صورة علم Saudi Arabia
من مجهول
منذ شهران 14 إجابات
0 0 0 0

يخونني من أول يوم زواج ويرفض أن يستقيم

انا بنت عمري ١٨ سنه تزوجت قبل ١٠ اشهر رجل يبلغ ٤٠سنه وللآن احس مافي توافق بيننا وهو مضايقني بحركاته يراسل بنات وحريم متزوجات .وحذفهم وحظرهم لاني زعلت بس بعدين بالصدفه قاعد ع جواله لقيته يراسلهم وحلف انه بيحذفهم ولما اسأله يقول انتي عبالك كذا بتحافظين علي لما تحاصريني وتفرضين رأيك عشان احذفهم.. احسه يستغل طيبتي بكل مرة وهو كان يعرف وحده من زمان وبينهم لقاءات وعرفته على اختها زوجها تركتها وقام زوجي يصرف على اختها وعيالها على اساس انه البطل.واحتها معها بنت معلقه من قبل زوجها.قام زوجي وخلعها وخطبها وانا لسى لي ٦ اشهر معه وقال بيتزوجها بعد سنتين ولما كثرت طلعاته اكتشفت موضوع الخطوبة وقومت الدنيا رجع فسخها بعدين قال انا ما ابغا الحرام ومدري ايش. انا كرهته انه كيف لسى لي ٦ أشهر ويفكر يتزوج علي مع اني اصغر منخ واصغر من البنت .فوق انه يكلم حريم متزوجات وبنات تحملته وما خبرت احد ابدا بذا الموضوع حتى اقرب الناس لي نقول له طلقني يرفض انا لسى ولدت قبل ٥٠يوم وجبت ولد وهو باقي يراسل البنت واهلها ويصرف عليهم واحسه يبغاها .قلت له انا موافقه انك تتزوجها هو قال فسخت بس ابغاها قمت اتصلت ب امها وقلت لها زوجي يبغى بنتك وانا موافقه وهم فرحوا .بنتها عمرها ٢٥سنه..انا سويت هذي التمثيليه عشان يتزوج واروح اقول لاهلي انه تزوج علي وما ابغاه وهم بيخلعوني منه... بس مرة كنت معه وقال لي كلام غزل انا حسيت وقتها اني احبه كثير وقلت له لا تتزوج وقلت له بموضوع الثمتيليه وهو قال لاتحلمين اطلقك واصلا كنت شايلها من بالي وانتي وافقتي والحين ايش قلبك علي. وقلت له مو انا اللي زوجها يتزوج عليها ابتسم لي وقال اصلا مابتزوجها الا لانهم فقراء ومدري ايش ..بعدين قال انه بطل يبغاها بس هو يكذب يراسل امها ويراسلها صوت وواتساب ويعرف اخوانها ويتقرب منهم كيف بتصرف معاه والله ثم والاه حصلت شعرات بيضاء براسي كيف اتصرف معاه من اول ليلة من زواجنا لقيته يكلم حرمة متزوجه وبعدها لقيت خاله البنت اللي خطبها وكان يقول لها مشتاق لبوستك وحضنك وانه مانسي مقابلتهم اللي كانت بجدة .تقريبا لو عددت الحريم اللي يكلهم والله يتجاوزون العشرة كيف اتصرف معاه شوروا علي مع العلم اني هذي السنه المفروض اسجل في الجامعه بس كنت اراسله طول وقتي لما كنت لين جبت نسبه ٨٤ بثالث ثانوي وما قدرت ندخل التخصص اللي ابغاه بسببه قررت اعيد السنه عشان احقق النسبه انصحوني كيف اتعامل معه هل بيغيروبيترك الحريم وسوالفهم. كيف اتصرف احسني ضايعه معه واخاف عمري يضيع وهو باقي ع حالته هذي هو ماتزوج قبلي وقبل ٤ اشهر دخل ب٤١سنه