السؤال

قبل 2 شهر (4 اجابه)
4 اجابه

كل مشاكلي ستحل لو رحل عن حياتي

تفاصيل الموضوع انا مريضه نفسيه عندي اضطراب وجداني معرفش عنه كتير بدأمرضي من سن 15اخدت جلسات كهربه وخدت جلسات تعديل سلوكي كتير واتحجزت ف المستشفي اكتر من مره ماما مطلقه وبتشتغل علشان تصرف عليناماما لامثيل لها ف الطيبه والحنان ربنا عوضني بيها بابا مدير مدرسه عالمعاش ومعاه فلوس بس مبيصرفش عليا ولا مليم عندي اخين ولاد بس للاسف يحملوا المسمي الذكوري فقط لاغير لااعرف عنهم شئ لكن اوقات بيكلموا ماما علشان يضحكوا عليها وياخدوا منها فلوس باخد ادويه كتير عندي 21سنه بدرس ف اخرسنه ف الكليه بتجيلي تخيلات بعيش فيها بتفصلني عن الواقع لكن مدركه لااللي حوليا وبفهم كل حاجه الحمدلله زي اي حد طبيعي ملتزمه ف الصلاه والقران والاذكار عندي مشاكل كتير بس مشكلتي اللي بحس انها لو اتحلت هتبقي كل حاجه كويسه مع الحب حبيت حد كبير عني بحوالي 15سنه شفته ف كورس تنميه بشريه كان وسيم ومحترم حاولت اتقرب منه بس لاني متسرعه وتصرفاتي طفوليه مش ناضجه كان بيتخنق مني وبعدني عنه تماما انتكست وتعبت وبعد فتره عرفت انه اتجوز مثلت ان مش فارقه وحاولت انساه وانا عالفيس كان ف بوستات مخصصه واعلانات مموله ومنشورات مقترحه كان فيها شعر روايات اهتمامات اغلبها عن التخسيس وانا بعاني شويه من المشكله كنت بحس ان حد بيبعتهالي وكنت شاكه ان يكون هو ومن غير مااحس اتعلقت بده جدا بعد سنه من جوازه رجعتله تاني اتاسفتله وقالي هنتواصل معع بعض وكلمني وكان حنين وقالي ان حد جميل والحاجات لسسه بتتبعتلي وبعتله اضافه عالفيس وقبلها واتفقنا نتقابل بعد 10ايام لما ييجي من الشغل لانه بيسافر كتير بس جوايا حاسه انه رايح يتفسح شفت الناس بتباركله علي عيد جوازهم انا عمري ف حياتي ما هقبل بعلاقه حرام او حتي اني اخطط او اتمني اني اخطفه من مراته واكسر قلبها عشان يجيلي لا والله بس بحبه اوي ونفسي يبقي جنبي اناتعبت من النصايح ماما وصديقه لي وزميل له ف العمل كانوا عارفين بعلاقتي معاه ف البدايه لكن لا يعلموا اني رجعت اتواصل معاه تاني بس انا رجعت بامل انه يكون فعلا هو اللي بيبعتلي الحاجات عالفيس ومش عايز يقول وهيقولي ف الوقت ألمناسب انا بحبه اوي وجربت كل حاجه بس مش قادره وتعبت من كل حاجه ومش عارفه اعمل ايه وعلي فكره مراته جميله وشكلها محترم وتحبه ونسب يشرف متين مش مثلي لو كان تعلق بي لاغرق نفسه بالمشاكل نفسي الاقي الحل عندكم وشكرا

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

عزيزتي، تأثرت عند قراءة رسالتك. من كلامك شعرت بطيبتك ورقتك. تقولين انك لا ترضين بالحرام ولا تريدين اخذه من زوجته. انا اصدقك لكن افعالك وتواصلك معه يدل على غير ذلك. ربما كان هو من يبعث لك هذه المشورات وقد لا يكون هو، ما الفرق، في كلتا الحالتين النهاية معروفة وانت اكثر من سيخسر. تعلقك به وهو اكبر منك ب15 سنة ما هو الا تعويض لشعورك بغياب والدك وهذا طبيعي. حاولي ان تتقربي من والدك، لا تيأسي، تقربي منه وحركي فيه مشاعر الابوة، طلاقه من والدتك لا يعني انقطاع علاقته به. اذهبي اليه فربما يحن ويتغير وهذا وارد جدا. اعملي بنصيحة والدتك وابتعدي عن هذا الشاب المتزوج فلن ياتيك من وراءه الا المشاكل.

قبل 2 شهر

بنتي الرائعة هذا ليس حبا أنه فقط تجربة واضرابك يقويها الحب الحبيب لا يتنازل عنك ابدا مهما كانت ظروفك اتركيه وراءك وتحرري من هذا القيد وتنفسي الحياة ايتها الرومانسية . وسيأتي الحب بعبيرة كوني بخير

قبل 2 شهر

هذا اكبر غلط انك قاعده تمشين بعلاقه انتي عارفه نهايتها!! اقطعي علاقتك فيه وانتبهي لحياتك ولو هو جاد معك كان من البدايه التفت لك وتواصل معك مو الحين بعد ماتزوج رجع بتواصل معك. خليكي فاهمه وعاقله

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه