أمي أخبرتني أنها ستموت هذا العام!

وش راك خو صفا،راه من2017قالتها،عندها بزاف،مي قصتها مشابهة شوي لقصص سمعتهم وواحدة عشتها،بابا الله يرحمو كنت انا كلش في دار يعني انا هو الذراع من صغري هكا، حيت كبير في سن هو،قبل شهرين من وفاته،كنا مجتمعين في دار،قالي مصطفى اشري قضيان شهر وحطه في كراج،جامي قالي عفسة هكذا،انا صراحة ضحكت عليه مام دارنا كل هكا،قالي ولدي دير كيما نقولك (هو كان يمعني بذاك العزاء"صدقة الميت")وكان يقول ل يما بلي راهو رايح وبدى يحكيلها عن الناس الموتى فقط كانو يقفوا عليه في الاحلام،وماكملش شهرين توفى الله يرحمو،الميت يحس بإنتهاء اجله ولكن لايستطيع اخبارك، ولن تدرك الي بعد انتهاء الوفاة بمدة تتذكر كلش، وتقول كيفاش ماعرفتش،نتذكر اخر مرة حكيت معاه،كان في سبيطار روحت ليه على7:36 مهم كان المغرب أذن وقتها،حكيت معاه قالي راني نشوف الرعد ماراكش تشوف وتسمع انا ماجاتش في بالي وقتها مي هو في صح تفتح الستار قدامو،وقالي اتهلا في دار واغلق باب،شحال قعدت من بعد ماخرجتش من عندو3ساعات عيطولنا قالونا توفى،ولاد عمي خبثاء كان يعيط بابا ويقول جيبولي مرتي واولادي هما ماحبوش يعيطولنا حتي توفى بلا مانودعوه،غير قبل مايعطولنا ب30دقيقة خويا كان في صالون تاع دارنا داير موسيقى وانا ماعرفش علاش حتي قولتلو طافي قالي لا، قلت له دوك يموت بابا تعرف،وقد لله وماشاء فعل، الله يرحمو ويجعل مئواه الجنة واجمع المؤمنين والمؤمنات والمسلمين والمسلمات في جنات النعيم أجمعين يارب العالمين