أعاني من تناقضات نفسية ولا أستطيع تشخيص حالتي

انا ولد عمري 17 مشكلتي بشكل مختصر من و انا صغير يعني تقريبا 8 ، 9 ، 10 ، 11 سنة سريع التقلب مدري تقلب المشاعر ما أدري وشو السالفة يعني مثلا اخواني اذا سوو شيء كلام بطريقة غبية مثلا او أي شيء او خواتي يقهروني صراحة و يطق فيني عرق! ودي اقول اترك الغباء ذا او شيء زي كذا و في نفس الوقت أمسك نفسي و اقول حرام عليك هم ما سوو شيء لك ليش تسوي كذا؟؟ يعني ما أدري وش صاير لي ماعاد افهم نفسي حتى و اذا شفت شخص طالع من المسجد و يمشي بطريقة كذا تستفزني او كلام ودي اسبه ثم بعدها مباشرة اقول حرام عليك هذا ما يعرفك ولا تعرفه وش تبي فيه؟ و بعد لو شخص انا وياه متزاعلين لمدة سنة كاملة و دايم تصير بيننا مشاكل و نقصني فلوس و هو كملها بسرعة يروح الحقد اللي في قلبي و احبه و أنسى كل شيء ثم يرجع يتمشكل معي يرجع الحقد و البغظ و كل شيئ و هذي تصير مع اخوي الكبير واجد اذا رفع صوته علي او شيء زي كذا أتمنى أنه يموت ثم بعدها يجي يكلمني و يظحك معي اقول في نفسي أحس اني ظلمته و حرام علي اني اسوي كذا ثم أحبه ثم يرجع كذا يسوي مشكله بسرعة اكرهه مدري وش فيني ما أتعلم بالله أحد يعطيني حل و وش يسمى ذا اذا كان مرض من نوع ما؟!