وجوزى فسألته تعدى التليفون للحرام رفض يقولى انا فهمت ساعتها وقلت لجوزى طبعا نكر المهم وساعتها اطلقت تانى يوم وقالى انه اداها ورقها وقالها ماشوفش وشك فى المكتب تانى وكنت نايمه جنبه باليل وحلم بيها بالفظ خارحة ولمسات ايدى فطبعا كانت احساس وحش اوى جرحنى وخلانى اتاكدت انه لسة بيكلمها وفعلا سجلتله ولقيته بيكلمها وبيتفق يقابلها وطبعا واجهته ومااقدرش ينكر وانهارت انا وكانت هاتجيلى جلطة وبقى اتعوج ورجلى وقفت وطبعا دى كانت المرة الثالثة اقفشه بيكلمها وبكى كالعادة وحلف انه هايبعد عنها وطبعا قالى بعد ٣ مرة انه خلاص مش هايكلمها وبعد عنها بس انا من جوايا مش قادرة انسى الخيانة خاصة انه اعترف لى انه كان بينام معها فى مكتبه مكان اكل عيشه للاسف نجسه يغنى بقاله سنة بيزنى معاها وانه كان بيخرجها وياكلها فى حين انه كان بيتركنى انا والعيال بدون فلوس ودلؤت انا ضايعة علينا قضية الطرد وديون تعدى العشرين الف وانا من حوايا مش قادرة أصفى وانسى انه لمس غيرى فى حين كنت بنام ايام وليالى بعيط من الوحدة ماانكرش انه اتغير عن الاول بقى قريب منى وحسسنى لاول مرة من ساعة مااتجوزت انى انثىبس انا مش عارفة اصدقه انه هايتعدل خاصة انه اعترف انه بيزنى من زمان وهو فى الجامعة بجد انا محطمة وتعبانة من داخلى الخيانه صعبة اوى وانى هونت عليه انا وعياله وصرف على غيرنا هى وابنها دلونى كل ما ببصله بفتكر كل لمسة ياترى لمسها كدة بحد تعبانة

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

لا أعرف اذا كان زوجك قد توقف عن الخيانه حتى لو كان يقترب منك الآن. المهم أن تستمري معه وتشعريه بالثقة والأهم أن يحل موضوع الديون والصرف على المنزل. المهم الآن الأولاد ومصلحتهم، تقبلي زوجك واشعريه بالمسؤولية تجاه الأولاد والمنزل واشعريه بأهميته ورجولته وحاجتكم له.

من المؤكد ان الخيانه صعبه جدا خصوصا ان انها تكررت. مع كل مرة سامحتيه كان يكرر فعلته. انني اشعر معك ومع حيرتك في تصديقه. مسامحته ومتابعة حياتك بشكل طبيعي تحتاج الى قرار لمسامحته ووقت وصبر بما انك صبرتي كل هذه الفترة والآن بدأ زوجك في التغيير أعطه فرصة اخيرة. تحدثي الى زوجك واتفقي معه على طريقة حياة جديدة بينكما. اما بالنسبة للديون اطلبي منه الوضوح والصراحة في وضع خطة لتسديد هذه الديون . ريما ما حدث سيساعدك على تغيير حياتك نحو الافضل.

قبل 6 شهر

بسم الله والصلاة والسلام على رسول الله أختي الفاضلة.. جزاك الله خيري الدنيا والآخره على صبرك ومعاناتك. أختي، بما انه كما ذكرت في رسالتك قد تغير في الفترة الأخيرة وبعد المرة الثالثة، إذن يجب ان لا نتسرع، فاليأخذ فرصته كاملة، وانت قد شعرتي بهذا التغير أليس من الممكن أن يكون صادقاً؟ إن شاء الله يكون كذلك وقد إلتزم وترك ما كان يفعله. أما أن رجع لما هو فيه فما عليك فعله إلا ان تخبريه بأنك ستطلبين الطلاق، وسوف تخبرين اهلك سبب الطلاق وكذلك اهله حتى يشعر انك اكثر جدية. وأما بالنسبة لموضوع إيجار الشقة فهذه مشكلته وهو كمحامي عليه ان يتصرف في الموضوع. أكرر يجب ان تعطيه الفرصة كاملة الآن ونأمل أن يبقى على الطريق الصحيح. وفقكم الله

6 شهر

اللى فيه طبع مبيغيروش وهي فضل كده معاها او مع غيرها


1 شهر

كل ده وما اديته الفرصه كامله؟ عايزنها تموت من القهر وولادها يضيعوا حسبي الله ونعم الوكيل في البني آدمين


1 شهر

ديل الكلب عمره مايتعدل الراجل ده عنده نقص


المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه