مترددة و كئيبة و ليس لدي اصدقاء

add_commentأضف إجابتك

thumb_downلم يعجبني0

انا مش عارفه اعمل ايه بس مفيش اى حد ممكن اتكلم معاه واحكيله اللى جوايا ويساعدنى انادايما مكتئبه ولوحدى دايما وعلطول حاسه انى عايزه اعيط بجد مخنوقه اوووى من زمان من ايام ابتدائى وانا لوحدى ماليش اصحاب مش بتكلم كتير كنت هادية جدا اى حد يشوفنى بسم الله ماشاء الله ايه الهدوء والادب ده ولحد دلوقت وانا كده بس مافيش حد عارف اللى جوايا نفسى اقولهم صدقونى انا مش نفسى ابقا كده دايما طول الوقت ساكته وهاديه وحزينه انا نفسى ماكونش كده نفسى اضحك من قلبى واهزر واتكلم مع الناس ويحبونى واكون اجتماعيه مش بعرف اخد اى قرار ف حياتى دايما متردده ومش عارفه فى كل حاجه لبس مش بعرف اختار لنفسى لازم ماما اللى تخترلى لو حاجه حصلت معايا مش ببقا عارفه المفروض اضحك ولا عادى ولا ازعل ولا اعمل ايه ايه مفروض يكون تصرفى لو دخلت سوبر ماركت اشترى حاجه مش ببقا عارفه طب اخد شيبسى ولا بسكوت بالطعم ده ولا ده اما كنت صغيرة وكانو يسألونى عايزه تدخلى ايه كنت افتكر ان بنت عمتى قالتلى ان نفسها ادخل صيدله واخد كلامها واقوله لو قابلت شخصيه معينه ولقيت ناس كتير بيحبوها براقبها واشوفها بتعمل ايه وتقول ايه واما اكون مع ناس تانيه احاول اعمل زيها بحاول ابين انى شخصيه قويه ونفسى اكون كده بس للاسف مش بعرف ولا بعرف اعمل اى حاجه اما دخلت ثانوى كنت بقول لنفسى ياترى انا عايزه ابقا ايه ادخل علمى ولا ادبى مش عارفه لحد مابقيت ف 2 ث ودخلت علمى ورجعت حولت ادبى ورجعت علمى ياترى انا عايزه ادخل كليه ايه مش عارفه ايه المواد اللى بحبها برده مش عارفه بالنسبالى الحاجه لو فاهماها خلاص مش هتفرق مره بنت عمى قالتلى نفسك تعملى ايه لما تخلصى كليه قولتها مش عارفه بس هيا كان نفسها تسافر وانا حبيت فكرتها بس مش عارفه برده انا دلوقت عندى 19 سنه وف 3 ث وعلمى ماما وبابا نفسهم انى ادخل يا طب يا صيدله يا هندسه كليات القمه عموما عشان نفسهم ابقا حاجه كويسه وعشان كمان العيله معظمها كده دايما يقولو انهم وهما قاعدين مع اصحابهم بيبقو مكسوفين كل واحد يقول انا عيالى كذا وكذا وهما ساكتين انا الكبيره ونفسهم ادخل حاجه كويسه لكن انا بالنسبالى مش عارفه حاسه الموضوع مش فارق اووى عايزه بس احققلهم اللى نفسهم فيه لكن انا نفسى ف ايه اساسا مش عارفه طب ياترى لو جبت مجموع كويس ادخل ايه طب ولا صيدله ولا هندسه ولا ايه ايه ميولى ايه المواد اللى بحبها مش عارفه بجد تعبت من كتر التفكير طب قريت ان كل واحد عنده موهبه طب انا ياترى عندى موهبه برده مش عارفه نفسى اعرف موهبتى نفسى اعرف نفسى اوقات بتخيل نفسى ممكن اعمل حجات كتيير اوووى واوقات تانيه بحس انى فاشله ومش هعرف اعمل حاجه اما بيتعبنى التفكير ف حجات كتير بجيب حجات حلوه واقعد اتفرج ع التلفزيون او النت اسمع مسلسلات هندى واعيش ف عالم الخيال بتاعى او اى حاجه تضحكنى ودى قمة السعاده عندى بس للاسف بتكون مؤقته مجرد ساعات او النوم اللى بهرب بيه من التفكير وبرده بيكون مؤقت ساعات بفكر هوا ياترى لو مثلا اتقدملى حد هعرف اختار ازاى اكيد ماما وبابا هيختارولى بس انا اللى رسماه ف خيالى لفارس احلامى زى مابيقولو هينتهى ويتمثل ف اختيار اهلى عشان كده بخاف كتير انى احب مش خوف اووى بس خوف مش عارفه دايما بيقتلنى لو اى حد قالى كلام كويس عاملنى كويس من مجرد كلام فجاه الاقينى بحبه يمكن عشان مش لاقيه الحب ده موجود اووى ف حياتى ولا حاساه من الناس اللى حواليا بثق بسرعه ف ناس كتير وده وقعنى ف مشاكل فترة الثانوى دى اصحاب كتييير استغلو طيبتى وهبلى ده بقيت دلوقتى مش بثق ف حد بسهوله او بقول كده وخلاص وبتصرف عكس كده بس برده نفس التردد لو حد عاملنى كويس ببقا نصى واثق ومصدق ونصى شاكك وخايف ومتردد وعشان مش بعرف اتصرف ازاى يا اهرب يا اتصرف بهبل وطيبه واصدق ، علاقتى بربنا الحمد الله يعنى بحاول على اد ماقدر بس ساعات كتير التزم وساعات مش عارفا ايه اللى بيحصلى بوقف صلاه وقران او بأخرهم ولانى كمان اوقات بلاقى نفسى مش مركزه ومش حاسه انى بيكون عندى خشوع ف الصلاه ومش بحب اكون بكدب وانا بصلى عارفه انو ماينفعش ده بس بحاول احسن علاقتى بربنا بجد نفسى اكون انسانه كويسه ونفسى اتغير واعرف نفسى بس مش عارفه ياريت حد يساعدنى المفروض انى اساعد نفسى بس ازاى مش عارفه
add_commentأضف إجابتك

thumb_down لم يعجبني 0

إجابات السؤال

صورة علم United States
أضف إجابتك على السؤال هنا
  • الخبيرة النفسية سراء الأنصاري
    الخبيرة النفسية سراء الأنصاري verified_userاولا لا يوجد شخصية ضعيفة وشخصية قوية ولكن انواع من الشخصيات وانت من الشخصيات الطيعة ولست المبادرة واعتقد في تربيتكم جانب اعطاء الحرية في اتخاذ القرار ضعيف وهذا الشيء كان من المفروض ان تتعلميه ويشجعوك اهلك عليهالافضل ان تاخذي علاج سلوكي او دورات تطوير الذات ولكن لا اظن سيسمح لك او ستقرري هذا. لذلك والشيء الجيد انه ادركت ان حالتك فيها شيء غير طبيعي ان تساعدي نفسك. اولا قرار السعادة قرار شخصي لا احد يعطيك السعادة ولكن انت من تحققيها وعليك بوضع نفسك امام خيارات وعليك ان تختاري بين الاشياء ولو بسيطة حتى تتعلمي اتخاذ القرار.
  • صورة علم Jordan
    صورة علم Jordan
    مجهول
    عزيزتي , أنتِ تحتاجين إلى أن تثقي بنفسك حتّى تدركي أنَّ قرارك هو الصائب, لا بثدَّ للغنسانِ المسلم أن يكون قويّاً , واضحاً مع نفسه ,محدداً لهدفه , عالماً بقدراته , وقادراً على اتخاذ القرار , حاجتتنا للآخرين تكمن في استشارتهم كي نستفيد من خبراتهم وعمرهم , لكننا لا نستطيع أن نتركهم يقرروا عنا ما يجب علينا نحن أن نقرره , حاولي أن تجاهدي نفسك ,خططي لمستقبلك من جديد ةابحثي عن حقيقة ما تحبين ,وما ترغبين حتّى تستطيعي وضع هدفٍ يليق به , وفقك الله
صورة علم United States
أضف إجابتك على السؤال هنا