أفكر بم حصل لي كي أتعلم من أخطائي

قضايا نفسية
animate

السلام عليكم...انا امراة عندى ٢٥ سنة ،موظفة ،مطلقة ، مشكلتى انى طيبة جدا وضعيفة الشخصية والناس كلها بتضحك عليا وبتستغلنى ،كل ما حد يتعرف عليا يستغلنى ،فى الشغل الناس بتيجى عليا عشان مش بعرف اخذ حقى وبسكت عشان اتجنب المشاكل ، حتى زوجى كان بيستغلنى بس انا مكنتش عارفة ولا فاهماه ،كنت بحبه جدا للاسف فمكنتش عارفة اشوف عيوبه ،كان متجوزنى علشان يستغل مرتبى وكنت بعطيه المرتب ، و كان بيعمل فيا حاجات كتير ويقولى متقوليش لحد علشان دى اسرار بيننا وكنت بصدقه ومش بقول ، لحد مع الوقت عرفت ان حياته كلها معايا محدش يرضى بيها وكان بيقولى متقوليش علشان لو حكيت لاى حد مثلا ماما كانت هتنصحنى وتعرفنى انى مقبلش انه يعاملنى بالاسلوب ده ،مثلا كان بيضربنى ويصالحنى وبسكت مش بقول بس كان بيكررها تانى وتالت وكان بياخذ مرتبى بالاقناع فيا ان ده الصح وكنت بعطيه المرتب ، كان مش بيقعد معايا فى البيت الا وقت الاكل يتغدا وينزل يقعد عند مامته لحد بالليل ويجى يتعشى وينام والكلام ده كل يوم من ساعة ما اتجوزنا وكنت بتكلم معاه واقوله ان مفيش اى حوار بيننا واننا بنيجى من الشغل بيبقى واحشنى عايزة اقعد معاه بس بيقنعنى انه بيزهق من قاعدة البيت ووبيحب ينزل بس انا مش عارفة يزهق ليه هو مكنش بيلحق يقعد فيه عشان يزهق والكلام ده واحناعرسان جدد . مع انى كنت بهتم بنفسى وبيتى وبيه ومش مقصرة فى البيت خالص ، كل ده غير عدم تحمله المسئولية وكذبه عليا وتكذيبه ليا وانتقادات المستمرة ليا وكلامه فى التليفون مع الستات وكان بردو بيقنعنى عادى الزوجة حاجة والصديقة حاجة كل ده وكنت بسكت ،وكل ده كان فى ٣شهور جواز بس . هل كل اللى حكيته كل الازواج بيعملوه مع زوجاتهم عادى ؟؟ المهم انا اهلى بعد مشاكل كبيرة عملها وضربه الوحشى ليا اتدخلوا وطلقونى منه . انا بس بفكر فى كل اللى حصل ده علشان اتعلم من اخطائى وافهم ايه اللى ممكن يتسكت عليه وايه اللى ميتسكتش عليه عشان مقعش مرة تانية .ارجو النصيحة .

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • الخبيرة النفسية د.سراء فاضل الأنصاري انت قليلة الخبرة في الحياة ولست ساذجة او ضعيفة الشخصية عليك بتثقيف نفسك والاطلاع على حقوق الانسان وحقوق الزوجة وحقوقك في العمل لان الجهل يجعلك لاتعرفي متى تتحدثي ومتى تطالبي ومتى تسكتي الى حين ومتى تقولي لا،،، صدمتك في زوجك اثرت عليك وزعزعتك لانك امنت به كونه زوجك ووثقت في كلامه ،، وكنت طبيعية وعملت الصح ولكن هو انسان تافه وغير امين على الامانة والله نجاك منه سريعا والحمد لله واحمدي الله ان اهلك وقفوا معك وتم طلاقك منه،، عليك الاستشارة في الامورة. الشرعية ومايجوز وما لا يجوز. وعليك معرفة حقوقك الزوجية اسالي مشرع او رجل قانون وبالتفصيل وطبعا لايجوز له ضربك او اخذ كل مرتبك او الممارسة الجنسية غير الشرعية او اهمالك وتركك وحدك او الحديث مع الستات على الهاتف او غيره كله تجاوز على حقوقك ولكنه استغل جهك وثقتك فيه وصدقيني هو الخاسر في الدنيا والاخرة
  • صورة علم
    صورة علم
    من مجهول
    انت صغيرة وفى مقتبل العمر فلا تجعلى طلاقك يحطم شخصيتك ويمنعك من مواصلة حياتك بشكل طبيعى تغلبى على ضعف شخصيتك اجتهدى وطورى من ذاتك اختلطى بالناس انت بحاجة لاكتساب الخبرات حتى تستطيعى التعامل مع المحيطين بك
  • animate

  • صورة علم
    صورة علم
    من مجهول
    يجب ان تقوى شخصيتك وتغيرى اسلوبك فى التفكير حتى تستطيعى مواجه الصعاب ولا تنكسرى عند اى موقف ضعف فلا تبكى على الماضى وافتحى صفحة جديدة بحياتك
  • صورة علم
    صورة علم
    من مجهول
    احمدى الله انك تطلقتى من زوجك الاستغلالى فهو كما تقولين كان متزوجك من اجل مالك فما يستاهل تفكرى فيه وانتظرى الزواج يتزوجك من اجل ذاتك
  • صورة علم
    صورة علم
    من مجهول
    السلا عليكم اختي , اولا اهنيكي على تفكيرك العاقل و نظرتك الجيدة للامور , كل انسان يمر في تجربة سيئة يتعلم منها شيء ما و القليل الي يتعلموت منها و يطلعوا منها أقوياء .. انا اقزلك انك تتحكمي في عطئك و حبك و لا تفكري في الناس بأنهم منزلون و ملائكة مهما أبدوا من ذلك أمامك .. نعم فكري في ما حصل و تعلمي لكن لا تعلقي في الماضي و لا تنسي و تلومي نفسك . الي حصل حصل تعلمي منه و انسيه وأرمي الماضي بمكانه و أبدأي حياتة جديدة بمادئ و شخصية جديدة
  • صورة علم Algeria
    صورة علم Algeria
    من مجهول
    يجب أن تكون لديك شخصية قوية و ترسمي حدود لكل شيء و أن تكون لديك مبادئ لا يتخطاها أي أحد.أنا أنصحك أن تزوري طبيب نفسي يساعدك في تقوية شخصيتك.الناس ما ترحم و أنتي شفت شو صار معك
  • صورة علم
    صورة علم
    من مجهول
    أختي العزيزة , اولا القلب الطيب عمره ما كان عيب و لا كان غلط , الغلط و العيب في الناس الي ما تستاهل و لا تقدر المعروف و الطيب لمقدم له !! طليقك كان انسان استغلالي اناني شرير ’ انت المفروض تتعلميه انه كل شيء زاد عن حدع قلب ضده حتى لو كان هذا الامر طيبتك و حبك و عطائك , تعلمي من يستحق هذه الطيبة و كيف تعيط بحدود

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟