بسبب عصبيتي أحصل على ما أريد

مساء الخير ؛ بدي اطرح مشكلتي؛انا متزوجه من سنه تقريبا ؛كنت قبل لا اتزوج وحده شخصيتها متردده يعني كنت أخاف من كتير شغلات ؛ وما كان حد يسأل فيي مع انو عيلتي كبيره بس كل واحد أهم اشي نفسو ؛ المهم من كتر المواقف الي كنت أمر فيها صرت عصبيه ولقيت عصبيتي هي الي بتجيبلي الي بدي اياه *نفسي يكون عندي أسلوب حلو اوصل الي بدي اياه * حاولت احكي بهدوء بس الناس الي حوالي ما في فايده منهم بعطونيش غير لما اعصب صرت احس الغلط بالناس مو فيني ؛ ولما اتجوزت حكيت لازم اكون شخص تاني بدي اكون وحده شخصيتها قويه وعندها ثقه بحالها وبدء اكون واكون واكون ؛؛،،، ويكون أهم اشي عندي أسلوب احكي فيه مع زوجي ؛؛ المهم مر اول شهور الزواج اطلب من زوجي أغراض وشغلات ما كان يوافق أو ياجل المهم ،رجع شوي شوي اسلوبي العصبي والمشكله انو صار يرد ويجيبلي الي بدي اياه !!!!!!؟مش عارفه شو اسوي وكيف يكون عندي طوله بال