أشعر بالذنب تجاه صديقتي لأني قررت أن أبتعد عنها بدون سبب

Question

أعاني من الشعور بالذنب الدائم بسبب واحده كانت صاحبتي جدا عرفتها من 2 اعدادي بقينا صحاب اوي من 3 اعدادي لحد 2 ث احنا حرفيا كنا اخوات انا كنت بحكيلها كل حاجه في حياتي بالتفصيل الممل وهي نفس الكلام حقيقي كنت شايفه انها كفايه عليا في الدنيا وانها نعمه من ربنا غيرت في شخصيتي حاجات كتير اوي للاحسن لاني كنت حرفيا شخصيتي ضعيفه جدا فكانت بالنسبالي كده زي كأنها قدوه لحد اما جت3 ث والدروس فرقتنا ومكانتش دي مشكلتي انا للاسف مبعرفش اعاتب وبشيل جوايا وبس فكانت هي تعاتبني مثلا علي معاملتي الحلوه بزياده لصحابنا وارجع اقولها انها هي الاساس وكنت بشوفها بعنيا بتعاملهم بردو بطريقه حلوه جدا بس مكنتش بعاتب ويوم ما قررت اعاتب طلعتني غلطانه معرفش ازاي واتأسفت انا وعدت السنه علي خير وكل واحد راح في كليه لحاله بس كنا لسه بنحب بعض وكنت بحكيلها علي صحابي الجداد في الكليه عادي زي كأني بحكي لاختي بالظبط علي اساس هي عارفه هي ايه بالنسبالي لقيتها بدأت تتعارك معايا علشان فلانه عملتلي منشن علي بوست علي الفيس وتسألني انتي بتحبي فلانه بجد ويومين تانين احكيلها علي واحده تانيه تتعارك معايا بردو عليها ومش فاهمه في ايه بجد لحد اما بجد جبت اخري من اللوم والعتاب فضريت اكذب واخترع حكايات محصلتش مثلا لما تسألني عليهم في سبيل اني محكيلهاش حاجه تتعارك معايا عليها وواحده واحده بدأت اقلل كلام معاها لان كلامها ليا بقي كلو عباره عن ان انا غلطانه واتأسف ولقيت بعد كده انها بتستنالي الغلطه عشان تلومني واتأسف وبجد الوضع بقي بالنسبالي صعب جدا نفسيا مبقتش قادره استحمل فبدأت انسحب واحده واحده وهي خدت بالها وفي مره كنا خارجين وقصدت اني اخد مامتي واختي معايا عشان حقيقي كنت خايفه اقابلها لوحدي من كم الأسئله الي هتسألهالي كأني متهمه وهحاول ادافع عن نفسي ويومها قولتلها اني جايبه مامتي واختي معايا عشان بخاف منها علي فكره مامتي واختي عرفينها من ايام اعدادي وبيحبوا بعض ومحبتش احكي اي حاجه لمامتي واختي عشان بيحبوها فمكنتش عيزاهم يكرهوها المهم انها يومها قبل ماهم يجولنا كنا احنا نزلنا وقولتلها انهم جاين عشان خايفه اقعد معاها لوحدي قامت اتفتحت في العياط وقالتلي انا مكنتش اعرف ان علاقتنا ممكن توصل لكده وانا حزينه علي علاقتنا وعلاقتنا عمرها ما هترجع تاني زي الاول وانا هعرفك قيمتي وفضلت تعيط وانا ساكته تماما وبتفرج لحد اما مامتي واختي جم وصالحتها وبوست دماغها وقالتلي هو انا امك بس ماعلينا واليوم عدي وبعدها بفتره رزعتها جمله انها معيشاني في سجن وطول الوقت محسساني اني متهمه وبتستجوبها والبت اتصدمت تاني ياعيني وبعدها اشتريت هديه وروحتلها لحد بيتها وصالحتها وبعد كده فبقت بتخلي بالها من كلامها معايا وبعدين واحده واحده هي مبقتش مرتاحه في الكلام معايا ولا انا مرتاحه في الكلام معاها فبعدنا عن بعض حبه محترمين كده وده بعد اما اتعاتبنا علي الواتس وكل واحده فينا بقت شايفه انها كانت هي الوحشه وانا اقولها هي غلطتي اني مكنتش بعاتبك واني كنت بسكت وهي تقولي لا انا الي كنت بضغط عليكي وبتاع وكل واحده فينا قررت تبقي منعزله عن العالم قعدنا حبه حلوين بعاد وكانو اسود فترات حياتي حرفيا وفي النفس الوقت كنت مرتاحه من لومها وعتابها وشخصيتي اتغيرت جامد اوي اوي الفتره دي انا فعلا مبقتش حابه اتكلم مع حد ولا اسمع حاجه عن حد وبقيت عصبيه جدا وفي نفس الوقت حسيت انها ملهاش ذنب اني اقرر اني انهي العلاقه كده بمزاجي واوجعها بعد اما كانت بتحبني لاني عملت اكونت فيس جديد ومبعتلهاش وجبت رقم تليفون جديد ومقولنلهاش وكان قبلها من فتره كنت عملت انستجرام جديد ومقولناهاش وكانت سألتني ده اكونتك قولتلها لا فلما اكتشفت كل ده هي مقالتليش بس انا بعدها بفتره كلمتها من النمره الجديده علي الواتس ودخلت اهزر معاها من ما اقولها انا مين لحد اما قولتلها انا مين ولقيتها متساهله معايا وقررنا معاد نتقابل فيه واتقابلنا واتكلمنا عادي واتعاتبنا وقالتلي انتي خزلتيني وصدمتيني في الناس وكل واحد عرف انه كان غلطان في حاجه بس ومن يومها بنتكلم زي الاغراب بالظبط الي هو اخرنا مع بعض ازيك عامله ايه اخبارك ايه يارب دايما ولا هي بتحكيلي حاجه ولا انا بحكيلها حاجه ومن يومها وانا حاسه بالذنب من نحيتها وشايفه اني ظلمتها لمجرد اني قررت ابعد عنها بمزاجي عشان كانت بتلومني وتعاتبني كتير بس بجد انا ايامها كنت لازم قبل اما اكلمها اعيط واقعد ارتب هقولها ايه لو سألتني كذا وكانت حاجه حرفيا مرهقه نفسيا ليا ومش عارفه دلوقتي اتحرك برا دماغي وطول الوقت شايفه اني مستحقش اصاحب اي حد لاني هخزله وصحاب الكليه الجداد حقيقي بنات محترمه جدا وبحبهم جدا وبحاول ابعد عنهم ومش عايز اقرب من حد منهم عشان مسمعش من حد تاني اي نوع من انواع اللوم والعتاب وبقيت قافله علي نفسي ومش عارفه انا كده صح ولا غلط ولا اعمل ايه في الاحساس بالذنب من ناحيتها ده

الدكتورة سناء مصطفى عبده · Accepted Answer

اهلا بك يا ابنتي واعتقد انك تهدرين وقتك وجهدك في امر لاحترامي لك لا قيمة له فهي ليست امك تخافين من غضبها لا سمح الله ولا اختك تقلقين من قطيعتها هي علاقة متغيرة كانت في مرحلة معينة والان مر الوقت وكبرت وعرفت ان هذه العلاقة متعبة وتسبب لك القلق والتوتر اكثر من الراحة ولهذا من رايي قطع هذه العلاقة هو افضل حل لان الصداقة لا تقوم على السيطرة ولا العتاب ولا القلق ولا التوتر لانه تهدر وقتك وطاقتك وجهدك انت فتاة ممتازة يجب ان تفرقي بين العلاقات الثابتة والعلاقات المتغيرة   والحقيقة ان امر الصداقة عندك يحتاج للكثير من الامور التوضيحية وخاصة قضية الرؤية للصداقة فانت ترين ان الصديقة اخت واهل وتسالين وتهتمين وتعتبرين انها مثل فرد في العائلة ولكن ربما منظور صديقاتك  لهذه الصداقة يختلف وتعتبر هذه الصداقة علاقة مثل باقي العلاقات وليست بالأمر الكبير ولهذا دوما ما انبه الى ان تعرفي منظورها لهذه العلاقة ولا تفترضي انها ترى علاقتكما كما ترينها انت اريد منك ان تراعي ان هذه معرفة وعلاقة متغيرة وليست اصول ثابتة مثل الام والاخت لذا لا تعتبي وكوني هادئة واعط كل علاقة حجمها كما يجب علمتني الحياة ان نقدم ما يطلبه الاخر للتقديم وليس ما نريد نحن ففي كثير من الاحيان نقدم الكثير ونتفانى في التقديم بينما الطرف الاخر لا يرى داعي لهذا التقديم او لا لزوم له ركزي في امورك وحياتك واعلم ان احق الناس بصحبتك هي امك واهلك واخواتك فهؤلاء ثوابت رغم احترامي لأهمية الصداقة وقيمتها لا تفكري كثيرا بالموضوع ولا تعطيه حجم اكبر من حجمه وحاولي كما قلت الحديث العابر مع لابنات حولك وحتى لا تعطي اي واحدة اخبارك واسرارك تصرفي بذكاء وافتحي عينيك على ب عد جديد وستعرفين منظور صديقاتك لهذه العلاقة وبناء عليه تقدمي وربي يوفقك

من مجهول · Answer

من الطبيعي ان تحدث تلك الحاله من التفرق خاصه عند نهايه المىحله الثانويه وبدايه الجامعه وذلك يكون بسبب اختلاف الدراسه والفكر ايضا ولكل شخص اصبح له حياه لذلك يا ابنتى علبكي ان لا تحزنى فان الحياه تحتاج منكى فقط الى ان تكونى قويه لان تلك المره لن تكون الاخير فى انهاء علاقه صداقه بل انه امر طبيعي

من مجهول · Answer

ان من حقك يا عزيزتى ان تشعرى بتلك الحاله من الغضب بسبب العتاب الشديد فان العتاب يقلل الحب لانه ليس من الممكن ان تكون العلاقه سليمه وبها كل تلك المشاكل لذلك فانتى عليكي ان تحاولى ان لا تفكرى فى اى شئ الا فى مستقبلك لذلك عليكي ان تحاولى ان تكونى انسانه هادئه وان تكونى صداقات ولكن مع اشخاص يشبهوكى

من مجهول · Answer

الحياه صعبه يا ابنتى ولكل شخص حقه فى ان يكون فى علاقه صداقه مع من يريد ولكن من الواضح يا عزيزتى انكى لا تحبين تلك الحاله لذلك عليكي ان تعرفى ان الصداقه ليست حب فقط بل انها ايضا توافق فى الصفات والشخصيات لذلك من الواضح ان شخصياك مختلفه عن شخصيه صديقتك لذلك فلم يحدث اى وفاق بينكما

من مجهول · Answer

ان ما قد اقدمتى عليه يا ابنتى هو تصرف جيد لانه فى النهايه ليس من الطبيعي ان تقومى بالتفكير بتلك الطريقه لانه فى النهايه الحياه مازالت انامكى لا تحتاج منكى الا ان تكونى اتسانه قويه وان لا تهتمى باى شئ حتى وان انزعجت منكى فى النهايه تلك قرارتك وانتى لا تريدين اكمال تلك العلاقه

من مجهول · Answer

من الواجب عليكي يا اختى الغاليه ان تجاولى ان تكونى هادئه ان الصداقه التى تطون مبنبه على العتاب واللوم ليست الا عذاب لذلك عليكي ان لا تفكرى بتلك الطريقه وان لا تدخلى نفسك فى علاقه بتلك الطريقه ان تلك العلاقات تدمر الانسان وهذا افضل قرار اتخذتيه وهو البعد فى النهايه تلك حياتك ومن حقك التصرف كما تريدين

من مجهول · Answer

مهما كانت الاسباب التي تجعلك تبقي عل العلاقة بينكم هو أن علاقتكم استمرت فترة طويلة و الاخطاء التي حجثت في العلاتقة تحدث غالبا لأن كل طرف فيكم كما ذكرت كان يرى أنه مفضل عل الاخر و أفضل منه لذا بما أن الصراحة الان أصبحت  أكثر وضوح عودي للعلاقة بها و أحبيها و لكن حافظي عل استقلالك و شخصيتك و تعلمي كيف تسامحي و تغفري و متى يكون وقته المناسب

من مجهول · Answer

يا عزيزتي دائما هناك اختلاف بين النسا و من الطبيعي أن تجدي دائما اختلاف بينك و بين من تصادقيه من الأفضل لك أن تتعلمي مما حجث أن الصداقة علاقة ليست تملك  ولا هي علاقة لأجل أن تربطوا بعضكم ببعض لنهاية العمر يا أختي الكريمة عليك أن تكوني أكثر حكمة في التعامل مع الاخرين و لا تنصهري في العلاقة ووازني بين الأخذ و العطاء

من مجهول · Answer

لست مضطرة بأن تكوني بعيدة عنها من الممكن أن تبقى العلاقة بينكم طيبة و لكن رسمية بحيث لا تكوني مضطرة دائما لأن تبرري لها أي تصرف أو تسمعي لعتابها تذكروا سويا الأيام الطيبة بينكم و لا تنسي فضل العشرة التي كانت تجمعكم ابقي على شعرة معاوية بينكم و الأفضل أن تتعلمي من أي تجربة صداقة تمري بها الدرس المستفاد و لا تندمي عل أي علاقة تصادفيها

من مجهول · Answer

المهم يا عزيزتي أن تختاري العلاقة أو الطريق الذي يريحك أنت و تكوني تسيري بكل ثقة العلاقات لم تخلق الا لاسعادنا ومن ثم أي علاقة بينك و بين أي أحد اخر لابد و أن تبنى على الثقة و الصدق و كثرة العتاب تفسد أي علاقة لابد من تقبل الطرف الاخر وعدم محاسبته على كثرة أخطائه تعلمي من تجربتك السابقة أن تستوعبي و تحبي من تصادقيه بجون السعي لتغييره

من مجهول · Answer

أنت صحيحة ان قررت أن تكون هذه الفترة محدودة و أيضا من الممكن أن تجعلك تختبري شخصية كل من يقترب منك عن بعد من الأفضل أن تتعلمي فقط من هذه الصفة ما يمكن أن يجعلك خبرة في العلاقات مع الاخرين لكن أن تجهلي هذا هو أسلوب الصداقة في حجياتم فهذا خطأ تان العلاقات تلتي نكونها في فترة المراهقة و الطفولة هي علاقات تحدث فيها الكثير من الاخطاء فربنا تنتهي بسبب الملل و كثرة الاخطاء عليك أن تحاولي أن لا تقطعي أي علاقة مع أي أحد و حافظي عل حدود الاحترام و الأخلاق في التعامل و لا تكوني أي علاقة قوية الا من بعد أن تتأكدي من شخصية من تتعاملي معه و تثقي به

أشعر بالذنب تجاه صديقتي لأني قررت أن أبتعد عنها بدون سبب

شارك في الاجابة على السؤال

شارك في الاجابة على السؤال

احدث الوصفات

طريقة عمل مهلبية الجيلي

طريقة عمل كاسات تشيز كيك

طريقة عمل كاسات اللوتس

طريقة عمل عصير فيمتو

طريقة عمل الموهيتو الصيفي

طريقة عمل عصير المالديف الأزرق

مقالات ذات صلة

كيف أتأكد من صدق مشاعري تجاه شخص ما؟

مفهوم الندم وعلاج الشعور بالندم

تفسير رؤية خلع الحجاب في المنام وحلم كشف الشعر

تفسير حلم الحمل للعزباء ورؤية الحمل بدون زواج

هل كره الأم مرض نفسي وهل يمكن كره الأم بدون سبب!

لماذا لا أشعر بالمتعة مع زوجي في العلاقة الحميمة؟

فيديوهات ذات صلة

أسئلة ذات صلة

مقالات ذات صلة

احدث مقالات الصداقة

احدث الوصفات

طريقة عمل حلى كرات الشعيرية السهل والسريع

طريقة عمل كيكة الجيلي الباردة

طريقة عمل حلويات سهلة بدون فرن وبثلاث مكونات

طريقة عمل آيس كريم بدون سكر

احدث اسئلة الصداقة

اسئلة من بلدك

احجز استشارة اونلاين

شارك في اخر الاختبارات

اختبار التعاطف: إلى أي درجة أن متعاطف مع الآخرين؟

اختبار الدفاع عن الحقوق: هل ستقاتل من أجل حقوقك؟