هل أمي بخيلة بسبب هذه التصرفات؟

مرحبا .. انا بعيش مع والدتي .. وفي اشي بضايقني بهالموضوع ..هي الحمدلله ام حنونة وبتحبني كتير وانا بحبها وكل شي فيها تمام وبجنن الا شغلة وحدة بحسها بتعز عني كتير مو قلة حب منها بس هي حريصة كتير عالمصاري.. يعني بقلها بدي مصاري اشتري اواعي بتحسسني اني ابصر شو طالبة .. اني مثلا انزل اتغدى مع صاحباتي هاد كل شهرين تلات مرة لانو تكاليف عالفاضي مع انه انا اكتر اشي بصرفه بالطشات 4او5 دنانير يعني مو كتير بتسسير تحكيلي يا حبيبي اربعة والله مو طالبة اشي .. وهيك كلشي بتضل تضب تضب وانا ما بحكي اشي بقول مهي اللي بتصرف علي وبدها تخبي لجامعتي ومشان مصلحتي بس اخر اشي صارو صاحباتي لما يجيبولي هدية او اشي بمناسبة او بدون مناسبة تحكيلي لو اعطوكي ناشف احسن والله خسارة يدفعو هالقد ع هيك اشي .. كتير بدايقني الموضوع ..بشوف كتير ناس من قرايبنا وصاحباتي وضعهم اسوء من وضعنا بالف مرة بس ما ببخلو ع حالهم وبطلعو وبشترو وبيلبسو ومبسوطين مو همهم من وين بدنا نوفر وشو اللي فش داعي نشتري ما بخلو اشي بنفسهم خصوصي بعض الاشياء اللي مو دايما احنا بنجيبها وبنضيع مصارينا عليها .. يعني في اشياء بتكون مرة بهالحياة من نفس الواحد .. شو اعمل ؟