صورة علم Egypt
من مجهول
منذ 3 شهور 11 إجابات
0 0 0 0

أهلي يرفضوا رجوعي لزوجي الخائن وأنا خائفة أن أظلم طفلتي

انا مشكلتى طويله انا اتجوزت من اربع سنين وجوزى مشكلته أنه كل حاجه بياخد رأى اهله فيها وامه بيتتدخل ف كل حاجه ف حياتى ف بيتى وبنتى وكتير اشتكيت لجوزى يقولى امى هعملها ايه ومينفعش ازعلها وكل شويا يقولى انتى عايشه في خير اهلى عشان هو مكنش بيشتغل واهله اللى بيصرفوا علينا من غير دخول ف تفاصيل استحملت إهانات من امه وتريقه ومنه شخصيا واخر حاجه اكتشف أنه بيخونى ويقولى نزوة هى لقيت محادثه بينه وبين زميلة ليه ف الشغل طبعا واجهته أنكر الاول وبعدين يقولى نزوة وغلطت انا سييت البيت وروحت عند اهلى وهو فضل عشر ايام ميسالش فينا انا وبنته ولا اهله وجيه من كام يوم يسأل وعاوز يجى يصالحنى ويرجعنى طبعا انا مش هرجع معاه ولا هرجع ف بيت اتضربت فيه هو بيت عيله وهو ميعرفش انى حكيت لاهلى كل حاجه من إهانات امه وهو فاكر أنه هيصالحنى عشان خانى بس انا مكنتش عاوزه حياتى تتخرب بسبب امه وأنها تكون على كلامها بتقولى يانا يانتى ونشوف مين اللى هيكسب خريت حياتى وهو مش عاوز يزعلها فاكر أن كده البر والطاعه ليها اهلى قالولى مفيش رجوع ليه تانى إلا بشرط أنه يجبلك شقه جمبنا غير كده مفيش رجوع انا خايفه اكون ظلمت بنتى انها تتحرم تتربى بين ابوها وامها مش عارفه اعمل ايه واهلى بيقولولى لو رجعتى هتتمرمطى وتتهانى وهيخدوا منك البنت واحنا مش هندخلك بيت تانى