تمرد ابنتي وصل الى الشكوى علينا في المحكمة، ولن تصدقوا ماذا حصل؟

السلام عليكم ورحمه الله وبركاته انا مشكلتي كبيره بنتي عندها 21 سنه هي الكبيره في اخواتها فشلت في الدراسه ورافضه الحجاب طول عمرها من وهي صغيره متمرده علي عيشتنا مع ان احنا الحمد لله مستورين وبنجبلها كل حاجه من زمان اكتشفت انها كدابه وفيها كل الصفات الوحشه ابوها كان شايفني بتجني عليها لما اقوله علي اي حاجه بتعملها بدات اسمعها بتكلم شباب وبتقول الفاظ قذره وبتصاحب البنات المش محترمه وانا بعنفها بضربها لكن بدات انها تمد ايدها وعايزه تضربني وانا فعلا بدأت اكرها مش طايقاها لدرجه ان من كام سنه اه نسيت اقولكم اني عايشه بره مصر وهنا ممكن البنت تسيب اهلها لو بيضربوها فعلا مشيت وراحت واشتكت ان احنا بنضربها وده في الاول قبل ما كنا نعرف ان جواها وحش كده حتي ابوها من هنا بدا يعرف اني مش ظالماها وانها فعلا منحرفه اتعملت لنا قضيه ولفوا علي اخواتها كلهم علشان يشوفوا كلامها صح ولا مش صح لكن الحمد لله كسبنا القضيه وعرفوا انها كدابه وعرفنا بعد كده انها عملت كده علشان كانت رسبت في السنه دي ورجعت البيت وبدات اغير من معاملتي معاها لكن دون جدوي بتزيد تمرد لدرجه ان قريبتي دكتوره نفسيه قالتلي كنتي سيبيها هناك كانت هاتفهم وتتغير وانا بندم اني معملتش كده انا فعلا كرهتها وحاسه انها عضو فاسد في البيت وخايفه علي اخواتها منها مش عارفه اعمل ايه حسبي الله ونعم الوكيل