ابي اطباعه سيئه

السلام عليكم ،، اخواني عندي والدي مسبب لي مشاكل جدا بالنفس يمشي ويكلم نفسه حتى اذا طالع بالمرايه يكلم نفسه ابوي كان شخصيه لكن مدري ايش فيه تغير يااخوان حتى يدخل بالنويا يعني مثلا اذا جيت اطلبه فلوس يقول انت داس فلوس وعندي اصحاب بالبنك يعلموني وهذا الكلام خطأ او اذا خربت سيارتي يقول الشرطه لاحقتك وانت منحاش ومره مسكت يد اختي الصغيره قالي لاتمسكها انت تبي تسوي فيها شي . ابوي من النوع الي يحسب الناس تتكلم فيه والعين عليه وانه مهم والي يفكر فيه على طووول يصدقه وأكثر تفكيره سلبي عشان كذا الناس تنفر منه ولكن لا أنكر انه طيب لكن اذا اختلطت السلبيه بالطيب وش الفايده !!!. يا اخوان انا تعبت والله وماني صغير بالسن لكن نفسي يصير ابوي إنسان افتخر فيه على الاقل بأخلاقه واستشيره بمشاكلي مافي احد بالدنيا اقدر اشكيله عشان يدلني او يحاول يدلني الا الله ، مدري ايش اسوي