مابي اتزوج! وش اسوي مع اهلي؟

انا بنت عمري ٢٧ سنه عايشه مع اهلي ومستقله بنفسي اشتغل مديره مدرسه ومابعد اتزوج. جميله وعاقله ووضعي المادي كويس، كل اخواني وخواتي متزوجين الا انا.تقدم لي كثير بس انا رافضه الفكره لاني مخططه اسوي كثير اشياء بحياتي والزواج مش شيء مهم بحياتي واحيانا افكر اني اقعد بدون زواج احسن لي. لكن اهلي رافضين هالفكره وخاصه اخوي الكبير. مره كنا نتناقش ويبون يقنعوني بواحد كان متقدم لي لكن رفضت وارتفع صوتي على اخوي وصارت مشكله بيننا وبغى يضربني.بكيت كثير وقررت مااتكلم مع اخوي نهايئاِ بس امي وابوي تكلموا معي وضغطوا عليٌ وتصالحت مع اخوي واعتذرت منه.اخوي الكبير عنده صديقه يبي يتزوجني وهذي المشكله الي خلتني اكتب لكم. الولد كويس وكبر اخوي وموظف ووضعه المادي كويس واخوي يضغط عليٌ يبيني اوافق وانا رافضه حتى فكره التفكير بالزواج. ايش اسوي عشان افتك من هالسالفه؟ امي وابوي يحلفون انه اذا رفضت هالولد وماتزوجت بيزعلون عليٌ وبيقاطعوني وبيتركون البيت .انا محتاره لان المشكله مو بالرجال الي يخطبني بس فيني وانا مابي اتزوج! وش الحل؟

أضف إجابتك

من الخبيرة النفسية سراء الأنصاري

منذ سنتان

0 0 0

المفروض ان تكوني راغبة بالزواج لتتتحملي تبعاته ومسؤلياته ،،،بما انك سعيدة الان في عملك ولديك امور ترغبين بتحقيقها،، ممكن تاجيل فكرة الزواج الى حين تدركي ان الوقت قد حان للزواج. ،،،،ولكن انصحك باعادة النظر في موقفك لانه كلما تقدم العمر قلت الفرص الجيدة وربما تندمين خصوصا عندما تكوني وحيدة واولاد صديقاتك حولك. اتفقي مع اهلك انك لن تتتزوجي الا شخص يقدر عملك ومثقف ويساعدك بتحقيق ذاتك وربما يساعدك اسرع لتحقيق مرادك. وتذكري المسالة ليست عناد وفكري بمصلحتك

من مجهول

منذ سنة

ياشيخه ماعليك من احد عيشي حياتك ومو لازم تتزوجين عشان ترضين الناس أهم شي ترضين نفسك افرضي تزوجتي وانتي ب النفسيه هذي راح تتطلقين خليك كذا حقي طموحك احسن لك صدقيني الرجال كلهم يبون الخدمه بس والحياه جميله بدون رجل يعكر عليك صفوك

من الفيروز -

انا اعرف ناس مثلك كذا ولا يبون يتزوجون ولا يعرفون السبب ليه خلاص قناعات واولويات بالحياة تخليهم يشوفون فكرة الزواج مو مناسبة لشخصيتهم او لطبعهم او مبسوطين بحياتهم ويخافوون من التغيير لكن فكري بيها لقدام حين تكبرين تصيرين محتاجه ولد يرعى شؤونك صدقيني اعرف ناس ندمو حين وصلو عمر ال 50 ندمو كثير مو لشي بس عشان العيال يقولون مين الحين يقوم بينا وانتي فكري بيها من هذي الناحية

من ناصره -

انا بالنسبة لي حين ييجيني عريس ويقعدوني وياه اطفشه بالكلام واصير اسوي حركات وكلام والفاظ واتمتم وابين اني مجنونه حتى ما يرجع وما يرجع او اقله اني ما ابي اتزوج وانا مغصوبة على هذي القعده واذا احد سالك قول مافي نصيب قلبي مب مرتاح