لا ينطبق علي صفات الأمومة

قضايا نفسية
animate

مرحبا...كل سنه وكل الامهات بالف خير..والله يرحم كل الامهات الي توفوا ويصبر اولادهم...بدي اطرح موضوع الو علاقه بيوم الام...انا ام ل3 اطفال وحامل بالرابع...اليوم وانا بقرا مسجات عن الام وبسمع عالتلفزيون حسيت بغصه بقلبي...مو حابه اكون سلبيه بكلامي بس حابه احكي عن شعوري الي بشعر فيه من فتره...انا ما بحس انو الكلام الي بينحكا عن الامهات بينطبق علي ..انا ما عندي صفات الامومه ...مو عامله شي لاطفالي ما عندي هالعطاء الي بينحكى عنه..ما بعمل شي غير التنظيف والترتيب للبيت لما يكونوا بالمدرسه... واطفالي يادوب ملحقه على دراستهم واكلهم ومقصره في التنتين وهالشي عملي حالة توتر مستمر وعصبيه ...وبالذات انهم بناتي كتير حساسات توتري وعصبيتي اكبر غلط بالتعامل معهم يعني بظلمهم ..ياريتني مو امهم...ياريت الهم ام احسن مني ...حتى حملي كرهانيته...ومو عارفه شو حيكون شعوري لما اشوف البيبي مو حاسه اني رح احبو...والله بكتب وانا عم ببكي بحرقه...حاسه انو الله رح يعاقبني باطفالي...لاني مو عارفه اكون ام ..اصلا انا بحاجه لامي بحاجه اني ابكي بحضنها بدون ما احكي ولا كلمه وهي تكون فاهميتني وحاسه فيي ..بس مو قادره ..وفاقد الشيء لا يعطيه .. انا بدي منكم تدعولي بظهر الغيب الله يقدرني اني اربي اولادي ..وما اظلمهم وما اقصر ببيتي ومع زوجي لانو هو كمان ما بيستاهل مني غير كل خير...سامحوني على سلبيتي بس ما في حد احكي معو ...انا اسفه.....وشكرا كتير الكم

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • الخبيرة النفسية د.سراء فاضل الأنصاري اولا الانسان يحتاج الام الى اخر يوم في حياته ومجرد احتياجا للوالدة يدل انك أم طيبة ثانيا ماهو التقصير الذي تظنيني عن نفسك فأنت تهتمي بالبيت وتنتمي بدراستها وتمني ان تكوني أفضل أفضل هذا كله كافي اذا كان هناك اخر ن لهم قدرات اكبر تحمل اكبر طاقات اكثر فان هذا لايعني انك مقصرة ولكن يعني ان الناس تختلف كفكفي دموعك فأنت أم طيبة ومتفانية وواضح انك تبذلي جهدا اكثر من قدراتك ووقتك والله يعينك
  • صورة علم Saudi Arabia
    صورة علم Saudi Arabia
    من مجهول
    حبيبتي اول شي انتي حامل و الحمل بيعمل خربطة هرمونات بتزيد حساسيتك و مشاعرك ثاني شي الحل على عكس ما بتتوقعي مش انه تتعبي اكثر لا الحل انك تقدري حالك اكثر و تهتمي بحالك اكثر كلنا بشر و ما حدا كامل يعني ما في بيت بيلمع ٢٤ ساعة ولا في ام فاضية عطول تداري ولادها و تهتم بمشاعرهم واي طفل طبيعي بيتحسن بالدراسة مرة و بيضعف مرات و الناس قدرات .. حطي لحالك واجبات شخصية تعمليها شو ما كان ظرفك مثلا انه لازم الك كل يوم لو نص ساعه تصفي راسك فيها تشربي قهوة او نسكافيه شاي اي شي يروقك و ما تعملي شي من واجبات البيت و الولاد بهالوقت هذا الك بس و الزمي حالك اول ما تصحي بروتين بسيط لو خمس او عشر دقايق تهتمي بنفسك الصبح حسب انتي شو بتحبي غسلي مشطي تعطري اي شي يعطيكي احساس ثقة بنفسك و انوثتك لانه سعادتك مع نفسك و ثقتك فيها هو اهم شي لحتى تقدري تهتمي بولادك و تكوني رايقه عليهم و حاولي تذكري حالك كل ما عصبتي من ولادك انهم زغار و انتي الكبيرة الواعية و انهم منك بتعلمو كل ما عصبتي رح يصير اعند و كل ما حضنتيهم و قلتيلهم قديش بتحبيهم رح يحاولو اكثر يلبو توقعاتك و يخلوكي تفخري فيهم هذول كتاكيت شو ما غلبوكي هم نور عيونك لو فقعت معك تجنبي الكلام و التهي بشي من شغل البيت وضلي اذكري الله وانتي بتشتغلي استغفري و تحسبني لحتى ترجعي تروقي و تعالجي مواقف اولادك بدون نرفزة و اذا حاسة حالك مش ملحقة شغل و هم عطول بخربو ممكن تعطيهم مهام بسيطة مثل التعزيل و الترتيب هيك بساعدو شوي و بنشغلو بدل التخريب و اهم شي تحسسيهم بحبك و حضنك و تجمعيهم كل يوم خمس دقائق عشر دقايق تحكيلهم قصة و هم بحضنك و حواليكي او تقرأي معهم الاذكار يعني لحظات بسيطة من كل يوم بحسو فيها بحنيتك عليهم و أن شالله هالخطوات على بساطتها رح تحسسك بفرق شاسع
  • animate

  • صورة علم Saudi Arabia
    صورة علم Saudi Arabia
    من مجهول
    عزيزتي انت عندك قلبك طيب و حنون ، و الدليل إنك تلومي نفسك على التقصير ، رغم انو واضح من كلامك انك مضغوطة و بتبذلي جهدك .المرأة مسؤلياتها كثيرة في البيت و مع الزوج و الأولاد ، تحتاجي معونة في ذلك عشان يخف عنك الضغط ، أنصحك تقولي كل ليلة وانت في فراشك قبل النوم زي ما قال الرسول عليه الصلاة والسلام للسيدة فاطمة عندما طلبت خادما ( سبحان الله 33 ، و الحمدلله 33، و الله أكبر 34 ) ستجدين تغيرا رائعا و سهولة كبيرا كل يوم إن شاء الله. و حاولي أن تعلمي بناتك الاعتماد على أنفسهن في الدراسة ، و أنت فقط تقومين بالتأكد من ذلك .حاولي أيضا الاستفادة من والدتك او صديقاتك في كيفية تنظيم الوقت للأعمال المختلفة .و تذكري شغل البيت و الأولاد لا ينتهي ، عليك بتخصيص وقت تقضينه في شيء تحبينه مع نفسك ، و وقت تقضينه مع أطفالك .حاولي أن تنجزي عملك بعد الفجر فهذا وقت مبارك يستطيع فيه الانسان انجاز الكثير ، ليكون باقي اليوم بعد عودة أطفالك من المدرسة مريحا لك إن شاء الله.
  • صورة علم Jordan
    صورة علم Jordan
    من مجهول
    لا يكلف الله نفسا الا وسعها ، انت بتعملي الي بتقدري عليه واحنا معظم الامهات هيك لكن في منهم قدرتهم اكبر من هيك وعطائهم اكثر فليس معناه انك ام مهمله ، انت عندك امومه ولكن مو ظاهره عليك وانت مو حاسه فيها وانا كمان بفكر مثلك وهذا شي طبيعي لانه بنحب اولادنا كثير ونتمنى نعطيهم اكثر من هيك، لا تجلدي حالك وتشعري بالحزن خذي اولادك بحضنك وداعبيهم واستمتعي بالحياه معهم .
  • صورة علم Qatar
    صورة علم Qatar
    من مجهول
    وايد تتدلعين ,, انتي تسوين شغلك باحسن وجه لا تشككين بقدراتك
  • صورة علم Saudi Arabia
    صورة علم Saudi Arabia
    من مجهول
    عليكي بتوجيه هذا شعور نحو الاتجاه صحيح بدل من ان تبكي عليه اجعليه دافع للمزيد من الاجتهاد
  • صورة علم Saudi Arabia
    صورة علم Saudi Arabia
    من مجهول
    شعورك هذا ناتج عن احساسك بتقصير وابدا هاذي مو مشكلة تنلامي عليها فانتي تسوين كل الي تقدرين عليه والله لايحمل نفسا مالاطاقة لها به انت تسوي مهامك على اكمل وجه وان كان فيه شعور بتقصير فهذا غير صحيح فهذا مبني على اعتقاد خاطئ

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟