أنا وزوجي فكرنا بالإنتحار بسبب الديون

السلام عليكم انا متزوجه من فتره طويله وعندي ثلاثة اولاد اكبرهم خاطب والثاني بكالوريوس تجاره والثلث ثانويه عامه كانت حياتنا مستقره وكنا نعيش حياه كلها حب وود ومرح لكن دوام الحال من المحال ابني الكبير كان بيشتغل في بنك لكن ولاد الحلال شكوا فيه وقالوا انه جايب واسطه علشان يشتغل ولما ادارة البنك ما حابتش كتر الشكاوي علشان ما يأثر علي سمعة البنك لكن والله العظيم لم يكن فيه وسطه انما اتعين بمجهوده وعلشان ماعندوش وسطه طلع من البنك بالرغم من ان تقاريره كانت ممتازه لكن كل شئ نصيب وقبل ما يسيب البنك خطب واحده كان بيحبها وهي من عيله كبيره واعتمد في جوازوا ان دخلوا من البك كبير الان هو بيشتغل في شركه محاسب ومرتبه كويس لكن ما يقدر يجهز نفسه به واحنا واقعين في مشكله علشان كنت بعمل جمعيات وباظت واصبح عليا مبلغ كبير ولازم اسدده لجأت لاخوتي لكن ما حد منهم فائض منه حاجه انا لي ورث عند اخويا عباره عن شقه كبيره عيش فيها هو وولاده ومش معاه فلوس يديها انا مش عارفه اعمل ايه الناس مش ساكته وعايزين فلوسهم وعلي فكره انا عامله قرض انا وجوزي علي المرتب يعني ما لهاش حل لدرجة اني انا وجوزي فكرنا في الانتحار بالله عليكم حلوها وردوا عليا بسرعه من فضلكم