صورة علم Syrian Arab Republic
من مجهول
منذ 5 شهور 15 إجابات
0 0 0 0

غير مستعد لتغيير شخصيتي من أجل أن يعجب الناس بي

السلام عليكم انا شاب عمري 19 سنة ، وانا شخصية انطوائية انطوائيتي بلشت من خمس سنوات تقريبا لأني وقت كنت طفل كان عندي صداقات كتيرة وكنت بكون صداقات بسرعة (طبعا لبساطة تفكير الأطفال) ولكن بعد ماطلعت من بلدي واتغربت دخلت بمرحلة العزلة والانطوائية (مع بداية المراهقة والمشاكل العائلية و الغربة و الحرب)كانت سبب كافي لانعزالي ، وانا متقبل نفسي جدا وبشتغل من عمري 14 سنة ومن سنة بلشت ادرس واشتغل بنفس الوقت والحمد لله ماشي بحياتي وبقرأ كتير كتب ومقالات وخاصة المختصة بالتنمية البشرية وانا انسان رياضي وملتزم دينيا وبحب المواضيع الفكرية وبحب ادخل بحوارات "على مواقع التواصل الاجتماعي" و90% بكسب الحوار وبخلي الطرف التاني يغير وجهة نظره حتى خليت شخص يتحول من طريق الالحاد لطريق التدين ولكن على أرض الواقع مابشارك بشيئ ابدا اذا ماكان في موضوع معين ينحكا فيه "الدردشة" العبثية بتوترني ف بضل ساكت ووقت بيسألوني ليش ماعم تشارك اصاب بالاحراج ، وهيك مواقف بتآلمني .. ف بتجنب التجمعات ووقت بقعد بفكر انا ليش ماعندي معارف ! (أنا صدقاً مابشوف حالي بحاجة) ولكن وقت بفكر بإني مثلا بدي روح اتقدم لبنت هل رح تتفهم هالشي أم رح تنظرلي ك انسان "معقد" هي أو أهلها ! مع اني انسان طيب العشرة وبكل مكان بشتغل فيه بترك فيه أثر حلو عند هالأشخاص وفي أشخاص بيحاولوا يتقربوا مني يتعرفوا علي ومنتبادل ارقام الهواتف ولكن اذا هنن مااتصلوا انا مابتصل وحتى اذا اتصلوا مرة لبعد فترة بنسا اتصل فيهم و هم بيفهموا على اني مش بفكري اتقرب منون ! ويمكن هالشي صح ويمكن خطأ ! مابعرف ... وبصراحة انا عم اكتب هالسؤال ان صح التعبير ولكن مش عرفان شو الجواب الي بدي ياه ! ممكن تقولولي (لازم تتغير ولازم تخالط الناس وتكسب صداقتهم حتى تكون اجتماعي والناس تتقبلك ... والخ) ولكن مابشوف حالي مستعد غير شخصيتي مشان كون "اجتماعي"! والناس تعجب فيني ! لأنو عزلتي صارت جزء محبب وأساسي من شخصيتي وهي كانت الباب لاتعلم كتير شغلات هي الي خلتني اقرأ عكس لو كان عند أصدقاء ما أظن رح يكون عندي وقت افتح كتاب ! و بنفس الوقت تعتبر "سيئة" ونقطة سودا فيني بالنسبة للناس ونظرتهم ! مابعرف .. . طيب سؤالي لحضرتِك وللبنات بشكل عام شو رأيك بهالشخصية !؟ 😄

أضف إجابتك

صورة علم United States
السؤال التالي