صورة علم Egypt
من مجهول
منذ 4 شهور 6 إجابات
0 0 0 0

ما ذنبي اني ولدت بعيب خلقي...!

السلام عليكم ارجو المساعدة لاني بجد تعبت جدا ومش عارفة اعمل ايه، اعاني من قسوة امي عليا وظلمها لي بشكل دائم والتفريق بيني وبين اخواتي وكذلك الأب أيضا يفرق في المعاملة بس مشكلتي الكبيرة واللي انا مش قادرة ألاقي ليها حل هي امي دمرت حياتي وثقتي بنفسي دايما تعايرني بشكلي لاني ولدت بعيب خُلفي واني فاشلة وتروح تسلط بابا عليا فحاجات محصلتش مشكلتي اني مش النوع اللي بتكلم بسكت وبكتم بقلبي وفضلت عايشة سنين مع نفسي واقرب الناس ليا بتعايرني وبتجرحني بكلامها لحد ما وصلت للدرجة انها بتدعي عليا بشكل يومي بأبشع الأمراض والموت وعدم التوفيق ف الحياة وعدم الزواج واعيش طول عمر تعيسة حتى مش بتديني فرصة اتكلم معاها لاني بتصرخ ف وشي دايما عمرها حسستني بحنان وعطف الأم ولا حتى بالكلمة للدرجةانها بتشوه صورتي قدام الناس ساعات من قسوتها بقول دي لو مرات ابويا مش هتعمل كدة انا تعبت اعيش بشكل يومي مع هذه الإهانات انا بسكت ومش برد بس جوايا بتقطع